رقمي الجامعي مسجل بأسم بنت تانية اش اسوي في نفسي بروح انتحر من الجامعة دي

[روتانا السقاف]

سلام

اخواتي واخواني

بصراحة انا طفشت من الجامعة دي اذا كان شغلهم مو تمام احنا اش نسوي بالله

يعني تخيلوا كل يوم رايحة جايه مشاوير على الجامعه تعديل بيانات وتصنيف وكل يوم يصرفوني

وفي الاخير لما اكتملت بياناتي جيت اسجل في مكرمة الملك بعد محاوله اكثر من اسبوع دخلت ويا فرحة ما تمت

لقيت رقمي الجامعي مسجل باسم بنت تانيه غيري

مافي شيئ يخصني غير الاسم بالانجليزي

اما الهوية والجوال والايميل والاسم بالعربي كل شيئ يخص بنت تانيه غيري

اروح لمين لان عمادة شؤون الطالبات وعمادة القبول والتسجيل يدامو عشان يشربو الشاهي مع بعض

كل يوم اقلهم في مشكله في بياناتي يصرفوني ويقولوا كلو تمام كلو تمام

ماعندهم غير الكلمة ي حسبي الله ونعم الوكيل فيهم

ابغى اعرف مين كبيرهم عشان اكلموا .. ومين المسؤول .. ابغى احد ثقة ويقدر ان الوظيفة تعتبر امانه
لازم يقوموا بيها بأكمل وجه ..؟

مو تصريف ويتنفخوا علينا كاننا بناخد المكافاءة من جيبهم والله من جد حرام عليهم والله شيئ يقهر ويرفع الضغط

ياريت تعطوني حل للمشكله دي واهم شيئ ابغى اوصل لمسؤول عن الجامعه ترى مره تعبت والله مايقدروا ولا يراعوا كيف الوحده فينا تعاني وترجع على قلة فايدة بسبب اهمالهم وتصريفهم ..

اسفه لو طولت عليكم واعذروني

وجزاكم الله خير والله يوفقنا جميعا ويكون بعوننا