..... ~ | زينَـة آيآمـيٍ . . . شبآبـيّ | ~ .....

[Aowedh Alsolmi]

ياشاكيٍ ضيم البشر نام وارتاح
واصبر على الشدات خلك بتوعي
بدل دموع الحزن ياشيخ بافراح
وخل الفرح يجتاز كل الربوعي
الناس صارت تقلب الجد بمزاح
ماتستحي قدام كل الجموعي
وناسٍ تنكد سعد الايام بجراح
وكلن على طبعه يفك النزوعي
دنيا يضيق ابها البشر وين ماراح
ويشل همه بين حدب الضلوعي
أول شبابه بين سايح وسواح
واخر شبابه صار همه يروعي
قعدت ألبس ماضي الوقت بوشاح
واصور ازوال البشر كم نوعي
حتى لقيت الفرق والبال منساح
الفرق واضح كان قلبك قنوعي
دونتها في دفتري والحبر ساح
يبكي على وقت (ن ) مضى بالدموعي
نويت ابهجر حاضر الوقت واجتاح
واودع فراق الزمن بالشموعي
هذي كذا الدنيا والايام تنزاح
اتخضعك لو كان قلبك قطوعي