اسمه عصر التكنولوجيا

[dona-kun]

لا ولو هوا احد يقدر يزعل من احلى تيمون

[بيو كيميائية ^_^]

احنا ماقلنا أنت نتكلم بصفة عامة

[تخصص 13]

احنا مانقصد تقليل من التخصص بالعكس

وبالعكس انااا احترم كل التخصصات وأويد انو كل وحدة تدخل الشي اللي تقدر تبدع فيلو بازن الله

اصلا في الثانوي كنت افكراتخصص فيه بس بعدين غيرت راي
ونعتذر من الي زعل مننا

[*قطــ ع ـة ســ ك ـــر*]

انا حطيت لا

[مَـزٍآج ..}..]

تم التصويـت ..
بصرااحـه اذا ما توفـقت في طموحي .. افكر ادخل حآسسـب ..
تخصص رائع ومجالاته الوظيفيه كثيـرهـ !!

[medo0o0]

تم التصوت
لا وللأسف

[M!ss Mojy]

سارونـــــــــــــــــــــــه والله كلامك درر

وآسفـــــــــــــه انا عارفه اني زودتها شوي بس يعلم الله ان مو قصدي اقلل من قيمه التخصص وانتي عارفه هذا الشي

بس انا حطيت رآيي اني مااحب هاذي الماده ابدا وان تخصص العلوم عندي افضل من الحاسب

وحبينا نمزح معاكم شوي ....... لاتفهمونا غلط هع

يلا اشوفكم بكره على خير ان شاء الله

تصبحوا على خيـــــــــــــــــــــر

[slashik]

أوووف إش إللي صاير يابنتة...

إمكن ملاحظين غيابي هذا الأسبوع..عن المشاركات ...لأسباب أحتفظ بذكرها..
لكني كنت أتابع مواضيعكم عالسريع..

بس لفت انتباهي هذا الموضوع..

ودخلت...

وألاقي ناس...كاتبة كلام ماتوقعته منهم بصراحة...

مايخالف...الثقافات تختلف بين هذا وذاك...

نرجع لموضوع الأخت...دونا كيون...

في البداية..أشكرك على جراءة طرحك للموضوع...وثقتك الكبيرة بنفسك..

بالفعل ردك على إحدى الأخوات بــ
((إنتي الخسراانة يا....))

أثبت إنك متمسكة بهدفك..برؤيتك...إلى الأبد..

لم تتأثري..بنتيجة التصويت.....تغيرت النتائج..ولم تتغيري...

بصراحة...هذا إللي نبغاه..واحد يحدد هدف يسعى نحوه...مهما واجه
من صعوبات...ومهما طال الامد

مويجي واحد يقول..بابا قالي حطي مدري إيش في الأخير..ومدري إيش في الوسط...
ليه بنوزع بيبسي عالسفرة!!..

الإنسان الناجح هو إللي يختار كليته..وليست الكلية هي من تختاره...

ياحبايبي فكروا في الموضوع مرة ومرتين وثلاث..

القضية موإنه أدخل كلية وبس...لا...أدخل الكلية إللي أنا أبغاها..إللي أنا أهواها..
إذا ماقدرت.. رح أقدر في مكان ثاني..

طيب..
لنفرض إنه واحد..رغبته هندسة
و حط رغباته بالترتيب..من واحد لين أربعة عشر..
وما أتقبل إلا في الرغبة العاشرة إللي هي علوم أرض..

يعني لا الهندسة ولاولا...كلها ماقبلوه فيها...
قبلوه في علوم أرض...
الولد والله مايفقه من هذا القسم..إلا اسمه...
يعني باختصار..هو في جهة والقسم في جهة....

والله العظيم..من قمة قمة قمة الغباء إنه يلتحق لهذا القسم...دون أدنى رغبة منه...
لأنه رح يكون علة....وما أعتقد أي قسم يرضي بالعلل...يا حبيبي...
الهندسة مالقيتها هنا...لا يعني إنك تستسلم..خلاص...انتهت الحياة...أي كلية وريح راسي..

يا حبايبي..من الغباء...أن يكون تفكيرنا...فقط إنه ندخل كلية والسلام...غلط...غلط....

وبالنسبة لي انا ..حطيت الرغبة الأولى والثانية...وإذا مانقبلت لاقدر الله...
ماراح أكون أهبل..خذوني وأرموني في إللي إنتو عايزينه ...لا ..لا

ما أعتقد إنه الجامعة..أجبرتنا إنه نتخصص وندرس عندها بالغصب...ولا أعتقد إنه حرام إني..أدور على رغبتي ومستقبلي في مكان ثاني...
ولو استدعى الأمر إني أخسر سنة ولا سنتين..أو أخسر مبلغا من المال للدراسة برا...
لأنه في النهاية هذه موخسارة..وإنما مكسب كبير أتذوق طعمه طول حياتي...

ياحبايبي..لاتدمروا نفسكم...مازلنا في بداية البدايات.....

كذاب إللي يقول..ضيعتوا عمركم...ولازم تتخصصوا في أي شيء..وتلحقوا عمركم..

والله الذي لاإله إلا هو...
أدور وأبحث لين ما أدخل التخصص إللي أبغاه...حتى لو لمدة عشر سنين..

ولا أكون عالة على المجتمع طول حياتي...بسبب إني خنت نفسي..ودخلت تخصص لا أريده..

وبعدين...
مين هذه إللي تقول..بابا قالي..وبابا عملي..

يا أختي...
إنتي مابتختاري عريس!!...

لا ويحدد الأب الرغبة الثالثة عشر ...
هذا وجهي..لو موهو إللي حدد رغبات البنت من أولها
لأخرها..فين عايشين إحنا؟؟...

مومشكلة نطلب مساعدتهم...بس موتحديد رغباتنا بشكل مباشر...دون مراعاة لقدرات البنت ورغباتها..
((ولو تلاحظو إنه البنت رفضت رأي أبوها))

وأقول للأخت دونا كيون...
سينتهي بك المطاف لأن تكوني مبدعة..مادام تملكين هذه الرغبة الجامحة..إللي ماعمري شفت زيها (ماشاء الله عليكي)..

يعني خلوني أتكلم على نفسي..
أيهما أفضل...
أن أكون طبيب فاشل!!
أم مبرمج مبدع!!مصمم محترف!!

أنا الآن جاهز إني أحمل مسمى دكتور..
وأن يكون اسمي هكذا..
D.SLASHIK
ولمن تسألوا عني..أشهر دكتور فاشل...يتنقل بين أقسام التحقيقات...
طيب إش أستفدنا؟؟
صح..ممكن أضحك على ضعاف النفوس..شوفوني دكتور..
.لكني في الحقيقة أحترق من الداخل...

والعكس صحيح...
قد لا أبحث عن الحرف الذي يسبق اسمي...
وإنما أبحث عن الابتكار والابداع والتصميم...

وفي هذه الحالة..الناس هم من سيبحثون وسيتولون تسميتي بما أستحقه...

نعم....أتمنى إني أكون دكتور وأتمنى ..وأتمنى...

ولكن..
وما نيل المطالب بالتمني ....ولكن تؤخذ الدنيا غلابا

يعني خلاص ..أكتشفت قدراتي..ماتنفع لشيء اسمه طب...ليه أحشر نفسي فيها خير شر؟؟

وإمكن في كم واحد شكك في مصداقية العرض إللي قدمته...
وجالس يتساءل...
كيف ولد دكتور...رغبته حاسب؟؟؟
هذا أكيد بيضحك علينا...عشان يلاقي طريقه مفروش بالورود..

اسمحولي.. أقوله ياغبي يامتخلف...

أصابع يدك موزي بعض..الأب دكتور..لازم الولد دكتور؟؟؟
القدرات والرغبات...ماتورث ياشاطر...

وما في شيء اسمه تخصص محترم وتخصص محتقر!!..

تمشي على رغبتك...وعلى قد قدراتك...ولو حسيت إنه مكانك الصحيح زبال...من الظلم إنك تروح لغيره...لأنه هذا المكان الوحيد إللي راح تبدع فيه...

معليش عالمثال..
بس إللي بوضحه..إنه..العين لا تعلو عالحاجب...
كل واحد ينظر على بعد مدى بصره..وإذا حاول النظر أبعد من ذلك...رح تنخلع عيونه...
..............................
طيب..
شوفي يا دونا كيون هذا موضوع لي ..اعتلى مواضيع قسم كلية الحاسب..رغم إني كتبته قبل أسبوع تقريبا...
إن شاء الله يفيدك..ولو قليلا...
http://www.skaau.com/vb/showthread.php?t=61107


ومثل ما إنه مانقدر نقلل من الحاسب...مانقدر نقلل من الأقسام الأخرى...
ونظل نحترم قدرات ورغبات وطموحات الآخرين...

وصراحة..حسيتوني أنكم بزورة صغار حقيقة...وآسف على هذه الكلمة...
...
وفي النهاية ...
حتى لو إحنا حبينا تخصص ..مانحكم على الثانين إنهم خسرانين...عشان ماتخصصوا زينا؟؟
إنتي مكتوب لك حاسب...وهم مكتوب لهم شيء ثاني..

فما أحد خسران طالما هنالك عقل واعي وفكرمنطقي..ساهما في اختيار التخصص..

وأقول للأخت دونا كيون...
أعتقد إذا كانت رغبتك الأولى والأخيرة حاسب... أعتقد إنه التصويت ماكان له داعي...
يعني لو تبحثي عن الهدف من الموضوع...مافي...

ولا أقدر أقول إنك مانتي واثقة من إختيارك لتخصص الحاسب..بكتابتك لهذا الموضوع..
لأنك بتدافعي وبكل جراءة وشجاعة عن رغبتك..التي طالما سعيتي وراها..ستجدينها أمامك..

خلاص يابنتي أتوكلي على الله...
وأسأليني أنا...
إللي يقول..أنا أشوفك إعلامي..
والثاني..لا أشوفك طبيب
والثالث.مادري إيش...

لين ماجيت أعلنت...رغبتي في كلية الحاسب...
إلا أسمعهم...
إيوة صح تنفعلك كثير..
والثاني...والله أشوفك رح تمشي فيها زي السلام عليكم...

شفتي كيف؟؟
كل واحد كان يتكلم على هاواه...ولذلك ما اقتنعت منهم..
فلمن جيت أنا وأتكلمت بالمنطق..مالقيت ولا واحد عارضني..

صح إني طولت في الكلام...

بس الموضوع مهم...
أو بالأحرى كلامي مهم..لأنه مقرون بتغير في الفكر التقليدي...تغير في النظرة السلبية...ولذك حبيت أشرحه وأوضحه ..بقدر ما أستطيع...

مادري فهمتوا المقصود ولا لأ...
لأنه لازم نرقى بمستوانا الفكري...ونترك التفكير البزري...
وبالنسبة إللي حطو الحاسب قبل الأخير أو الأخير...بحكم إنهم مالهم رغبة فيها..ويحقلهم...

شوفوا إش أنا سويت
أنا طبعا مالي رغبة لا في الطب ولا الهندسة ولا في أي شيء ثاني ...فشلتها كلها من راسي مرة..
مارتبت غير ...
الاولى : كلية حاسب وتقنية المعلومات
الثانية: كلية الحاسب وتقنية المعلومات برابغ
فقط..وماطالعت في شيء ثاني..

جات جات ...ماجات مع السلامة..ماراح تشوفوني هنا...
لأني سأنتقل لمنتدى جامعة أخرى..


تقبلوا تحيات محبكم..

SLASHIK

[نسيم الوجود]

تـــــــــــــــــــــــــــــــــــــمـ وبكـل فخر


ان شـآء الله ادخل حاسب

قولو آآآآميـــــــن



نسيمـ

[another1]

slashik إيش الكلام اللي قاعد تقوله .. بصراحة ما قريته .. ما أدري شكلك كاتب قصة حياتك (: لا تزعل !

اممممم بصراحة الحاسب ممتااااز جدا وأنا أهنيكم والله ياللي ناويين ع الحاسب .. أنا وبما أني إداري وإنساني ما أقدر أدخل حاسب << طيب إيش جابك هنا .. قوم إنقلع روح القسم حقكم .. ):

مجال حلو ووااااسع جدا بكل ما تعنيه الكلمة من معنى .. يعني مو على بالكم الحاسب بس وورد وأكسل وبورباينت والسلام عليكم !!
ببساطة .. كيف نعيش بلا حاسب / انترنت !

عموما .. الله يوفق الجميع يا رب ................ (:

<<< أدري .. حاسس إني داخل غلط (: