يالدواافييير افيدوونا عن طريقة المذاكره السليمة

[Sahar yanas]

المشاركة الأصلية كتبت بواسطة د.نورهـ - هلا بكـ يا وجه الخير على الطلاب ، جزاكـ الله خير إنك فتحتِ هذا الموضوع ،،، - فهمت سؤالكـ ، تراجعي الدرس و تذاكريه في نفس يوم المحاضرة السبب في ذلك لان (ثبت علمياً) أن 70% من المعلومات تثبت في يوم تلقيها و ذلك بمراجعتها أو حتى قرائتها بتأني و فهم ، بذكر لكـ أمر أحيانا يكون عندك مثلا بكره اختبار و ماعندك وقت تذاكري محاضرات اليوم و هذا الامر يحصل معي الحل عندك أحد خيارين إما تقرأي المحاضرة أو محاضرات اليوم تذاكريها نهاية الاسبوع و لا يعني التأجيل ترك الموضوع و الدخول في التسويف لا نتعامل مع الامر بجدية ،،، - أتمنى أكون وفقت في إيصال المعلومة و سعيدة بإستفساراتكـ ، اليوم الصباح إتذكرتكـ كنت في المكتبة و ناوية كتاب ألخصه للجميع عن المذاكرة لكن ماوجدته بدور عليه و إن شاء الله يفيد الجميع ، موضوعكـ جزاك الله خير فتح لي باب أفكار لإفادة الطلاب فأسأل الله لكـ الاجر و المثوبة ،،، - أعتذر تأخرت في ردي عليكمـ ، و إن شاء الله أكون معكم إلى آآخر يوم في الترم ، حياكم الله ،،

شكراً على اطرائك الجميل ....وبوركتي على كل خير وجهد قدمتيه لنا ....الله يعطيكي العافيه وعلطول دعواتي لكي بكل خير ....يا ذو القلب الطيب ماشاءالله ..

ايوا وصلت المعلومه .. تعبناااكي معانا لكن الله يجزاكي خير ...

أمـا انا مني قادرة اوصلك السؤال والسبب مني مني قادره اطرح السؤال زي الناس مدري اشبي
(يعني انا اليوم بدأت اول محاضره الا وهي *مادة التمويل * ورجعت البيت مارااجعت شي ..ومخططه انو بكرا اراجعوا ) يعني بعد المحاضره بيوم عشان يسير قبل المحاضره الجديده كمان بيوم ...عشان في دكاتره يحبوا يسألوا البنات عن المحاضره السابقه قبل مايبدأو المحاضره الجديده وكمان عشان ارابط بين المحاضره السابقه والجديده .وهادا حيكون نظامي اذا كان صحيح ..