طالبات التربية الدولية المقارنة

[هاروكي]

جزاك الله خير ياام الوليد على المعلومات
ايوه بالله ياسيما ساعدينا في ارقام السواقين
حتى انا مستغربة ليش مسائي بالعكس الصباحي افضل لنا البنات بعكس الرجال عندهم عادي بس ماندري كيف ظروف البعض يمكن مجبورين والله اعلم

[sima1]

الزنبقه .. والله ماادري انا مااقدر ارسلك ع الخاص الارقام لانه مشاركتي اقل من 100
وهنا اكيد ماينفع ماادري كيف اعطيكم ؟

و بخصوص المسائي .. انا زيك مقدمه على اساس صباحي
اتوقع ممكن المواد الاجباريه بس تكون مسائي بس يكون كركبه لو مسائي والله بالنسبة ليا


تغرريد .. حبيبتي أنصحك تروحي الجامعه تسألي افضلك
و شوفي لو ينفع تأجلي الدراسه ترم عبال ماتاخدي موافقه جهه العمل
بس أنا والله مااعرف بالتفصيل عن الموضوع لكن انصحك تسألي بنفسك في الجامعه افضل

هاروكي .. أنا مااعرف كيف اوصلكم الارقام
لو كدا السبت لما نداوم اعطيكم هي
هو دا الحل الأفضل

أمالي ..
والله كلنا مو عارفين هي مسائي او صباحي
بس يقولوا في كم ماده ممكن تكون مسائي


ربنا يختار لنا الخير جميعًا و يسهل لنا :)

[amaaly]

امييين يارب ..
موفقين جميعا

[تغريد عسيري]

مشكورة سيما على تعاونك الرائع
الله يخليكي
اسألي عن الدوام صباحي ولا مسائي

[بوح سمآوي]

سيما ممكن تسألي عن جداول اصول التربية الاسلامية لاهنت وهل هو صباحي او مسائي
و كمان من وين ناخذ البطايق و الجداول ... الخ
لان أنا مو من جدة و ما اقدر أجي اليوم

و اكون جداً شاكرة لك ..

[الزنبقة]

السلام عليكم ..اليوم داومت الفيصليه عشان اسلم برنت الاحوال ...
المهم قالتلي انو الاوديس تبعنا لسا ماتفعل والاسبوع الجاي نداوم الرحاب ومن هناك يسلمونا الرقم الجامعي والبطاقه الجامعييه ..
يعني يابنات لاتشيلو هم ان شاء الله الامور ميسرة والاسبوع الجاي نفتح الادويس ويترتب جدولنا ...وكمان قالت الدراسة صباحية ..
اصلا غالبا الاسبوع الاول مافيه دراسه ويكون فيه تعديل جدوال ويتحدد فيه اوقات الدراسة ونتعرف على دكتوراتنا ...
نتقابل السبت على خييييير

[sima1]

اخواتي
انا اليوم رحت الفيصليه قالت لي الارقام الجامعيه تاخدوها السبت و البطاقات حنرسلها لكم عالرحاب
ممكن نهايه الاسبوع الجاي ، و بخصوص الجداول والدوره قالت اسألوا في قسمكم

وبعدين رحت الرحاب قالت لي انه المسؤوله تبعكم غايبه بس جداولكم لسى ، يوم السبت تستلموها
وقالت الدراسه في الرحاب صباحي
اما بخصوص المواد المشتركه فماعندها علم

ربنا يوفقنا جميعًا ويسهل علينا
ان شاء الله نتقابل السبت في كلية الرحاب
لاتقلقوا كله حيتيسر
:)

[ام الوليد2008]

يعطيكم العافية زنبقة وسيما الله يوفقنا ويسهل لنا المشكلة محد يعرف شي كلية الرحاب كل ماتسألي عن شئ مو دارين حتي الدوره البديله ما عندهم خبر عنها لكن ان شاءالله تنحل الامور وعدتني الوكيله انها ان شاءالله حتنسق الجدول بحيث ماننضغط الله يسعدها
ومشكلتهم ان القسم جديد ولسه ماتزبطت اموره بس الي قالتلي ان عندنا مواد بالشبكة والله يكتب الخير وممكن حبيباتي ان شاءالله يوم السبت تنزلوا ايش صار معاكم لانه مااقدر أداوم السبت لسه مادبرت نفسي بسواق
اذا وحدة فيكم في احياء الجنوب نأخذ سواق خاص ليه ولها افضل من الباصات بالذات اذا كان الدوام فعلا في كليتين صعب نتعامل مع باصين

[هاروكي]

بنات ان شاء الله نتقابل بكره خلونا نتفق سوا
متى نداوم يعني متى كلنا نكون في وقت واحد هناك ؟
وفين المكان اللى تبغون نلتقي فيه يعني مكان مميز في الكلية ينعرف بسهولة عشان نتجمع في وقت قليل ونضبط الجداول سوا وناخذ ارقامنا واللى منه في وقت قصير
وكمان حاجة الكلية اللى في الرحاب هي اللى رحنا لها اول مره للاختبار ولا الثانية اللى اختبرنا فيها ؟؟؟

[الزنبقة]

ام الوليد ابشري بكرا ان شاء الله نخبرك كل الي صار معانا ونطمنك ...
هاروكي مافهمت سؤالك لكن كلية الرحاب هي الكلية الي اختبرنا فيها اختبار المفاضلة الي تعتبر جنب النادي الأهلي ..
وفعلا ياريت نحدد موعد ومكان نتقابل فيه في الكلية , المشكله انو لسا مانعرف اسماء واشكال بعض هههههههه
عالعموم انا درست في هاد الكلية السنة الي فاتت وقاعده افكر في مكان مميز نتقابل فيه ...
اول ماتدخلي من بوابة الدخول وتعدي من عند حارسات الامن الي يفتشو على البطايق حتلاقي المبنى قدامك مباشرة ادخلي منو وعلى اليمين حتلاقي جدار مميز لونو اسووود ان شاء الله مايكونو غيرو لونو ...ايش رأيكم نتقابل هناك ؟؟ والساعه تسعه؟؟؟ الي مايناسبها الوقت تخبرنا نغيره
لاتنفجعو باللون الاسود شكله حلو ومرسوم عليه لوحات فنية وباين قدامك مباشرة لانو البوابة قزاز
الي موافقه تبلغني او الي حست المكان مو مناسب يصير نغير المكان للكافتيريا