سؤال في الاحصاء : في ايجاد z

[X901]

السلام عليكم ورحمة الله وبركاته ..
في ملخص جمال السعدي شاتر6 بارت 1
اخر صفحتين اوجد z بشكل عجيب !
اول شيء من فين جاب z1 ؟
وكيف طلعها ؟

عموما السؤال يقول
in a certain normal disribution. 1.25% of the area lies to the left
of 42 and 1.25 of the area lies to the right
of 48

اوجد الميو(مين) والستاندر ديفيشن !

المين عرفت انه 42 +48 قسمة 2 = 45

وعرفت الرسمه كيف ارسمها ..

بس ما اعرف ليش قايل
p(z<z1)=0.0125
z1= -2.24

كيف وجد z1 ؟

ياريت شرح السؤال بالتفصيل !

[X901]

شباب ياريت احد يشرحلي هذه النقطه ضروري !

[Wa9aif B]

بس ما اعرف ليش قايل
p(z<z1)=0.0125
z1= -2.24

كيف وجد z1 ؟

ياريت شرح السؤال بالتفصيل ![/QUOTE]

احس دي الكلمه موجوده فلسفه لانو بس اللي عملو اخد ال area اللي على اليسار لانها صوره من صور الشيت قسمها على ميه تطلع .0125 دور عليها في الجدول اللي فوق الرسمه يطلع ال z -2.24 بس

[X901]

^
مافهمت -ـــ-

[kin93fil]

منجد هادي الجزئية بالزات ما خشت موخي !! ><

[X901]

مافي احد فاهمها ؟ ويعيد شرحها ؟
Wa9aif B وينك ؟
ياريت توضحي اكثر

[Wa9aif B]

كنت ازاكر احياء
مممممم مني عارفه كيف اقول
دحين هوا مكتوب انو 1.25 اللهي هيا ال area في مره في اليمين ومره على اليسار طبعا لازم الرسمه يعني في ذيل الرسمه يمينها ويسارها طيب مو في الشيت في رسمتين تحت الجداول
الذيل اللي على اليسار نفس الرسمه اللي في الشيت اللي تحت جدول السالب وهوا طالب ال z فخلاص كيف حتطلع ال z من ال area تقسمها على ميه لانها 1.25% =0.0125 تروح لنص الجدول "جدول السالب"وتدور على دا الرقم تاخد صف= -2.2 وعمود =0.04 وترااااااااا طلعت الزد
لو مافهمت لاترجع تقرؤ تاني عشان لا الخبطك

[the change]

^

نفس كلام وصايف


شوف ياخويا لما يديك نسبة في السؤال ويطلب المساحة حط في بالك دااايمن لازم تحول النسبة لعدد عشري

فإنتا عندك العدد في السؤال 1.25 , لما يتحول لعدد عشري بقسمته على مئة حيطلع الناتج بـ 0.0125

هو طالب المساحة , وإحنا عارفين المساحة لو ابغا اطلعلها أبحث " بحث عكسي"

يعني ايه بحث عكسي ؟ يعني بدل ما اني ادور في الجدول على عدد ومنه أطلع القيمة (( زي لما ابغا اطلع قيمة الـz من الجدول )) هنا اطلع القيمة نفسها من وسط الجدول

مثلا : عندك العدد هذا 0.0125 تدور عليه في وسط الجدول كيف ؟

تدور على الرقم 125. << طبعا هي طريقة "تحول" يعني تتعب في بالحث حتجلس تدور صف صف , قروب قروب لين تطلع القيمة

وحتلاقيه في جدول السوالب ((مش إحنا عندنا جدولين واحد موجب والثاني بالسوالب ,, لما نجي نبحث بحث عكسي في الجدول الموجب ماحنلاقي العدد هذا فنروح للجدول السالب))

في الصف عند الرقم 2.2- ((يسار الجدول تلاقيها)) ,, والمجموعة عند الرقم 0.4 (( فوق أعلى الجدول تلاقيها))

حتلاقي العدد 0.125 ,, كفشناه

[طيب عرفنا العدد 0.125 فين مكانه , طيب ايش قيمته ايش مساحته ؟ << وهوا هذا اللي طالبه في السؤال]

-حناخذ الصف مع العمود يعني الرقم 2.2- مع 0.04 حيصير 2.24- وهذا هو المساحة أو الـ area إللي طالبها



اقرأ كلامي مزبوط وطبق عليه بنفسك في الجدول وطلع القيم وجرب

ولو مافهمت قلنا عشان نحاول نوصل المعلومة لانو السؤال هذا مليون بالمية جاي في الاختبار

والله يوفقكم ياااارب

[the change]

فيه نقطة مهمة :


الحين لما يكون عندنا عدد ونبغا نطلع الـ z له حنشوف موقعه اول شيء

-حترسم رسمة الشكل الجرسي وتحدد الرقم اللي عندك

يعني احنا الحين عندنا العدد في السؤال موجب فحتحطه على يمينك في الرسمة , وفيه قاعدة تقلك لو تبا تجيب الـz لعدد موجب تطلعها من الجدول مباشرة (( وطبعا كيف نطلعها مثلا عندنا العدد 1.31 حتشوف في الصفوف عدد 1.3 وفي الاعمدة تدور على عدد 0.01 والرقم اللي تلاقيه هو هذا الـz له ))

اما

لو تبا تجيب قمية الـz لعدد سالب يعني موقعه في الرسمة حيكون يسارك فحتطرح من العدد 0.5 والناتج اللي يطلعلك هو اللي تبحث عنه في الجدول


فقط انتبهوا لهذه النقطة