أضرار سواقه المرأه.... توقعات مستقبليه !!

[زمردة 2009]

الصراحه اسمحيلي ولاتزعلين كلام ماله داعي

أولاً شوفي الطريقه المخاطب فيها ..! هذه طريقة ناس متعلمه ..!

وبعدين وشو تؤدي لتمرد المرأه سلامات خير إن شا الله الأخ شايفها تمارس منكر لاقدر الله ..!

يابعدي هالحين لما تمشي على رجلينها بالشارع أو تمشي بالسياره ألي فيها أمن أكثر لها ياناااااس هذا فيه فرق

كل الي معارضينها ناس أنانيه ماتطلع شجاعتها إلا بسوالف الحريم ..!

يعني عادي تركب مع سائق عديم الذمه وخلوه بعد وهذا الحرام بعينه وعلمه وللأسف

ماشفنا هالمعارضات من شبابنا المحافظ لا إله إلا الله ..!

ولا تفني عمرها بالباص تحتري رحمة سايق الباص متى يحن وينزلها

والله العظيم يمين مغلظ أعرف بنات يقعدن 3ساعات علشان يوصلن البيت لأنهن بباص وجايات علشان محاضره لاتتجاوز 50دقيقه

وين الرحمه ياناس حرااام هذه ماعندها ظروف ماعندها إمتحانات وووآلخ

أتحدى واحد من هلي معارضين يرضى يقعد3ساعات بباص علشان محاضره وحده باليوم ..!

والله ينام ويكبر المخده ولا هو داري عن هوا دارهـ


الكلام سهل حيييييل سهل لكن النار ماتحرق غير رجل واطيها

المسأله مو بمسألة تطور أو تمرد حسب كلام الكاتب الرفيع ألي جبتِ رأيه ألي حتى مهوب قادر يكتب بالفصحى

كونه كاتب ويتفلسف على روسنا يلتزم على الأقل بشروط الكتابه

المسأله مسألة حاجه الإسلام يبيح المحرمات إذا كانت للحاجه فما بالك بالقياده ألي مافيها أي شيئ يدعوا للتحريم

والله عجبني كلام عضو أمس قال لو شعبنا متربي ويخاف على البنت ألي بالشارع مثلها مثل أخته والله كان سمحوا فيها

مبطي

لكن وش أقول حتى الدول الثانيه عارفين السبب الأساس من المنع هو التقزقز ووو آلخ الزبده من الشباب الله يهديهم


لكن طال الزمان أو قصر وسيذكرها لكم التاريخ يوماً


راح يسمحون فيها والله راح يجي هاليوم

عذراً على الإطاله

كل الشكر والتقدير

احترامي