مييين اللي يؤيد بأن يكون هناك سنة تحضيرية؟

[mnonna]

انا اؤيد السنه التحضيرية وبشده شديده جدا
لانو نسبنا ف المدرسه كانت تبين شطارتنا ف امدرسة
والمدرسة شي مختلف تماما عن الجامعه
الجامعه يبالها عزيمه وتحمل وصبر وكل شي
يعني المدرسه شي غير عن الجامعه
وبعض الكليات تحتاج ناس اكثر تأهلا للدراسه الجامعيه مو للشطاره المدرسيه
الشاطر ف المدرسه مو شرط يكون زكي وكل مين في مدرستو الله يعلم كان بيزاكر من ايش
يعني وحده جايبه ميه من ميه ومزاكرتها كانت من ورقتين كل ماده
والتانيه من الجلده للجلده وجايبه متلن 94
مره مافي مساواه .. والجامعه بتاخد نسبه كبيره من شهاده السنوي
والقدرات والتحصيلي كتير ناس بالقرعه يجاوبو وانا منهم وجبت علامه كويسه وانا متاكده انس ماستاهلها لانو اصلن ماعرفت ولا عشرها

وبعدين الناس الي ماجابت عالي ف السنة التحضيريه الي هيا كلها مواد درسناها قبل كدا ... كيف باللهي حيمشي حالهم ف طرف الطب والاقسام دي


باختصار : التخصصات تخصصات جامعيه وبتقيس القدره الجامعيه وليس المدرسيه

ومعليش لو طولت .. تقبلو مروري