طرق حقيقيه و مجربة للنجاح في السنة التحضيرية..معاً لسنة جميلة وناجحة..

[jo0odi s]

المشاركة الأصلية كتبت بواسطة Rody5 انا بالشرفيه وموازي وحبدأ من ليفل 1 :""""( إلى الان مطلعتلي اسماء أستاذات ... مماني عارفه كيف أرتب وضعي يعني مري متى أداكر متى انام متى أصحى ولا ششي . أحيانننا أحس بخوف وتهول احيانا لمن أقرأ مواضيعكم أححس إنها سهله جزاك لله الججنة يارب , والله يحقق لك كل الي تتمنيه ويريح بالكك يارب ,,

هلا بك يا عسل..
ترا لو بدأتي من البدايه وشديتي حيلك في الانقلش حتجيبي احلى الدرجات فشيء حلو تبدئي من اول ليفل بالعكس مو شيء سيء ،واسماء الاستاذات مرره يكون فيها لخبطه وماينزلوها صح ممكن يحطولك اسم استاذه وماتكون نفس استاذتك اهم شيء تلتزمي بالموعد والمبنى والغرفه وخلاص ..

بالنسبة لترتيب وضعك ووقتك فرديت على سؤال قبل لabrarrxx في الرد 18 تقدري تطلعي عليه بس عشان ما اعيد نفس الكلام...

وترا اغلب اللي يضيع البنات هوا كلام الناس فلا تسمعي للاشاعات زي ماقلنا ،صح مافي شيء يجي بالسهل وحنتعب شويه بس عشان باقي السنين نرتاح..ربي يوفقك

[jo0odi s]

المشاركة الأصلية كتبت بواسطة ابداع خانم الله يسعدك ويوفقك ويحقق لك اللي تتمنيه ومشكوره على رحابة صدرك انا سمعت انو ممنوع استعمال الاله الحاسبه واذا بالفعل ممنوع أش تنصحيني في الحسابات والأجهزة اللي فيها كاميرا ممنوعه او لا يعني عااادي اجيب معاي الايباد مستوى الانقلش تبعي الاول ايش تنصحيني خاصه انو اغلب وقتي بالجامعة والكل يقول راح يكون ضغط وممكن تشرحيلي كيف يكون اختبار الانقلش وكيف أتعامل مع الاختبارات خاصه أنها بالانقلش واعذريني كثرت الاسئله

اهلا ..

الاله الحاسبه ممنوعه بس في ماده الرياضيات اما باقي المواد مسموح بيها ،واغلب اسئلة الرياضيات ماتحتاج لحسابات كثير،وعندك كمان زي الاحصاء تاخذي معاكي ورقة القوانين في الاختبار فلا تشيلي هم ...
الاجهزه بس الجوالات مسموحه اما اللابتوب والايباد بس تروحي للعماده تطلعي تصريح ويصير عادي وترا التصريح ما ياخذ وقت ..

الانقلش قد ما تقدري احفظي كلمات وحاولي انتي وصحباتك في كلاسات الانقلش تتكلمو بس انقلش وحتلاحظي قد ايش تتطور لغتك بس اهتمي بانك تحفظي وتتكلمي كمان ..

بالنسبه للاختبارات احنا كنا بس نشوف المطلوب والمعطيات وعلى طول نحل مو شرط نقرأ السؤال كله وانته في الكلاسات حتكونو متعودين عالاسئله لا تشيلي هم النقطه هذي ابدااااا

[jo0odi s]

المشاركة الأصلية كتبت بواسطة loodyvip انا عندي مشكله مسببتلي ازمه وهي اني ما احفظ الاماكن ودايم اضيع حتى طريق بيتنا اتلخبط فيه احيانا >لاحد يضحك وحطوني فمباني بعيده عن بعض 3 و 7 و12 13 وابغا اروح اشوفها واشوف الكلاسات قبل ماتبدا الدراسه بس اني اتوتر واخاف اضيع واقول فنفسي اذا ماعرفت طريق البوابه وتاخرت وراح عليا الباص كيف ارجع يعني ما اتخيل اني ادور لحالي بين ناس غريبين فمكان كبير مااعرف فيه شي وكذا حتى اقول فنفسي لمن اركب الباص ايش اقوله يوقفني عند اي بوابه طيب انا ايش دراني هاذي البوابه اللي لازم ادخل منها ولالا ! وشي ثاني تعبنا مع اللبس لين ذحين ما اشتريت شي ناس يقولون الجنز ممنوع وناس يقولون لا انتي من واقع انك بالجامعه اكبر مننا وتشوفين كل شي ايش رايك نلبس ولالا يعني مره مشددين ! والله يوفقك ويسعدك دنيا واخره يارب

ياقلبي انتي مرره عادي انا كمان بضيع بين المباني وحتلاقي كل البنات زيك والمكان غريب عليهم ومايعرفو فين يروحو مو بس انتي،واساسا اول ماتدخلي اسالي فين اروح وكدا وترا البنات مره متعاونين،وانتي بمجرد ماحتداومي بالكتير اسبوع وحتكوني عارفه من ايت بوابه تدخلي وفين المباني ..

الملابس لا تكثري ابدااا لانه حتطفشي وحتقعدي لابسه عبايتك وحتلقي نص البنات بعبي ،بس شوفي لو لبستي بنطلون وعليه عبايه ما يتكلمو ، اما بنطلون وبلوزه قصيره يسحبو بطاقتك على طول ..

ربي يوفقك..

[jo0odi s]

المشاركة الأصلية كتبت بواسطة نُهَى مرة تُشكري حبيبتي على الموضوع ; ) طيب ينفع اسجّل المحاضرات صوتيًا بجوالي ؟

العفو حياتي ماعملت الا الواجب

جربتها قبلك بس طبعا بدون ما تنتبه وسجلتها صوتيا وما استفدت شيء الصوت واااطي ماتسمعي شيء واساسا ما حتحتاجي، اهم شيء ركزي معاها ...

ربي يوفقك :)

[jo0odi s]

المشاركة الأصلية كتبت بواسطة @jeemy مشكورة والله على الموضوع الجميل دا و اهنيكي على الردود الوافية الكافية و الله يكتب الي فيه الخير للجميع و شكرا

يا هلا فيك اخوي ..

العفو والله ماعملت شيء ، وعارفه انه هرجي كثير بس ابغا اوصلهم المعلومه بالزبط ..

ربي يوفقك :)

[jo0odi s]

المشاركة الأصلية كتبت بواسطة azo18 عاااادي حتاتو طبب الحين الفروع تقصدي فرع رابغ والشمال وخليص وكامل وكذا ؟؟

و الرحاب والسلامه والشرفيه والفيصيليه كلهممم يحطو الاسئله

[الملتقى الجنة~]

السلام عليكم ورحمة الله ~

عزيزتي موضوعك رائع جدا ،، الله يكتبلك الخير وين ماكنتي ويفرج عنك كربة من كرب يوم القيامة ''

سؤالي // ياليت تقوليلي اسماء كتب التحضيري ،، واي طبعة كنتوا تدرسوا !!

بالتوفيق :*

[jo0odi s]

المشاركة الأصلية كتبت بواسطة samuraiq الموضوع جدًا رائع وبسيط وهذا احسن شي الف شكر

ربي يخليك ويلا شد حيلك وجيب احلى الدرجات .. :)

[jo0odi s]

المشاركة الأصلية كتبت بواسطة رآمـــآ ربي يسعددكك و يوفقكك و يحقق لك مرادكك .. و الله كلامكك مره ريحني و طمني من التحضيري لانو كل ما اقابل احد شخصيا يقوولي شدي حيلكك , صعبة , الخ :( و مرهه كنت خايفة من حكاية المذاكرة و الشرح اذا كان بالعربي او لا .. ربي يسسعددكك مره افدتيني .. موفقة :)

ياقلبي انتي..كلامك والله اللي ريحني ،شدي حيلك وجيبي احلى الدرجات وفرحينا ..

ربي يوفقك :)

[jo0odi s]

المشاركة الأصلية كتبت بواسطة ثابت العلوي مشكووورة وما قصرتي والله يعطيك على قد نيتك وعندي سؤال ممكن ؟؟ الحين المواد الدكتور يقول اشترو كتب ولا ملخصات ولا بكيفة وثانينا مادة الانجليزي 6 حصص هل هي اجباري كلها ولا اختياري وشكراااااااا

هلا فيك يا ثابت ..

قول الله يعطيني احسن من نيتي هههههههههه

بالنسبة للمواد ايوه الاستاذ يقولكم ايش اسم الكتب بس اما الملخصات لا انته تشوف اللي يناسبك وتذاكر منه ..

بس مافهمت عالانجليزي يعني كيف 6 ؟؟؟ قصدك الاوقات والا ؟مافهمت وضح لي اكثر