الاختيار بين الجدول الاساسي وجدول السنترا مع الشرح بالتفصيل للتسجيل بدورات السنترا

[خنفشاريه]

بسم الله الرحمن الرحيم

الى اخواتي واخواني الاعزاء طلاب وطالبات جامعة الملك عبدالعزيز تحيه طيبه ....وبعد

تراااكم رفعتو ضغطي وجبتولي كساح في المخ..كل مادخل موضوع عن السنترا القى اغلبكم مخبصين وجايبين العيد...انا دخلت الحين وكتبت هالموضوع كي تستفيدو وتعرفو اللي لكم واللي عليكم..

اولا /اللي يقول انو التسجيل بالدورات التاهيليه"السنترا" مو مهم فهو غلطان لانه مايقدر يحضر محاضرات السنترا بعد الحج الا عن طريق هالجدول اللي حيسويه..

ثانيا/اللي يقول انا حعتمد على جدولي الاساسي اطنش جدول السنترا فهو غلطان لانه الجدول الاساسي اللي سويناه قبل اللي ايامه(اربعاء وخميس وجمعه) هو الجدول المعتمد فقط للاختبار يعني الشعب اللي مكتوبه فيه هي تكون شعبتك بالاختبار فقط..لكن جدول السنترا تعتمدي عليه للمحاضرات اللي بعد الحج اللي لمدة 3اسابيع فقط وبعد الثلاث اسابيع ينتهي دور جدول الدورات اللي بالسنترا يصير بس تدخلي عليها بعدين عشان تعيدي الاستماع لها اذا حبيتي للاستفاده فقط...

يعني بالمختصر المفيد
الجدول الاساسي للطالب هو المعتمد بالاختبارفقط
وجدول الدورات فقط للمحاضرات لمدة ثلاث اسابيع ولايعتمد عليه بالاختبار النهائي.

ثالثا/ اللي سوت جدولها الاساسي بالاستاذات اللي تبيهم وراضيه عن جدولها وتفاجأت لما سوت جدول الدورات انو مافي نفس اسماء الاستاذات وبعضها مافي اسامي استاذات نهائيا واختلفت الارقام المرجعيه والشعب عااااااادي طبيعي لاتخاف ..لانو جدول الدورات ايامو تختلف عن ايام الجدول الاساسي حيث ان الجدول الاساسي ايامه(اربعاء,خميس,جمعه)..لكن جدول الدورات ايامه(سبت,احد,اثنين,ثلاثاء,اربعاء) وطبيعي انو حيتغيرو الاستاذات والارقام المرجعيه حسب الشعب المتاحه..يعني اذا جيتو تعملو جدول الدورات شيلو من بالكم فكره اختيار الاستاذه والرقم المرجعي ...يعني اختارو اهم شي الوقت تبع المحاضره.يعني رتبو جدولكم بالاوقات اللي تناسبكم بغض النظر عن الاستاذه لان حتى لو اختلفت طريقة شرح الاستاذات عن بعض.عليكي انك فقط تحضري المحاضره وقت السنترا وبعد انتهاء السنترا خذي كل ماده واكتبي الاسئله اللي مو فاهمتها وروحي الجامعه للاستاذه اللي انتي اخترتيها بجدولك الاساسي اللي هي الاستاذه اللي كنتي تبينها من الاساس..

رابعا/ في اغلب البنات مايعرفو كيف يضيفو المواد بالسنترا عشان كذا راح اوضح لكم خطوه خطوه

اول شي قبل لاتختاري الدورات التاهيليه لازم تتاكدي من جدولك الاساسي بحيث تتاكدي انو المواد اللي تبينها كامله وماراح تغيرين المواد لا اضافه ولاحذف وعشان تتاكدي تدخلي على الاودس كالتالي

الطالب>سجلات الطالب>جدول الطالب>اذا كان الجدول تمام والمواد تناسبك اعملي الخطوه الثانيه اللي هي التسجيل بالدورات التاهيليه "السنترا" وذلك كالتالي

الطالب>التسجيل>إضافة/حذف الدورات التاهيليه>تنفيذ>اضافة دوره تاهيليه>
حتفتحي القائمه حتلقي المواد اللي بجدولك ولكن تلقي كل ماده مكرره اربع او خمس مرات ,وقتها ايش تسوي؟؟؟
انا اقولك طريقه سهله وبنفس الوقت تختاري وقتك وانتي مرتاحه امشي معاي خطوه خطوه
خذي قلم وورقه وابدأي سجلي فيها المواد تبعك كالتالي وهذا فقط مثال
الماده
الرقم المرجعي
الايام
الوقت

ثقافه
158996
سبت.اثنين.اربعاء
3ـــ4.50

185699
سبت.اثنين.اربعاء
5.15 ـــ6.30

366548
احد.ثلاثاء
3.30ـــ5

256484
سبت.اثنين.اربعاء
7ــ8.20

انجليزي
456975
احد.ثلاثاء
3.30ــ5.15

155897
سبت.اثنين.اربعاء
5ــ6.35

157895
احد.ثلاثاء
5.10ـــ7

وهكذا بقية المواد

وبعد الانتهاء من جميع المواد ابدأي طالعي بالورقه واختاري الاوقات اللي تناسبك لكل ماده
مثلا ثقافه اختار اللي رقمها المرجعي
158996
وبعدها ابي انجليزي على طول اختار الرقم المرجعي
155897
يعني انا ناسبني السبت والاثنين والاربعاء
(الثقافه من 3ــ4.50 وبعدها الانجليزي من 5ــ6.35)
وبعد ماتختاريها يصير على طول تفتحي اضافة دورة تاهيليه وتختاري كل ماده بالرقم المرجعي اللي اخترتيه في الورقه وتضغطي على الايقونه اللي تحت مكتوب التسجيل بهذه الدوره وعلى طول تنضاف لك بجدولك وارجعي اضغطي على الايقونه اللي تحت مكتوب اضافة دورة تاهيليه وتفتحي الخيارات وتلقي الماده اللي اخترتيها اول انحذفت من الاختيارات وتختاري الماده الثانيه بالرقم المرجعي وهكذا لحد ماتنتهي وتلقي جدول السنترا اكتمل وهذا هو اللي تعتمدي عليه بعد الحج لحضور المحاضرات ..
اتمنى اكون قدرت اوصل لكم طريقة التسجيل بشكل واضح ودقيق وسهل...
دعواتكم لي تكفيني ..

[تغاريد]

جزاك الله خير ويعطيك العافية

عندي ملاحظة على الخطوة الثالثة انه اختار موعد الماده غض النظر عن رقمها المرجعي المختلف مع الموجود في جدولي الدراسي

يعني اختار جدول الدورة التاهيلية على حسب الوقت الي ابغاه غض النظر عن الاستاذه لانه في كل الاحوال

وحده فيهم الي تشرح سواء كونت ضايفة عندها ولا لا ,, يعني ابغاها ماابغاها عندها يعني عندها

ليش هالتلاعب والحركات ليش في هالجامعه كل شيء ضدنا والله شيء يقهر كيف يسووا كذا

يعني مو معقول احضر عند وحده انا مابغاها حتى لو كانت الاسئلة موحده

بعض الاستاذات محاضراتهم تجيب الهم ايش الحظ البائس هذا

حسبي الله ونعم الوكيل :(

[خنفشاريه]

المشاركة الأصلية كتبت بواسطة تغاريد جزاك الله خير ويعطيك العافية عندي ملاحظة على الخطوة الثالثة انه اختار موعد الماده غض النظر عن رقمها المرجعي المختلف مع الموجود في جدولي الدراسي يعني اختار جدول الدورة التاهيلية على حسب الوقت الي ابغاه غض النظر عن الاستاذه لانه في كل الاحوال وحده فيهم الي تشرح سواء كونت ضايفة عندها ولا لا ,, يعني ابغاها ماابغاها عندها يعني عندها ليش هالتلاعب والحركات ليش في هالجامعه كل شيء ضدنا والله شيء يقهر كيف يسووا كذا يعني مو معقول احضر عند وحده انا مابغاها حتى لو كانت الاسئلة موحده بعض الاستاذات محاضراتهم تجيب الهم ايش الحظ البائس هذا حسبي الله ونعم الوكيل :(

اي اختاري الماده بجدول الدورات التاهيليه على حسب الوقت اللي يناسبك بغض النظر عن الاستاذات واختلاف الرقم المرجعي..
لانو لو فرضا اخترتي في جدولك الاساسي لمادة الثقافه استاذه سحر مثلا وجيتي تسجلي بالدورات وبداتي تختاري الثقافه ومالقيتي استاذه سحر اختاري اي استاذه ..اهم شي الوقت اللي تركزي عليه..

[Abrar88]

يعطيكي العافية عالشرح والمجهود لكن الاسئلة مهي موحدة ابدا كل استاذة ليها شرحها واسئلتها عشان كدا البنات متخوفين انو في السنترا يطلع شرح استاذات تانيين يمكن انتي لسة ماتعرفي عشانك لسة في المواد العامة الي هيا تكون موحدة عند كل التخصصات زي الانجليزي والثقافة والعربي
ومن حق اي وحدة تكتب استفسار عن الموضوع الي تبغا مايحتاج يترفع ضغطك ولا يجيكي كساح

[ذكريات الامل]

الله يسعدك ويحقق لك اللي تتمنيه ياارب
طيب يعني في احتمال انه تتغير الاستاذه اللي اخترتها؟؟

[خنفشاريه]

المشاركة الأصلية كتبت بواسطة abrar88 يعطيكي العافية عالشرح والمجهود لكن الاسئلة مهي موحدة ابدا كل استاذة ليها شرحها واسئلتها عشان كدا البنات متخوفين انو في السنترا يطلع شرح استاذات تانيين يمكن انتي لسة ماتعرفي عشانك لسة في المواد العامة الي هيا تكون موحدة عند كل التخصصات زي الانجليزي والثقافة والعربي ومن حق اي وحدة تكتب استفسار عن الموضوع الي تبغا مايحتاج يترفع ضغطك ولا يجيكي كساح

هههههههه الله يسعدك ..اكيد من حق كل وحده تستفسر اللي تبيه ولكن انا كتبت رفعتو ضغطي وجبتولي كساح في المخ من باب المزاح لانو لو من جد رفعو ضغطي كان طنشت وماتعبت نفسي بالشرح ولكن ابيهم يستفيدو و"حب لاخيك ماتحب لنفسك" ماحب اكون تايهه ومو لاقيه احد يفيدني عشان كذا حاطه نفسي مكانهم وابي افيدهم باللي اعرفه..ولكن لاتدققي ولاتاخذي المواضيع بجديه..
عالعموم عزيزتي انا قلت الاسئله موحده من الكلام اللي سمعتو من اغلب البنات ولكن اضافه جيده منك نستفيد منها انو كل استاذه ولها اسئلتها..وماراح نتاكد الا من وقت السنترا من نفس الاستاذات...ولكي تحياتي.

[خاتم سولتير]

الاسئله ليست موحدة <بدليل السمستر اللي فات كل مادة كان اختبار كل استاذة فيها في يوم مختلف عن الاستاذة الثانية
فكيف تكون محاضرات السنترا موحدة ؟؟؟؟؟

صبر جميل والله المستعان

[خنفشاريه]

المشاركة الأصلية كتبت بواسطة ذكريات الامل الله يسعدك ويحقق لك اللي تتمنيه ياارب طيب يعني في احتمال انه تتغير الاستاذه اللي اخترتها؟؟

اي اكيد في امل انك تغيريها ولو اخترتي بالسنترا استاذه برضو ماعجبتك تقدري تحذفي الماده من السنترا وترجعي تضيفيها بشعبه تانيه ...

[جمآآآنه]

والله حركة السنترا ذي ماتطمن لان شكلها بنسمعها مسجله..

انا حاولت ارتب السنترا اوقاتها على اوقات الجدول الاساسي وبرضو مختلفه الاوقات ..

بالعربي سويت كل الطرق عشان احاول تكون محاضراتي عند نفس استاذتي بغض النظر اذا الاستاذه كويسه ولا لا يهمني اعرف شرح استاذتي وافهم طريقه اسئلتها عشان ما اتورط بالاختبار...

للاسف انا متشائمه من حركة السنترا ذي والجامعه في تخبط ملحوظ الظاهر البنات غسلو شراعهم صح وضيعّو وماعرفو كيف بيرقعون..

اتمنى ربي يعدي هالسنة على خير ياكريم..

[vvv]

طيب بعد ماسجلت في السنترا كيف اعرف وقت المحاضره
هل هي نفس الاوقات اللي في الجدول الاساسي
ووبعدين هل فيه احتمال ان اللي تشرحلي استاذه واللي تحطلي الاسئلة استاذه ثانيه كيييف تصيييير؟؟؟