استفسار بخصوص المؤتمر العلمي الثاني ..

[Mr_Alharthi]

المشاركة الأصلية كتبت بواسطة p!nk girl السلام عليكم ورحمه الله وبركآته .. كيف حآلكم ... عندي استفسار بخصوص المؤتمر العلمي الثاني الذي سوف يقام في الهيليتون بتاريخ 23 / 4 / 1432 هـ طبعا انا طالبه وحابه اسجل فيه وسجلت عن طريق الرابط اللي ارسلته لي الجامعه على جوالي .. عندي استفسارات بخصوص هالشي .. الاستفسار الاول ... اللي سمعت انو اللي يسجلون راح يرسلون لهم كود واروح للهيليتون واعطيهم الكود ويطلعون لي بطاقه اني مسجله .. هل هذا الكلام صحيح ..؟ مع انو الموقع موكاتبين اي حاجه بخصوص البطاقه بس جاني على الايميل كلام كذا ( عزيزي ابتسام .. لقد تم قبول طلبك لحظور المؤتمر العلمي الثاني لطلاب وطالبات التعليم العالي ورقم مرجعيتك هو < ماقدر اكتب الرقم اخاف يكون خصوصي ) واذا طلع الكلام صح قوليلي من فين اطلع البطاقه ومتى وكل الاشياء اللي خاصه بالبطاقه هذي قولوها لي ..؟ الاستفسار الثاني .. كمان سمعت انو اللي يحضر على الاقل يومين من المؤتمر ويكون من طلاب وطالبات الجامعه راح يعطونهم شهاده من وزاره التعليم العالي .. كمان هل هذا الكلام صحيح ولا لا .؟ واذا هالكلام صح قولولي ايش استفيد من الشهاده ؟ بلييز اللي عنده اي خبر عن هذا المؤتمر وكلام اكيد يقولي لو اللي كتبته صح ولا لا بليز لان باقي اسبوع ع المؤتمر ونفسي اعرف اشياء اكثر عنه لان الموقع مو كاتب معلومات عن هذي الاشياء ..؟ وشكرآ آنتظركم .. :d

انا سجلت بالمؤتمر وارسلولي رسالة قبل يومين على الجوال نصها " تم اغلاق التسجيل . بالنسبة للطلاب والطالبات المسجلين يتم استلام البطاقات والكتب يوم الاثنين 23 ربيع الثاني من الساعة 1 ظهرا وحتى الساعة 6 مساءً في فندق هيلتون جدة . ونعتذر عن تسليم اي بطاقة او تسجيل اي شخص بعد ذلك .." هذا اللي اعرفه اتمنى اني افدتكم ......موفقين جميعاً