لكل البنات اللي سجلو علم نفس وتخصصهم غير تعالو

[مشموشة]

bonjour tout le monde
تشكر يااستاذ عماد وعقبال الدكتوراة
ع فكرة انا بعد مااتغير وجه السكرتيرة لمن عرفت تخصصي عرفت انو مافي قبول
حاليا افكر اني ماادخل الاختبار
ماابغى اتعب اهلي بالروحة والجيه واخرتها يحسبو ان الخطأ مني ويمكن يقولولي اصلا انتي منتي فالحة
عموما لاحد يقول جربو يمكن تقبلو لالالالالا مافي قبول اذا المقاعد 7 ع مايقولو وعدد الطالبات عشرطعشر الف
يعني مستحيل يتركوا بنات القسم عشان خاطر عيوننا ويقبلونا
انا والله ندمت اني روحت وقدمت اوراقي وترى مافيها اي نوع من الخبره زي ماتقول !!
الا مرمطه وبعنف .. يكفي ان بعض موظفات الامن تكلمنا من طرف خشمها تحسب نفسها عقيد .. والاداريات مايحتملوا
اي سؤال زايد يعني يبغونا نسالهم سؤال ونبلع لساننا .. لا ويقولوا استفسروا عن اي شي ولمن تسال كذا سؤال
تطالع الاخت بنص عينها والاجابه من تحت الضرس تحسس الوحده انها غبــــــــــــــــيه ..
عموما مااقول الا ان السبب من المسؤولين الكبار اللي كل فتره مخترعين قوانين جديده ..
احس ان كل قرار جديد يطلع بعد مايكون المسؤول خلص كيس فصفص وبراد شاهي يسترخي ويبدا يفكر ويطلعلنا بقرار وقال ايه كلو في صالح شباب مجتمعنا ..

رجاءاً لاحد يقول المسؤولين ماقصروا ومن هذا الكلام.. الا هما اصل البلاوي الللي احنا فيها ..
ولو دحين قريب لهم ولا اخ ولا بنت او ولد اسمو في اول المقبولين والتوصيات تشتغل من كل مكان !

طيب يعني نبغى نفهم محددين المقاعد ليه ؟؟
عشان مايبغوا يدفعوا مكافآت؟ معقول!
لاحول ولاقوة الا بالله
طيب اقلها يفتحوا كل التخصصات ويخلوا كل متخرج يكمل في تخصصه
ياناس نفسي اسمع انهم راح يفتحوا ماستر فرنسي ..ترى كل متخرجات القسم يبغوا يكملوا وانا اولهم .
ه