يابنات انتوا مستوعبين

[M.E.S.H.O]

حبيبتي لا تضيقين صدرك....وزي ما قلتي الاغلبية درجاتهم نازلة جدا في المادتين..الاسئلة وبشهادة الاساتذه تعتمد على الفهم اكثر بكثير من مجرد حفظ القانون والتطبيق عليه...غير كذا الاساسيات القوية للطلبة الي جابوا درجات حلوة هي الي ساعدتهم...عموماً الي صار صار وقدر الله وماشاء فعل..

الي عليكي الحين..انك تطالعين لقدام وتحاولين تجيبين درجات حلوة في الدوري الثاني والنهائي بإذن الله...وهذا الي انا بسويه

مادة الرياضيات//

1. اول شىء تذكري ان عندك بونس 10 درجات..وهاذي تنقذ ناس من الرسوب للنجاح...فانتي حطيها على درجتك في الدوري وشوفي كم باقيلك عشان ما تنزلين عن a يعني مش اقل من 90
بتلاقين ان لسع قدامك ان شاء الله ...ولسع الدرجات في حوزتك..

2. لاحظي اسئلة اختبار الرياضيات ما جت كوبي بيست من امثلة الكتاب او السكاشن...وهذا يتطلب فهمك لكل فصل فهم ممتاز..بعطيكي مثال على سؤال لخبطوا فيه البنات السؤال الي كان e^x...اثنين منهم مجموعين في البسط وعلى المقام وحده...لاحظي عشان نحل هالمسألة لازم نرجع لقوانين الاسس الي موجودة في الكتاب على شكل box...بس ما عليها امثلة وحتى الاساتذة في المحاضرة ما حطوا عليها مثال...المطلوب يعني انك تركزين عند دراستك من الكتاب وما تستغنين عنه على الاقل القوانين...

3. المذاكرة أول بأول...ما اكذب عليك واقولك انا اذاكر اول باول...بس على الاقل حاولي تطلعين من المحاضرة وانتي فاهمه اذا ما فهمتي شىء لا تتغاضين وتقولين افهمه قبل الاختبار..ارجعي البيت واقري جزئيته وطبقي عليه واذا عندك مشكلة روحي للاستاذة...

4. يمكن هالشىء يكون سخيف بنظر البعض...بس دايم ساعدي الي حولك اذا احد ما فهم شىء ساعديه لان صدقيني هذا الي بيخلي ربك بإذن الله يوقف معك في وقت الاختبار ...كان الله في عون العبد ما دام العبد في عون أخيه

مادة الفيزياء//

1. الفهم ثم الفهم ثم الحفظ...غلط كبير يرتكبونه الطلاب بانهم ماخذين الفيزياء مادة حفظ قبل ما تكون فهم...غالبية الاسئلة الي جت تعتمد على فكرة مش على تطبيق مباشر..الاسئلة تبين الي فاهم صح..من الي جاي وصام الكتاب...بس لاحظي جت من اسئلة السكاشن والسامبل بروبلمز..مش زي الرياضيات

2. التزمي بحضور السكاشن واختاري وقت تكون فيه استاذة كويسة...اذا كنتي بالسليمانيه فاستاذة لبنى واستاذة اريج تمام :)

مادة الحاسب//

صمي الكتاب صم...صراحه انا رحت الاختبار ومش مذاكرة تمام...وتفاجئت بمستوى الاسئلة...لكن نكون حقانين ولا نقطة جت من خارج الكتاب كل شىء موجود..بس المادة يبغالها مذاكرة

آخر شىء استغلي الاجازة في ما يفيد...امسكي الرياضيات وراجعي القوانين الاساسية زي مفكوك اس ثلاثة والخ من الاشياء الي ممكن تجي في الاختبار وما تذكر في المحاضرات باعتبار انها من البديهيات...امسكي تشابترات الفيزياء الي من بعد الثالث وتصفحيهم يا من الكتاب او من ملخصات اشرف بركات..افهمي عن ايش تتكلم وراجعي الاشياء الي لها علاقة فيها وكانت معانا في الثانوي بكذا اذا دخلتي المحاضرة تكون عندك خلفيه عن الي بتاخذينه وبيسهل عليك الفهم...

نقطة ثانيه..اذا بتاخذين ملخصات التزمي باستاذ واحد..لان طريقة شرح نفس الفكرة من استاذ لاستاذ تختلف وبالتالي ممكن تلخبطك....راجعي اسئلة الامتحانات وخاصة تبع السنه الي فاتت وافهمي كل افكارها لانك كذا بتضمنين سؤال على الاقل او اثنين جاي منها او مشابه للفكرة...

اخيرا احسني نيتك..واطلبي هالعلم لوجه الله...لان صدقيني الدنيا فانيه وان شاء الله تؤجرين على كل شىء حتى تعبك في المذاكرة ونقصك في الدرجات...

والله يوفقنا جميعا ويكتب الي فيه الخير والصلاح...