قرارات مهمة صدرت من مجلس الجامعة

[Miss-Perfect]

والي انصدمواا بعدم قبولهم سو فااار
ماكانو يبغو يكملو تعليمهم؟؟!!

[نجاة الفرسي]

بجد
يعني الكوادر اللي تبغى تكمل موجوده وبكثرة والطموحين والطموحات كثروا
بالعكس المفروض يشجعونااا اكثر واكثر مو يحددوا العدد 5 و 6 وبالكثير ياخدوا 20

غير كا بقولك حاجه.........
ايش رأيك باللي تقول ..
التفاضل راح يكون بحسب المعدل
لا
بحسب معدل المواد التخصصيه
لا
بحسب الاسماء اللي توقع بين يدنا يعني ممكن يوصل اسمك وممكن لا
وممكن ناخد بنات اقل من معدلك..
وايش رأيك باللي اقول لها نسبتي 88.85 جيد جدا مع مرتبة الشرف وتقولي هنا ينحسب انك 3 وربع بالكتير
ما يطلع عن كدا.!!!!!!!!!!!!!!!!
وارجع واقول لها ترى انا بقولك 88 جنب ال 90 مو جنب ال 70 كيف 3 وربع بالكتير
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
بعد هذا الكلام تقدر تقول هم ما منعوا احد يكمل تعليمه؟؟؟؟؟؟؟؟؟؟؟؟

[بد111ية هم]

المشاركة الأصلية كتبت بواسطة rakan وكمان ما أحد اجبر انه مايكمل تعليمه

كلامك للآسف للآسف غير صحيح جدا

لان اغلب من في المنتدى يرغبون بإكمال تعليمهم ولكن العائق انظمه

وقرارات وتعقيدات الجامعه

غير شغل الواسطات فهنأ حدث ولا حرج .

لا وفي الاخير يأخدوا اقوى ثلاث واسطات للطالبات والباقي لهم الله

وين احنا عايشين ؟؟؟؟

[(x,y,z)]

لنا الله وكفى

هو فين موضوع " عندك خبر عن المقابلة الشخصية تفضل هنا يالله انت حياه" ؟؟؟
مين طيّره ؟

[نوره علي]

أعرف استاذة في الجامعة ( معيدة ) قدمت عشان دراسة الماجستير و لم يتم قبولها في المرة الأولى لأنها لم تجتز الامتحان

و تم قبولها في المرة الثانية

لو كانت الحكاية واسطات كان هي أكثر وحدة تلاقي واسطة في محيط عملها و يتم قبولها

أعتقد حكاية الواسطة ليست هي العائق الأكبر ، هذا إن سلمنا بوجودها

فالأبواب لا زالت مشرعة هذا العام و الأعوام المقبلة

هو فقط عائق الأعداد القليلة التي يتم قبولها

بالتوفيق مقدما لجميع المتقدمات

[angelfofo]

شكرا عالخبر
بس ياريت تطلع النتايج قريبا عشان الواحد يعرف رجلو من راسو
اتاملو خير واحسو الظن بالله

[scoonm]

المشاركة الأصلية كتبت بواسطة miss-perfect 7 7 شكرن فضفضتي مابداخل خلجات نفسي نيابة عني >>مهددة بالانقراض من المنتدى وجايتها تحذيرات بالان بوكس

أهلين ,سلامات ,,,,,,,,شنو اللي حاصل

[rakan]

السلام عليكم

أولا: أحب أوضح لجميع الأعضاء اني لست مع أو ضد احد ... يعني حيادي

ولو عن الاماني .. كنت اتمنى انه الكل ياخد فرصته ويكمل تعليمه بالجامعة

لكن الأماني شيء .. والواقع شيء آخر

يعني لازم تحطوا في بالكم انه كل كم طالب ماستر لابد أن يعين له دكتور من مرتبة عليا (يعني استاذ مشارك فمافوق حسب ما أذكر) وذالك حسب انظمة ولوائح التعليم العالي

وغير كدا .. مافي جامعة في العالم تستطيع ان تقبل كل المتقدمين لدرجة الماستر .. فمابالكم بجامعتنا؟

وفرص اكمال التعليم كثيرة .. منها البعثات وجامعات المملكة الاخرى والابتعاث الداخلي للجامعات الاهلية والخ الخ

اما انه لازم اكمل في جامعة الملك عبدالعزيز بس؟ ليش؟ مافي غيرها يعني؟

اما حكاية الواسطات ومالواسطات .. صحيح الواسطات موجودة في كل مكان ... لكن ماهي كل شي

فلانخليها عذرنا الدائم

يعني انا لي زملاء كثيرين وكثيرين الان بيكملوا ماستر في الجامعة بدون واسطات ... يعني مو كل المتقدمين بالواسطات وايضا ليست الغالبية واسطات ... واللي عنده ادلة على كلامه يعطيني احصائية دقيقة .. مو يقلي اناا اعرف فلانة دخلت بواسطة ولا مدري ايش .. ولا يقل انا اعرف كذا وحدة دخلت بواسطة .. لانه برضه ماهي مقياس

واللي ما انقبلت السنة الفاتت وانقبلت دي السنة .. ماترجع الموضوع للواسطة .. بل ربما كان بسبب اعداد المتقدمين .. ففي سنة يكونوا كثيرين فيكون التفاضل بالمعدل .. وتكون السنة اللي بعدها المتقدمين قليلين والخ


وفي النهاية دي وجهات نظر ... وكل شي مقدر ومكتوب ولازم كل واحد يرضى بقضاء الله وقدره .. لانه لو ربنا شاء انه فلان ماينقبل بجامعة .. لو جاب واسطات الدنيا وربنا ما أراد .. ماراح ينقبل

ودي وجهة نظري الشخصية .. وشكرا

[مربى مشمش]

مشكور يارب ننقبل

[Ro0oSa]

لو اجتمعت الإنس والجن على ان ينفعوك بشيء لن ينفعوك إلا بشيء قد كتبه الله لك


أسأل الله التوفيق للجميع

ومشكور :)