سؤال محيرني ...!

[الـجـلادMaLeK]

هههههههه

اما اانا اعتقد بعد الترم الصيفي

لإنه مثلا واحد بيدخل طب ولا هندسة ورسب في مهارات اتصال ولا حاسب ولا الاحصاء

>>> نقول مثلا

والباقي جاب فيها درجات حلوه .. ما يدخل الطب ؟؟

فاعتقد بعد الصيفي عشان العملية تكون عادلة للكل

وبخبرتي المتواضعة في المواقع اعتقد انهم لازم يقفلوا ال ouds ويجروا العملية

ويعملوا نسخة احتياطية قبلها للبيانات .. تحسبا لوقوع الاخطاء

مودتي

[The~Dark~Side]

بعد الصيفي هذا إلي صرحت به الجامعة
وهذا كلام جامعة القرارت اليومية

[aisal]

بالنسبه للتسكين...فجأة تخش على الاودس..وتلاقي كليتك في محل التخصص مدري محل الكليه..بدوووون اي نقاش...هذا الكلام اكيد اكيد اكيد..وبرضوا هاذي انا سئلت فيها احد الاداريين في الهندسه وقت الاسبوع الارشادي..
لكن متى يحصل هذا الكلام..الله اعلم..

اما على شكل رسايل..او انكم كل يوم تشييك..

[طـمـوح]

انتبهو من رسايل الجوال ترى المصيبه "التسكين"
حتكون رساله على الجوال

[طعم الثلج]

يالله يعني يمكن نايم وتجيك رسالة
يقولو لك انت في كلية العلوم

اهيء اهيء اهيء

بقوم مفزوعة وبنربط ع السرير واااااااااااي

اهيء

[joojah]

المفروض تطلع بعد اسبوعين هادا المفروض

لأنوه مو من حقهم يطلعوها بعد الصيفي

لأنه اصلن اصلن الراسبين مالهم حق تكون لهم الفرصه زينا اللي اخدنا فرصه وحده

تسكن اول شي لو بقيلهم مكان يتسكنوا بعدنا لكن يعطلونا عشانهم وفي النهايه يتساوو زينا ده اسموا منتهى الظلم

والا انا كمان باخد دور تاني احسن درجاتي على كده

تنقلب الدنيا عليهم لو عملوهاا .. لكن أكيد حتطلع في الأودس رورو حيفتحو خانه جديده نتايج التسكين أو يغيروا اسم كليتك

نفسي افجرهم ده كلوا يطلعوا نتايج والشغل كلوه الكتروني المفروض على قولتك ماياخد وقت

العن ام الهبل اللي هوما فييه ><"

[طـمـوح]

^^^^^^^^^^^^^^^^^^^^^^^^^^^^^^^^^^^^^^^^^^^^^^^

قهر

[soma al7elwa]

حبيبي joojah

لاتنسي انو في المنتدى طلاب وطالبات حاميلن مواد

ياريت نراعي مشاعرهم شوية ياقلبووو

حرام الكلام اللي يجرح دا

ما اقول انو اللي قلتي غلط

بس ما يصير الاسلوب دا

ولا ايش رايك يا سكرة؟؟

:)

انا مقدرة مشاعرك

وعارفة انو اعصابك تعبانة زينا كلنا

بس لازم نراعي مشاعر لتانيين

صح؟

الله يوفقك يارب

[joojah]

المشاركة الأصلية كتبت بواسطة soma al7elwa حبيبي joojah لاتنسي انو في المنتدى طلاب وطالبات حاميلن مواد ياريت نراعي مشاعرهم شوية ياقلبووو حرام الكلام اللي يجرح دا ما اقول انو اللي قلتي غلط بس ما يصير الاسلوب دا ولا ايش رايك يا سكرة؟؟ :) انا مقدرة مشاعرك وعارفة انو اعصابك تعبانة زينا كلنا بس لازم نراعي مشاعر لتانيين صح؟ الله يوفقك يارب

انا مو قصدي انوه اجرح أحد أو اسيء لأحد

ولا بلومهم على شي انا بلوم الجامعه على مخهم وتفكيرهم المتخلف ده

كلنا عارفين ليش التسكين بعد الصيفي

بس هل اللي بيعملوا حق والا اظلم !!

أكيد ظلم لينا يكفي انهم ظلمونا بدي السنه التحطيميه وظلموا طلاب وطالبات كتير في الدرجات

واللي رسبوا أغلبهم مظلومين بس لمان متى في ده الظلم !!

يعني قليل اللي نفذوا بجلدهم وكمان لسه بيظلموهم ..!!

وكانه كل اللي صار مخطط من البدايه انوا مايعدوا السنه الا قليل والنخبه على قولتهم مع انوا النخبه رسبوهم والا ماجابو معدلات

وأنا أعتــذر اذا كلامي جرح أحد او كان بيقهر

بس برضوا احنا كمان مقهورين من الهبالات اللي بتعملها دي الجامعه

صح يااقلبوو

والله يعيـــــن ويسهــــــل للجميع وان شاء الله يطلعوها بدري عشان لو في مجال نقدم على بعث والا جامعات تانيه

[~Sm!le ^_^ Face~]

المشاركة الأصلية كتبت بواسطة قصة غروب اتوقع انهم يعلقوووا نتائج التسكين عند بوابه(4),او عند ابوجمال-هذا احسن واحد يسوي سندوتشات تمغص البطن في السكن عندنا بس مع ذالك سندوتشاته تجنننننننننننننننن- ههههههاي احنا نتعامل مع الشئ الرسمي صح؟ والرسمي يقووول انه نتائج التسكين بعد الترم الصيفي اما بالنسبه لكيف تعرف انا اعتقد انه على الاوديوس اكيد راح يضيفوا حقل نتائج التسكين زي ماضافوا احسب معدلك تجريبا وطلبات التسكين وغيره. وشكرا وتقبلي مروري اغلاهم

كلام سليم 100%