أقتراح ي إداره ي مشرفين بخصوص الانتساب والتعليم عن بعد

[روقي راقي]

يوجد من يوضع مواضيع وتعليقات على اختبار اليوم وليس بالاولى

في قسم الانتساب وهو تعليم عن بعد !!

لما التهاون في ذلك

والاهم الملخصات نحن من يتضرر..

اجل من نزل موضوع نسأله انت تعليم عن بعد والا انتساب..

مايصير شوفوا لهم حل واذا تبون ندلّكم عليهم ترانا حاضرين

[bimmer]

لا ويمقن يطلع لك ملخص بنات
والله يالروقي ما اقول لك غير الصدق
اخوك يبي يصلح ذيب اخذ ملخص من 5 او 6 اوراق وقلت هذي اراجعها قبل اخش بالاختبار
المهم امس وانا اخذ فره على المنتديات لقيت دكتورة الماده الظاهر اسمها تغريد تقول انتبهوا ترى انا خشيت
محاظرات الدكتور وهي تختلف عني انا تطرقت لمواضيع لم يتطرق لها وهو نفس الشي
قلت الله يعين البنات اللي ذاكرو ملخص الدكتور
المهم مالك بالطويله اليوم الظهر قبل اخش الاختبار بساعتين معاي هذاك الكوفي اللي يحبه قلبك
وعلى نفحات مكيف السياره ومصلح اني هذا الدافور اللي بيحل طلاسم الاختبار
واخذ اول رشفه من الكوفي وافتح الورق الا وانت بالملخص اللي يخص البنات
افا ياولد قل غير هالكلام
مافيه الا استخرجي واكتبي واملئي واحسبي
دور خويك ماتلقاه
اللي اذكره اني رميت الكوفي وقت صلاة العشاء مارشفت غير تلك الرشفة
وكان الله في عونك يامعيض

[روقي راقي]

ههههههههههههههههه والله مشكله

المشكله ان التعليم عن بعد لهم منتدى مخصص خاص فيهم ولكن يحلو لهم الاضافه هينا!

يارجال كثير نطيح بهذي اختاري واستخرجي كتابة البنت معروفه والملخص معروف

الشباب اكثر شي مختصره بدال مايكتب ضع علامة صح وعلامة خطا يكتب لك صح او خطا ههههه

الله يعدي هالترم على خير

حتى انا ابي اذاكر اقتصاد جزئي مدري وش اللي اذاكره