بـــــنــــــــات المـــــــــــودرن مع أ/عائشه الحــــربي

[.. بيســـان ..]

ليه سؤالك جا مرة متــــأخر ؟؟؟؟؟؟؟؟

عموما ياستي هية حتجيب 6 أسئلة نختار منها 5 بس
تبغانا نتكب ايساي مكون من ثلاث براغرافات يعني مقدمة و بودي و خاتمة
لا تنفجعي !! و خدي نفس !!

كل براغراف ما تبغاه أكثر من 3 سطور
المقدمة تكتبي فيها نبذة عن الكاتب أو الكاتبة (احفظي 3 نقاط عن حياته) Biography
البودي حيكون جواب السؤال اللي حتسأله
الخاتمة حتكون رأيك في العمل

قالت ركزو كتير عالقصايد لأنه أغلب الأسئلة منهم ..
حتجيب سطرين من اي قصيدة و تطالبك باسمها و كاتبها (اقرئو القصايد مزبوط)
و تحددلك ايش تبغى .. الإيميج أو المحسنات البديعية اللي فيها

في المسرحيات .. كتبتنا في المحاضرات كوتيشنز حتختار منهم اثنين
ماعندي وقت أكتبهم و أرفعهم عالنت وراي براكتكم .. آسفة !
همة 4 للمسرحيتين لو ماعندك أحد كاتبهم حاولي تجي بدري و تذاكريها مع احد
و يهمها كمان في المسرحيتين الــ plot

الرواية : رحلة للهند

في المرفقات تلقي اللي أرسلتنا اياه المس لكن نبهت انو في شخصيات تانية للرواية نبحث عنها
ما أسعفها تحطهم لنا


القصص :

السيتينج
الشخصيات
السيمبولز
الثيم
و أهم شيء الستايل و الستركتشر

تقدري تطلعي من النت the story of hour الشخصيات و السيتينج

http://www.cummingsstudyguides.net/Guides3/Chopin.html

و الثيم و الستركتشر والسيمبولز من السبارك نوتز حسب اللي عرضته في السلايدات بالضبط

http://www.sparknotes.com/short-stor...ur/themes.html

القصة التانية War .. كلنا حايسين فيها مالها مراجع عالنت و حتى في المنتدى

أنا بأذاكر دحين ،، دخلت عشان أشوف اي شيء للقصة التانية و شفت موضوعك بالصدفة !
اي شيء يستجد معايا و خصوصا المسرحيات حأدخل و أكتب بإذن الله

بيسان