أنا زعلانه - بس شويه -حرموني من الاختبار بسبب البطاقة

[مشموشة]

مساء الخيرات والليرات
اليوم كان اختبار وزارة الخارجيه في المبنى 29
انا قدمت ع الوظايف المتاحه والحمدلله طلع اسمي مع المرشحات اللي تنطبق عليهم الشروط
المهم روحت اليوم للاختبار واخدت معايا كرت العائله بما اني ماعندي بطاقة شخصيه
ولمن جيت ادخل قالتلي موظفة الامن طلعي بطاقتك الشخصيه
قولتلها ماعندي !
قالت طيب جواز سفر .. قولت كمان ماعندي !
تخيلو قالت معليش مانقدر ندخلك الاختبار ..
كلمت المسؤولة جاوبت عليا بنفس السؤال ..
وللاسف رجعت البيت وانا زعلانه - شويه بس - لانه الفرصه تجي مره وحده
والحمدلله ع كل حال !

اش رايكم في التعقيد اللي صاير ؟