لاتقولو لي في امل خلاص تحطمممممت واحس اني تعبانة موت

[فستان فوشي]

سلام بنات وشباب

مادري كيف ابدأ موضوعي بس مرا تعبانا انا واحس ان الدنيا والنصيب وكل شىء حلو بالدنيا ضدي

ابغا اعرف انا في ايش قصرت
مستعدة اصلح الغلط الي فيني

اعطيت كل مادة اكتر من حقها
اجتهدت
اشتريت ملخصات والمواد الي تحتاج لمدرسة خصوصية رحت ودفعت من مكافأتي
الاجازة الصغيرة دي ماستمتعت لاني شايله هم الدرجات وياليت تبشر بالخير

ياناس ابغا اعرف انا ليش حطي كدا
اعرف بنات قبل الاختبارات بتسبوع يذاكرو ودرجاتهم روعه ماشالله تبارك الله
وانا الي بحرم نفسي من كل شىء حتى مكافأتي مابستمتع فيها
كلها بالملخصات والخصوصيات و؟؟؟؟!!!!
وفوق دا درجاتي ماتبشر بالخير

انا مرة كنت شاطرة بالثنوي والكل حاط امل اني ارفع الرأس بس للاسف اكتشفت اني فاشله

معدلي في خطة باء راضية فيه نوعا ما بس الحين جيت خطة الف الدرجات قاعدة تنزل بشكل موطبيعي والله بشكل موطبيعي
الانقليزي والفيزيا مرة لا
حتى الرياضيات الي ادخل وانا فاهما واخرج وانا متاكدة اني حليت انصصدم بالدرجا
حتى الفاشله الي ماذاكرت تاخد درجتي
كاحس بمعنى *لكل مجتهد نصيب * مرة ماحسها مزبوطة لاني مجتة ويكفي ان ربي شايف الي بسويه بس مابلاقي ثمرة تعبي
ا

مادري في احد حاس بالي اقولو ولا لا
ادري بتقولولي في امل او اسحبي او واو واو بس خلاص بعت كل شىء ماعاد يهمني شىء
تحطمت كع امي كنت متفائله واحب ادي الناس امل بالحياة بس حاليا لا

كل شىئ تغير
مهما شديت حيلي ماحوصل لشىء
مادري الفشل مني ولا من الاسئله بس لو من الاسئله مكان احد جاب درجة
انا بشوف الدرجات حلوا الا انا

يارب اكتب لي الخير
يارب انا راضية بالي فيه خير بس يارب ارزقني ماتمنى
يارب يارب

ابغا اسألكم الفيزيا كيف اذاكرو بليز ابغا سىء مضمون
جربت ملخصات وجربت خصوصية وجربت الكتاب كل سىئ عملتو بس مرا درجاتي باد

ايش تنصحوني اعتمد على اشرف بركات ولاحضيع
مابغا اشتت نفسي زي المرة الي فاتت ابغا اعتمد على شىء عسان افكاري ماتتلخبط
وانقليزي لفل فور كيف اضمن درجة علما بان حتى الانقلش درجتي باد

ارجع اقولككككم هالخطة مرة مستواي نزل مع اني متقصرت

الحمدلله يارب


ادعولي اجيب درجات بالفاينل عالاقل اعوض شوي لوحتى حبتين مع ان مافي امل
بس انا بحاول تاني
مع ان كل محاولاتي ماتبشر
وايام اقول خل الاختبار الفاينل كدا بدون مذاكرة وبعتبرها سنة تجربة بس مابغا اضيع سنة من عمري

احس اني موقادرة افكر او اقرر
دعواتكم لي بظهر الغيب ا

[فستان فوشي]

اللهم لاعتراض على حكم الله بس حبيت افضفض لاني مرة مقهورا وتعبانة واحس كل شىء بوحدهي مقفل
وارحع اقولكم انا ماقصرت بولا مادة

[M33DO]

الله يعينك يا اختي ... انا بصراحه كنت دايم اذاكر من ملخصات احمد العربي وجايب b مع اني ما اذاكر الا بيوم او يومين قبل الاختباار وانتي اهم شي خذي ملخص واحد و لا تضغطي مرره على نفسكك واستمتعي بوقتك مو كلوو دراسه بدرااسه ..... بالتوفيق لك ياارب

[Deev]

ياحياتي انتي وربي حاسه فيكي
شوفي لازم تفهمي حاجه انو ربنا عمرو ماحيضيعلك تعب وانك حتلاقيه بطريقه او باخرى
بعدين ياعسل هدي حاله طبيعيه انك تحسي انك وقفتي ووتعبتي ووووو هدي مجرد ضغوط انتي ريحي نفسك شويا وموطول الوقت تذاكري كدا حتملي .

اما حكاية انك فاشله فهادي شيليها من مخك
انتي ابعد مايكون عن الفشل انتي دخلتي الجامعه بارادتك وتصميمك ومو بس كدا مشيتي تقرييبا سنه فيها
اللي غيرك ما كان يحلم يعديها وبمعدل حلو كمان
بعدين انتي مشيتي في مواد صعبه وماحولتي مسار ادبي وانا اعرف بنات شخصيا كانو معايا بالمدرسه وبعد كم اسبوع حولو مسار ادبي
بعدين ياعسل لاتحكمي ع ننفسك من تجربه وحده انك خلاص حتفشلي
ترا والله الجامعه صعبه وغير النظام اللي متعودين عليه طول سنين دراستناوانك مشيتي فيها هدا بحد ذاته يعتبر انجاز
انتي ثقي بالله وثقي بقدراتك وخليك متفائله وشدي حيلك

اما بالنسبه للمواد انا الفيزياء ذاكرتها من ملخص دكتورة هناء والملاحظات اللي اكتبها بالمحاضرة والحمد لله
بعدين الفيزياء بالذات يبغالها فهم اولا ثم حفظ القوانين وتتدربي على نماذج
لاتشتتي نفسك بملخصات

اسفه كترت كلام بس انا فعلا ابغاك تستعيدي ثقتك بنفسك
والله يوفقك ويشرحلك صدرك ويفرجها عليكي

[فستان فوشي]

انا دكتورتي ماتشرح فيزيا مزبوط ومحد يمدحها
ورحت لخصوصية وماستفدت وحببت ملخصات عسان كدا بانهايي ابغا اذاكر لوحدي بس ماعرف كيف

نفسي اجيب درجا علية حتى لو باغلط

يارب وبس

[saroo0]

وعليكم السلام
بعد كل صلاة ادعي (اللهم ارزقنا الدرجات العالية في الدنيا والأخرة )
موفقة

[Deev]

طيب ليه ماتحضري اكسترا
جربي دكتورة هناء وماحتندمي ان شاء الله
اذا ماقدرتي خدي ملخصاتها
الله يوفقك يا اختي

[ريماس 29]

الله يوفقك وتعدي هذي الترم بنجاح انتي مشكلتك ضاغطة نفسك بالمذاكرة انا انصحك تشوفي د

ورة مهارات التفوق الدراسي لدكتور يوسف الخاطرعلى اليوتيوب موجودة كاملة مرة حلوة وممتعة

ويعطيك الطرق الصحيحة للمذاكرة ورح تستفيدين ان شاء الله

[ساااااارونه]

قلبووو لاتضغطي ع نفسك بالمذاكره
بالعكس كذا حتتعبي ويبدا عقلك يتنك
ومهما جبتي درجه لاتهتمي ..يمكن خيره لك
وكلها درجات دنيا ماتستاهل تشيلي همها وتجلسي طوول الوقت زعلانه
احمدي ربك عليها وريحي قلبك
ذا الاسلوووب اللي اتبعته بعد ماكنت اشيل هم درجاتي وابكي ع درجات دنيا
الحمدلله اريح قلبي وابتسم عااادي ولا كأنوو صاير شي انا ما اعرف وين الخير لي
و اخسر درجات ولا يجيني شر

اهم شي الفهم لاتحفظي المسائل افهمي كيف جاء كذا وليش استخدمنا ذا القانون
وقارني بين المسائل واحفظي القانون متى نستخدمه
انا عن نفسي لو اعتمدت ع استاذتي بروووح فيهاا زي الاول
انا ذاكرت زويل والحمد لله فهمت واستفدت بالمسائل منو
وبرضو السامبيل بروبلم اللي بالكتاب بس ماركزت عليها تمام ومافتكر جابو منها
والكتاب ذاكرت الجزء النظري الا شبتر فور ماكفاني الوقت وغلطت بالسؤال اللي جاء بالنص منه
يعني مهــــــــم مررررررره
والسكاشن انا ضد اللي تقوول مو مهمه بالعكس جاء منها سؤال وكويس قريتو بالصباح
وكمان بالدوري الاول جاء منها
وع قد ماتقدري ذاكري نماذج.بخوارزم موجوده نماذج محلوله لهناء بس فيه طرق طويله للحل ماتعجبني

ونصيحه لا تشتتي نفسك بكذا مرجع
وبعض الاستااذات الخصوصيات مو كويسين
اسم على غير مسمى :(

وعذرا طوووولت عليك أدري اني فيلسووفه ههه
والله يوووفقك قلبووو وان شاء الله تفرحي بدرجه الفاينل
دعوووواتك

[أمل وطموح]

عزيزتي، هذه حكمة تعلمتها من الحياة وقرأتها في كتب المنجزين أحببت أن أشاركك بها .....

ليس هناك إنسان ناجح في هذه الحياة إلا ومر بمحطات للفشل .....

لا تستغربي إذا قلت لك أن من يفشل في الحياة هو الناجح الحقيقي لأن الفشل يشحن الإنسان، يعلمه قيمة النجاح، قيمة الدقائق قيمة كل شيء.

ومن ثم السباق لا ينتهي إلا بنهاية آخر ثانية فيه لاحظي آخر ثانية فيه لا تفقدي الأمل طالما أن الشمس تشرق عليك كل صباح والدم مازال جاريا في عروقك ومازلت تسمعين صوت أنفاسك.

أخيراً حبيبتي؛ أعد العدة واعملي (العمل ,العمل) ولكن الأهم من ذلك أن تشعري بالسعادة في كل لحظة من لحظاته...................اعملي وانسي النتيجة

أنصحك تأخذي يومين راحة تنسي أنك في الجامعة أصلا وقبل ماتذاكري اقرئي على الأقل صفحتين من القرآن

(((مولاي ؛مولاي؛ارح قلبها وأفرحها بثمرة عملها يارب العالمين ))) دمتي سعيدة