الى الأخ يلدرم والأخت أنتى نرجسية

[الادهم20]

ماالذي يدعو له هذا العضو؟

تم تعديل الموضوع وفي حال أي مخالفة عندك ايقونة المخالفات او الاقتراحات والشكاوي حتى لا يحدث احتكاك بنك وبين احد الاعضاء

[υикиσωи]

<<< امممم مشي حالك لا تدقق على كل شي ...
دحين في ناس الصور الشخصية حقتهم سجاير ومدري ايش ليش ما تدقق على دي الحاجات ...!!
عشانووو قال روحو القهوة مدري حاجة زي كدا
يا باابا والله يمزح ...
انا ما بأدافع عنووو ... لاني اصلا ما اعرفو ولا اتعاملت معاه
بسس اللي ابا اقولو ..انو المنتدى لما تغيب عنو روح الفكاهة ..يسير بيض ...

دحين لو كل عضو يجي ويكت شي ولا ياخد شي ويمشي ...ما تحس ليها طعم...
صح انو دا المنتدى عشانتبادل معرفة ...بسس لازم يكون في ترفيه حبتين ...

دحين لوو في عندك دكتور يخش ويديكم وهوا اخلاقووفي خشمووو مو تكره الساعة الي جاكم فيها ...
عشان كدا انا من دا المبدأ ... أحب اقووول ..لا تددقوووو كتيييييييييييييير ....عشان المنتدى يستمر بصورة أحسن ..ومن أفضل لأفضل
والله العظيم بعد حركة أمس ... اتصدت نفسي اناااا ...
قلت مو بعيد في يوم وليلة الاقي نفسي برااا اناااا ...


بسس معاك حق في شي واحد بسس ...انودا العضو ليش ما اتعملو ولا شي ...
بينما الخيال ع طووول وقفو عضويتو..

والفرق واااضح بين الاتنين ...!؟

[البادي]

اذكروا الله

[مَـزٍآج ..}..]

أعتقـد الموضوع كآن مجـرد مـزٍح لآ اكثـر ..
ولآ تقـول الامور هذي ما ينمزٍح فيهـآ .. على فكـره كل واحد منـآ عنده عقـل ..
يعني مثـلا لو وضع مثل هذهـ الصورهـ .. راح نترك كـل شئ ونتجه للقهآوي
لمثـل هذهـ الصورهـ .. يآعزيزي الموقـف الذي اقتبسـت منـه الصورهـ ..
كان للضحكـ والدعآبـة .. انـت اقتبست الصورهـ فقـط ولم تقتبـس الموقـف !!

هذـا من وجهة نظري الشخصيـة .. والله اعلم بمآ في القلوب !!

[funtoon]

ياسيدي يحط زيها ستين صورة ،، ||
أهم شي انها ماتخدش الحياء ،، وأعتقد كل إنسان عقلو فراسو ويعرف خلاصو
--
احنا ناس بالغين وراشدين أي تصرف نسوي مو سببو الناس ،،
يعني اللي حيروح يعسل بعد الصورة دي ،، حنقول بسبب العضو اللي نزل الصورة
--
ياريت نفهم انو كل انسان مسؤول عن تصرفاتو فقط لا غير
ونسيب الناس فحالها
،،،
،،
اتمنى ما اكون شديت فكلامي ،، بس ياريت نكبر ع الشغلات دي

[slashik]

$$أحسلك شيل موضوعك..قبل مايضحك عليك يلدرم$$

[تخصص 13]

وانا اتفق مع رورو و مزاج و فتون
واشوف الي سواه خيال مايستحق الطرد

وبعدين انتو شوفتوا هو كيف كان حايس في الكيميا وكان بيستفيد ويفيدنا

[يلدرم]

احب أوضح للجميع بعض التنبيهات

وهي ان لكل مكان احترام وخصوصية فالمنتدى وُجد وبه عدد من القوانين من المفترض احترامها والتقيد بها واذا تجاوز الاعضاء هذه الامور فلابد من العقاب

فلم نجتمع هنا للترفيه والترويح عن النفس وانما لتبادل المعلومات الدراسية التي تعينكم في دراستكم وذكرنا عده مرات واتكلمنا معاكم في هذا الموضوع بأن تم تخصيص ملتقى المسار العلمي فقط لمجال الدراسة وغير كدا فسوف يتدخل طاقم الاشراف ولاأنكر أن الكثير جزاه الله خير ألتزم بهذا الأمر فخفت المخالفات لكن أمس حصلت كثير من المخالفات
اما تبرير البعض ان الاختبارات سبب في ذلك فهذا ليس مبرر لطلبة جامعيين فتحويل المواضيع الى الشات وكثرة الضحك مع بعضكم يخرجنا من هدف المنتدى

تابعو ردود الامس واحسبوا كم مشاركة هادفة وكم مشاركة ليس لها علاقة بالموضوع فواحد يتكلم في الجامعة والاخر يتكلم في الانظمة باستهزاء والبعض يحبط الاخرين وآخر يمزح مع وحده ولكل واحد مراد
وانا نبهت في الموضوع المحذوف وردي كان رقم 60 وبعد مايقارب الربع ساعة يوصل الموضوع ل137 رد ولا كأني اتكلمت بمعنى اخر سوي االلي تبغاه مايهمنا أي شئ

انا لي بمايكتب والظاهر لي ولاأعرف نية أي واحد سواء مزح أو غيره لان القسم غير مخصص للمزح وهذا الكلام مطبق على جميع الاقسام الجامعية بالمنتدى

وجرت العادة بعد فترة يطالب بعض الاعضاء (من الجنسين) بحذف ردوده والسبب انها سببت له مشاكل عائلية بسبب الاحتكاك مع احد الاعضاء من الجنس الاخر

ولذلك أكرر ان هذا القسم وكل الاقسام الجامعية ليس وسيلة للترفيه وتم تخصيصها حتى يستفيد الاعضاء وكثير من المواضيع زي مواضيع التجمع لاحد المواد فيها معلومات مفيدة ولكن البعض يحاول تخريبها بردوده

في الأخير انا وُضعت في هذا المنصب للمحافظة على المنتدى من الخروج عن مساره المخصص له وانا أعلم انكم تواجهون ضغوطات بسبب الجامعة وعليكم حمل لكن ليس من المعقول تفريغها بهذا الشكل بالمنتدى

طيب نسمح بالانتقاد لكن يأتي احد الاعضاء ويتكلم في دكتور معين ويسب فيه او يقول ان هذا النظام وضعه واحد مايفهم شئ والبعض يدعي على الدكاترة وواحد يحط لمدير الجامعة صورة غير لائقة واما الايقافات بحق الاعضاء فهو للتقويم والكثير اوقفت عضويتهم لكن عادوا بعد ذلك سواء بالاعتذار او بتسجيل عضوية اخرى وانا أعرف بأن لديهم عضويات اوقفت ولكن اذا ألتزموا بقوانين المنتدى الموجوده في كل رد من ردودكم وفي الصفحة الرئيسية فالموضوع منتهى بالنسبة لي

هذا ردي على الرسالة المرسلة لي واعتذر عن التأخير بسبب فارق التوقيت بيني وبينكم ولكن بماانه فتح الموضوع فرديت هنا برغم ان دائما احب يكون الموضوع بعيدا عن الاعضاء حتى لا يكون هناك حرج

اخي الادهم راح أراجع مشاركات العضو واتمنى في المره الاخرى التبليغ عن اي مخالفة بالايقونة الموجودة لمخالفات

وفي النهاية اتمنى لكم التوفيق في دراستكم والله يعينكم على مصاعب الدراسة

سوف اقفل الموضوع لأن ليس له غرض علمي وتم التوضيح للجميع