استفسار .. أرجو الاجابة في اقرب وقت ممكن ...:'(

[υикиσωи]

السلام عليكم ورحمة الله وبركاته ..

أخواني أخواتي ..حابة استفسر عن شي ..
لو وحدة حاملة مادة الاحصاء .. طبعا حتاخد صيفي ..


طيب هيا تبغا تعيد السنة ... يمديها ولا لا ..؟!


لحد يقولي تسحب ع الصيفي وتاخدها الترم الجاي ...
انا اقصد تبا تعيد من اول و جديد ..
السنة الجاية تاخد كل المواد احياء ..احصا ..فيزيا ...................الخ
والمعدل يبدأ من جديد ..


ازا يمديها ..ايش الخطوات اللي تسويها دحينا ..!؟

وازا ما يمديها ... فايش الخطوات اللي تعملها عشان تسجل صيفي ..!؟


شاكرة لكم ..
وأتمنى الاجابات تكون من مصادر موثوقة .. وفي اقرب وقت ممكن ...

[جالكسي22]

مااعتقد يمديها دحين
لانوو لوو تبغى تبدأ من اول وجديد لازم تكون ساحبه ملفها من الجامعه من ثلاث شهور من فترة التقديم حق الجامعه اللي دحين يسجلوو فيه طلاب الثنوي <<<ان شاء الله تكوني فهمتي قصدي

وبالنسبة للتسجيل في الصيفي حيبدأ 12/7 وقالوو في الاودس تسجل المادة اللي حتاخدها وتختار الاستازة اللي تبغاها(اعتقد موو اكيد) وهما ينزلوو لها جدول
وبس

[υикиσωи]

<< أهاا ..ايوا وصلت يا قمر ..

ثانكس ..يعطيكي العافية خيتوو ...

[dina A]

شوفي حبيبي صحبتي حملت الانجلزي وتبغى تسوي نفس الحركة تعيد السنة وتبدأ من جديد بس أول لمن سألت في العمادة قالتها ممكن بس زي ما قالت إلي فوقي لازم يكون الفرق تلاتة شهــور يعني لو سحبت دحين أتوقع يمديها على العموم بكرة إن شاء الله صحبتي رايحة العمادة وحتسأل وإذا ينفع من بكرا حتسحب فأنا حأستنى منها خبر وأردلك :)

[υикиσωи]

<< ثااتكس يا قلبي ..

ربي يوفقك انتي وصاحبتك ..ويكون معاكم ..

[mr increase]

المشاركة الأصلية كتبت بواسطة جالكسي22 مااعتقد يمديها دحين لانوو لوو تبغى تبدأ من اول وجديد لازم تكون ساحبه ملفها من الجامعه من ثلاث شهور من فترة التقديم حق الجامعه اللي دحين يسجلوو فيه طلاب الثنوي <<<ان شاء الله تكوني فهمتي قصدي وبالنسبة للتسجيل في الصيفي حيبدأ 12/7 وقالوو في الاودس تسجل المادة اللي حتاخدها وتختار الاستازة اللي تبغاها(اعتقد موو اكيد) وهما ينزلوو لها جدول وبس

لازم تكون ساحبة ملفها قبل ثلاث شهور من بداية الدراسة
يعني تقدر تسحب الحين
وانا اعرف واحد شخصيا سوى الحركة العام الماضي وحاليا هو راضي عن مستواه
للاستزادة : <A id=thread_title_75882 href="http://www.skaau.com/vb/showthread.php?t=75882">فرصة ذهبية لمن غير راضي عن مستواه في السنة التحضيرية

[υикиσωи]

<< بسس خيو ازا سحبت ديحنا ..
كيف تقدم مع بداية الدراسة ..!

مو التسجيل للمتجدين يقفل بعد شويتين ...؟!

[mr increase]

مين قال انها يتقدم مع بداية الدراسة ؟!!!
هي بتقدم ملفها مع الطالبات المستجدات
انا اقول من شروط قبولها انها تكون ساحبة ملفها من الجامعة قبل بداية الدراسة بثلاث شهور
يعني لو ان الدراسة السنة الجاية بتبدأ 10 / 10 / 1430 هي لازم تكون سحبت ملفها من الجامعة قبل 10 / 7 / 1430

[υикиσωи]

<< اهااا ..
ثااانكس خيووو ..
الله يجعلها في موازين حسناتك ..

=)

[funfriend]

ليش يا روحي ما تاخدي صيفي وترتاحي من شي اسمو سنه تحضيريه
الله يوفقك ويريح بالك ويكتبلك الخير يااارب