التصوير حرام والا حلال ...؟؟

[rubi]

زيو زي السكينة تستعمليها بقتل يسير حرام تستعمليها بذبيحة لله يسير اجر

دي الحاجات زي التيفي والجوال كلها ممكن تكون حرام وممكن تكون حلال بحسب اللي يستخدمها

واذا حرام الكميرا ما كان الشيوخ بيطلعو عالفضائيات بواسطة
التصوير



المهم بالنسبة لموضوعك شوفي بنت عمي مرررررررررة ملتزمة وفي فرحها المصورة اول ما خلصت تصوير اعطتها الشريط بيد العروسة كدا عشان لايكون في اي شك انو الصور او الفيديو مع المصورة باي نسخة

[زهرة الثلج]

اغلب الناس يقولوا لو حرام ماكانوا الشيوخ اتصوروا ...

بس هذا الشئ مو مقنع ... الشيوخ مهم معصومين من الغلط ...

احنا نمشي على الكتاب والسنة ... الدين واضح ...

شكرا rubi على المرور ^_^ ..

,,

[PROXY]

فيه فرق بين التصوير الفوتوغرافي والتصوير بالجوال أوغيره من الأجهزة الإلكترونية.
التصوير الفوتوغرافي محرم بفتوى الشيخ ابن باز رحمه الله وأتذكر كمان في فتواه إنه قال: (إلا ما ابتلينا به من الصور في البطاقات الشخصية -لضرورتها-).

أما التصوير بالفيديو والجوال والتلفزيون كلها أمور فيها سعه لأن وجودها مرتبط بعمل الجهاز ومتى ما أغلق اختفى أثرها تماما.

أتمنى أكون أفدتك , ووضح اللبس في الفتوى.
ومبارك زواج أختك.

[زهرة الثلج]

اهاا وضحت .. يعني لو صورنا بالجوال وحطيناه في الكمبيوتر عاادي ..

طيب عزيزتي الكلام هذا سمعتيه من شيخ او اخذتيه من موقع شيخ ..

ابغى المصدر الله يسعدك ..

يبارك في عمرك ان شاء الله

وشكرا

,,

[PROXY]

حكم التصوير الفوتوغرافي قرأته مرة في كتاب للشيخ بن باز بس ما أتذكر اسم الكتاب.
والتصوير بالجوال أو الكمبيوتر هذي سمعت الشيخ الفوزان أفتى فيها قبل فترة على برنامج الجواب الكافي.
ولو عندي وقت كان دورت لك فتوى الشيخ الفوزان بس مشغولة حاليا بالإمتحانات.
بس أنتي ادخلي منتديات الجواب الكافي فيه قسم اسمه مكتبة الفاتوى << كل فتاوى البرنامج مرتبة ومصنفة بشكل مررة حلو وكلها مكتوبة, أنا متأكدة راح تستفيدي منها.

وبالتوفيق لك يارب.

[تذكري يديك يوم تشهد عليك]

ياأختي. علماؤنا ومشايخنا الكبار حرموه وعشان تتأكدي اسألي الشيخ بنفسك بس مو اي شيخ اسألي واحد من هيئة كبار العلماء والإفتاء
وابن باز الله يرحمه حرمه
وزمان ماكن يطلع في التلفزيون أبدا كان بس يجي على الراديو وأخذوا الناس فتررة طووويلة يقنعوه عشان يطلعلالتلفزيون وتعم الفائدة أكبر قدر من الناس

وتخيلي هذي القصة حقيقية والله العظيم
امرأة اتصلت على الشيخ ابن باز تخيلي اش تقوله
تقول ياااشيييخ أنااا في بلد وأمي في بلد ثااااني مانشووووف بعض ومن زماااان عنها ( تخييييلي أمها وماتقدر تشوفها بسبب البعد) المهم قالت عادي أتصوور وأرسل لها صوري عشان تشوفيني تخيلي اش قال لها
قال: لا. قالت ياشيخ أمي قال لها التصوير حراااام
لا تقولي الشيخ متشدد ولكن التصوير حرمته عظيمة جدا
فمابالك نتصور ونجمع صورنا عندنا واحنا محنا بحاجتها فقط بحجة الذكرى !!!
ولاتنسي حبيبتي قول الرسول الكريم (أشد الناس عذابا يوم القيامة المصورين )
بس للأسف الناس الأيام هذي صارت تستهون بالتصوويرر كثيررررر وكأنه شي عادي
استغفر الله الله يهديهم ياارب
حبيبتي لاتخلي أختك تبدأ حياتها الجديدة بمعصية وربي يوفقها ويسعدها ياااارب
ونصيحة لاتاخذي من فتاوى النت إما تبحثي في الكتب أو تسألي الشيخ أو ممكن تدخلي على مواقع ثقة مثل موقع : بن باز. وموقع : ابن عثيمين
و آآآسفة على الإطالة بس حبيت أنصحك حبيبتي وربي يوفقنا لطاعته ويهدينا ويصلحنا
تقبلي مروري

[إلهام]

^^^^^^

بالضبط .. مآشآء الله تبآركـ الله
قال رسول الله صلى الله عليه وسلم (إن الحلال بين والحرام بين وبينهما أمور مشتبهات لا يعلمهن كثير من الناس فمن اتقى الشبهات استبرأ لدينه وعرضه ومن وقع في الشبهات وقع في الحرام .......)
لمآ يختلفوآ العلمآء, أفضل لكـ تبعدي عنه إذآ مآرآح يضرك ولآ يفيدك وجود هذآ الشيء.. والتصوير مآ رآح يضيف لأختكـ أي حآجهـ في حيآتهآ ..
وقلب المؤمن دليله
والله يوفق أختكـ يــــــآرب

[كيميائية العام]

ماتوقع انو حرام لانو انعكاس للضوء وكلام الاخوات صحيح لانو لوكانت حرام ماكنا لقينا صور المشايخ في الجرايد من باب اولى

[تذكري يديك يوم تشهد عليك]

ياحلوين يابنات
الشيوخ مايطلعوا إلا للضرورة الملحة ولكي تعم الفائدة أكبر قدر من الناس
( مين أكبر جمهور التلفزيون ولا الراديو ؟؟!! )
لو طلعوا في الراديوا مابيسمعهم إلا من رحم ربي
عشان كذا يطلعوا في التلفزيون
وبعدين مافيه أحد كامل من الأخطاء الله يهديكم
ربنا اهدينا واصلحنا ولا تكلنا إلى أنفسنا طرفة عين