لاتقولو لي في امل خلاص تحطمممممت واحس اني تعبانة موت

[Dr.MEEM]

حبيبتي خلي املك بالله كبير
لاتياسين ولاتوقفي اجتهاد سوي كل الي تقدرين عليه !

+ بالنسبة للفيزياء أتمنى تحضرين مع د. هناء فرحان حتى لو محاضرات اضافية
مرا حتفيدك .. الدكتورة جدا ممتازة وممكن تاخذي دفتر وحدا من بناتها وتصوريه :)

+ الرياضيات لاتضيعين نفسك فيه ذاكري من الكتاب بس وانتبهي للمحاضرات !
وممكن تشترين ملخص اشرف بركات وبعد ماتخلصين مذاكرة كل شابتر من الكتاب
افتحي الملخص وذاكريه وحلي تدريباته :)

+ ذاكري كل مادة مرتين قبل الاختبار عشان تثبت المعلومة ..
اي شي مو فاهمته اسالي عنه لاتخليه .. والمدرسات الخصوصيات اتمنى تتخلين عنهم لانهم يشتتونك ومو كلهم كويسين

هذي طريقتي ف المذاكرة والحمدلله درجاتي عالية جدا
اتمنى لك التوفيق

[شبآصصة]

نصيحه لا تشتتي نفسك بالمذاكرة من كذا ملخص
خذي ملخص واحد بس +كتابك+ نموذج أسئلة

الله يوفقك ويفرج همك :)

[نادين 1]

الله يوفقك ياررب ويسهلللك

[NeFO]

اول شي مافي احد اتحطم زيي لاني مررة كنت دافور بالثانوي و بالسنة التحضيرية اول ترم كنت خطةة ب و رحت لمدرسين و في النهاية كانت النتيجة جددا باااد و قربت من الرسوب بالاحياء
بس الترم الثاني في خطة أ حسيت نفسي واحد تاني و مررة شديت و درجاتي فوق الحمدلله
لا تيأسي ان شاء الله تعدي السنة دي وتدخلي القسم اللي تبيه
بالنسبة للمذاكرة اعتمدي على مصدر واحد و لا تشتتي نفسسك لأنو بركات لو طريقة و العربي لو طريقتو
انا اذاكر في الرياضيات من بركات و الفيزياء العربي و الحمدلله درجاتي مرررة كويسة
الانجلش في ملخص الاستاذ خالد السيد اعتقد في مكتبة 2000
والاتصال و الحاسسب مرررة مهمة ترفع المعدل فوق لا تفرطي فيها
وربي يوفقققككك :)

[طُهر]

مي تووووووو نفس حالتي والله حسبي الله فيهم انا خطه الف كنت مرا كويسا ودرجاتي كويسسسا

جيت باء اندمرت الله يدمر حياتك ي نزار في الاحياء ذا ليش كل دا الظلم اختبر انجلش الثلاثاء وبعدو احياء ويبغونا نحلللللل حسبي الله ونعمممم الوكييييييييييييييييييل حسبي الله فيكممم مو جامعه ماتقيس مستوى بس للتحطيمممم لحد يقول احنا مو قد الجامعه احنا قدها ونصصصصص بس هما ظلمونا بذات البنات اللي يدرسو انجلششش انظلمنا كثير بالجدول ليش كذا
الله لا يحلل ولا يسامح ولا يبيح اللي كان سبب في تعقيد الاختبارات وحسبي الله ونعم الوكيل ماس فاشله فاشله فاشله بسبب الانجلش جاء بالحظ معاهم مرتاحين وماهمهم واحنا اللي نبغى نجيب درجات كذا جات معانا بس الله لا يوفقهمم انا اليوم اتدمرت نفسيتي بسبب الدرجات مع اني اذاكر وشاطره مرا بس كلو منهمممم مايراعو ولا يساوو وبالنسبه لنماذج الاختبارات فين المساواه النماذج مختلفه مو مقياس المقياس انو تكوت كلها نفس الشيء اجل ناس نموذججج بايييييييخ في الاحياء وماعرفو يحلوه واحنا نموذج زي السم ليش دا كلو



حسبي الله قد قهري وقد ماتحطم حلمي وقد ماكنت ناويه افرح امي وابوي وخيبت املهم

[sara g]

الله يبشرك بالدرجات الحلوة اللي تفرحك وما ازيد على الكلام اللي قالوه بس حابة اقلك في المكتبة فيه نماذج اختبارات
للدكتورة هناء هي حالتها بالتفصيل والله ان اغلب افكار الاسئلة جات من النماذج مررره انصحك فيها الله يفرج عليك

[NeFO]

ايوا صححح نماذج الاختبىااار شي جميييييييييل جدااا حاولي تحلي قد ماتقدررري |=)

[طُهر]

مي تووووووو نفس حالتي والله حسبي الله فيهم انا خطه الف كنت مرا كويسا ودرجاتي كويسسسا

جيت باء اندمرت الله يدمر حياتك ي نزار في الاحياء ذا ليش كل دا الظلم اختبر انجلش الثلاثاء وبعدو احياء ويبغونا نحلللللل حسبي الله ونعمممم الوكييييييييييييييييييل حسبي الله فيكممم مو جامعه ماتقيس مستوى بس للتحطيمممم لحد يقول احنا مو قد الجامعه احنا قدها ونصصصصص بس هما ظلمونا بذات البنات اللي يدرسو انجلششش انظلمنا كثير بالجدول ليش كذا
الله لا يحلل ولا يسامح ولا يبيح اللي كان سبب في تعقيد الاختبارات وحسبي الله ونعم الوكيل ماس فاشله فاشله فاشله بسبب الانجلش جاء بالحظ معاهم مرتاحين وماهمهم واحنا اللي نبغى نجيب درجات كذا جات معانا بس الله لا يوفقهمم انا اليوم اتدمرت نفسيتي بسبب الدرجات مع اني اذاكر وشاطره مرا بس كلو منهمممم مايراعو ولا يساوو وبالنسبه لنماذج الاختبارات فين المساواه النماذج مختلفه مو مقياس المقياس انو تكوت كلها نفس الشيء اجل ناس نموذججج بايييييييخ في الاحياء وماعرفو يحلوه واحنا نموذج زي السم ليش دا كلو



حسبي الله قد قهري وقد ماتحطم حلمي وقد ماكنت ناويه افرح امي وابوي وخيبت املهم

[maryam.n]

اختي الحبيبة موضوعك شدني ... وبقولك بعض الكلام اللى اتمنى انك تحطي ( حلقة في ودانك ) على قولت اخواننا المصارية


المهم

المشكلة وما فيها هي ( انك بتضغطي على نفسك ) ودا الشي انتي قلتيه بنفسك ..

يقلك لو تبغي تكوني ناجحة راقبي ماذا يفعل الناجحون .. و اسلكي طريقهم ..

اول شيء في الموضوع لازم لازم لازم تكون ثقتك بالله كبيرة انو لو رفعتي يدك في قيام الليل و بكيتي في الليل و الناس نيام وانتي بتناجي ملك الملوك اللى بيدهـ قدرك و مستقبلك كله .. صدقيني لو دعيتي الله عز وجل في جوف الليل بنية صادقة والله العظيم انو ربنا ما حيردك باذن الله ..

ثانيا .. ثقي بنفسك و قولي لنفسك (رسائل ايجابية ) ... اكتبي في ورقة صغيرة.. أنا متميزة , انا ذكية جدا , انا حنجح بامتياز من السنة التحضيرية ,انا احب السنة التحضيرية , السنة التحضيرة جميلة و سهلة جداا .. انا ذاكرتي قوية ..

و اقرأي الورقة كـــــــــــــــــــــــــــــل يوم اول ما تصحي وقبل ما تنامي بصوت عالي و بتفاؤل و بإيمان انك انتي كذا .. انتي هذه الشخصة ... و صدقيني ما حتعدي 10 ايام الا وحتحسي فرررق شاسع في نفسيتك و تفاؤلك و اقبالك على الدراسة بجد وحماااس

ثالثا..بالنسبة لدرجاتك هذا الترم ...... انســـــــــــــــــــــــي انك اخدتي درجات سيئة ( لانك لو فكرتي بالماضي حتعيشي فيه و لو فكرتي في المستقب اللى هو اش حدخل تخصص ؟؟؟ وهل حيقبلوني او لا ؟؟؟ عمرك ما حتتقدمي لانك ما بتعيشي حاااضرك اللى هو يبني مستقبلك و ماضيكي !!!) ...

ابدئي صفحــة جديـــــدة ... ابدئي ادرسي المواد اللي منتي فاهمتها اول حاجة .. مثلا امسكي الفيزيا لمدة اسبوع فقط الفيزياء و ركزي عليه و خذي راحتك يعني شيلي من بالك انو الاختبار بعد اسبوعين او انو انا مني فاهمة او انو المنهج طويل .. كلو دا احذفيه من مخك .. و هيئي نفسك انو انتي دحين بتفهمي المادة الحلوة دي عشان حتشرحيها للبنات ( وبكدا حتدرسي باخلاص ) اهم شيء الهدوء و الراحة النفسية ..

و الاسبوع اللي بعدوا تمسكي الماث مزبوط بنفس الطريقة اللى فوق .. و هكذا



و بالنسبة للمذاكرة انا اقترح عليكي التالي :
1- اذا انتي بالسليمانية احضري عند د. هناء فرحان زيادة عن كلاسك... لانها تشرح بتفصيييييل و على مهلها و ترحب باي سؤال او شرح او استفسار ما شاء الله عليها ربنا يحميها
و اكتبي كل شيء تقوله ..
و اشتري ملخصها من خوارزم + نماذج الاختبار تبعتها اللى في خوارزم .. و اتسلي عليها في اسبوع مذاكرة الفيزياء

و صررررررررررراحة اقلك هيا .... اللي ذاكروا من ملخصات و شتت نفسه في النهاية جاب درجة مش ولابد

و اللى درس من مصدر واحد جاب درجات كويسة ..

الزبدة الزبدة

ملخصاتتت فيزكس مااااا تنفع لانوووو الشرح حق دكتورتك غير و الملخص غير و الخصوصية غير ..>>>> و بكذا مخك ما حيستوعب و حيتوتر و انتتتتي ررروووحتي فيها - ممكن تكوني فاهمة لكن معلوماتك ملخبطة و غير مرتبة و دا اكثر الناس اللي بيغلطوا فيه ( عدم الترتيب + التوتر )


ادري اني قرررررررررقرت على راسك واتفلسفت ..

لكن انا حاسة بيكي لذلك كتبت الكلام اعلاه ..

و اسفة انو تعبت نظرك ..


وربنا ان شاء الله ما يضيع لك تعب ... و خلي ثقتك بالله انو هو حيخترلك اححسسسسن وافضل تخصص ليكي لانك استخرتي و دعيتي وعملتي بالاسباب ..

ملاحظة اخيرة ::

مافي شيء اسمه ( مافي امل ) انظري للحياة من زاوية اخرى حعطيكي مثال عن الامــــل .. اخواننا الفلسطينين في غزة المحاصرة ما بيجيهم ماء و لا كهربا و لا شيء لكن عندهم شيء اسمووو امــــــــــل .. و قدروا انهم يخترعوا اشياء مرة حلوة تحت الحصار , مثل : سيارة تشتغل بالزيت ! و معالجة الامراض وحتى المزمن منها بلسعات النحــل ! و عمل افران بالطاقة الشمسية ! ...
و غيره كثير كثير .. و مر على الاحتلال الصهيوني اكثر من 60 سنة و سنة عن سنة بيختفوا من الخريطة لكن عندهم امل انهم يرجعوا بلدهم فلسطين كما كانت ! سبحان الله ..

الامل موجود في الحياة ... في مقوله عجبتني يقولها الاطباء وهي حقيقة .. ( أملي هو شفائي ) يعني من يوم ما يكون عندي امل اني حتشافى يوم من الايام اذن انا وصلت للشفاء ..

ولولا الامل لما كان هناك وجود للحياة ..
شوفي قصص العظماء و حتعرفي معنى الامل - الاصرار - الثقة بالله - التوكل عليه - العزيمة .. و قصص الانبياء فيها كل دا ..

لو فقدتي الامل = يعني حكمتي على نفسك بالموت وانتي حية ..



موفقة يا عسل

[shox2]

نصيحه عاااامه للكل


صلاه الوتر كل يوم لو ع الاقل ركعه تقرأو فيها سوره الاخلاص و تدعو الله لكم و لجميع المسلمين
واستودعو الله كل شي حفظتوه وما حفظتوه و استودعو الله الاختبار
استودعو الله الذي لا تضيع وداعه