هل بامكاني الانسحاب من السنه التحضيريه واكمالها السنه القادمه ؟

[Dr. Amira]

زي حالتي بالزبط
ابغى طب ودرجاتي تسود الوجه
اشوف البنات جايبيين 29 و 27 ويقولو ماحينقبلو طب
اجل انا ايش ؟؟؟!
فكرت اسحب
والله مو بس تفكير جلست ادورلي على عذر ممكن اقدمو
بس كتير قالولي كملي الين الترم التاني اذا درجاتك ما حتدخلك اسحب على النهائي واعيد السنة
وقالولي كمان على حركة اني اقدم على ابن سينا
وانا اعرف وحدة اختها ماانقبلت طب وقدمت على ابن سينا وعادلولها
ودحين هيا بتدرس في جامعة الملك عبد العزيز سنة رابع طب >>> الله يحفظها
ففي امل

[حلاوة ليمون]

هلا اخويا

عندي لك كل الاستفسارات اللي تبغاها صاحبي سوا نفس حركتك ومشي حالو دحين معايا

هووا السنه اللي راحت كان تحضيري وبعدين سحب ملفو عشان درجاتو مش تماام ووقع على تعهد انا اول ما شفتو انفجعت كانو كاتبين له ( لا يحق لك بالمطالبة بمقعد في الجامعة ) حزنت عليه كنت افكر خلاص ما حيكون معايا السنه الجيه طلع التعهد دا بس على السنه حقتو ما يقدر يرجع تاني سجل مره تانيه معايا وانقبل وشهادتو فيها ختمين السنه اللي راحت والسنه دي اللي معايا لانو هما اعطوه ورقه تغطي ع الختم اللي راااح ولو سحب على الاختبارات النهائيه ما يقدر يرجع تاني لازم قبل الاختبارات النهائيه

ومن دون ما يختبر قدرات او تحصيلي رجع كممل كل شي عااادي و درجاتو حلوه دحين

صللي استخارة و ربنا يوفقك إن شاء الله

[سديم الزهراني]

قبل لاتسحب لازم تكون واثق انهم راح يقبلوك السنه الجايه ونسبتك عاليه
وانت تعرف نسب القبول في زياااااده وكل سنه تفرق .

الله يوفقك ويكتب لك اللي فيه خير .

[LA5ER]

المشاركة الأصلية كتبت بواسطة dr. Amira زي حالتي بالزبط ابغى طب ودرجاتي تسود الوجه اشوف البنات جايبيين 29 و 27 ويقولو ماحينقبلو طب اجل انا ايش ؟؟؟! فكرت اسحب والله مو بس تفكير جلست ادورلي على عذر ممكن اقدمو بس كتير قالولي كملي الين الترم التاني اذا درجاتك ما حتدخلك اسحب على النهائي واعيد السنة وقالولي كمان على حركة اني اقدم على ابن سينا وانا اعرف وحدة اختها ماانقبلت طب وقدمت على ابن سينا وعادلولها ودحين هيا بتدرس في جامعة الملك عبد العزيز سنة رابع طب >>> الله يحفظها ففي امل

شوفي آختي أفضل حل لمثل حالتنا ,نكمل لين قبل الاختبارات النهائيه ونشوف حالنا نقدر نمشي ولا لا بس بالنسبه للي جايبين 27 و 29 ويقولوا ما بينقبلوا طب اجل مين إن شاء الله بينقبل ؟ مبعنى اصح يبيونك تتحطمي حتى ما تنافسيهم في مقاعد الطب وذي الحركه للآسف منتشره في السنه ذي من الطلاب والطالبات , ما أدري ايش الهدف منهم ,بالنسبه لي انا اسميها أنانيه, اما بالنسبه لابن سينا ماعندي خبره فيها بس رآح اسآل اللي لهم درايه وفهم في ذا المجال والله يكتب اللي فيه الخير

[LA5ER]

المشاركة الأصلية كتبت بواسطة حلاوة ليمون هلا اخويا عندي لك كل الاستفسارات اللي تبغاها صاحبي سوا نفس حركتك ومشي حالو دحين معايا هووا السنه اللي راحت كان تحضيري وبعدين سحب ملفو عشان درجاتو مش تماام ووقع على تعهد انا اول ما شفتو انفجعت كانو كاتبين له ( لا يحق لك بالمطالبة بمقعد في الجامعة ) حزنت عليه كنت افكر خلاص ما حيكون معايا السنه الجيه طلع التعهد دا بس على السنه حقتو ما يقدر يرجع تاني سجل مره تانيه معايا وانقبل وشهادتو فيها ختمين السنه اللي راحت والسنه دي اللي معايا لانو هما اعطوه ورقه تغطي ع الختم اللي راااح ولو سحب على الاختبارات النهائيه ما يقدر يرجع تاني لازم قبل الاختبارات النهائيه ومن دون ما يختبر قدرات او تحصيلي رجع كممل كل شي عااادي و درجاتو حلوه دحين صللي استخارة و ربنا يوفقك إن شاء الله

ذا الشى طمني إن شاء الله , وانا بعد كلام المكاوي ما استسلمت يقول باقي امل خصوصا انو هذي السنه راح تكون اكبر نسبه رسوب مرت على الجامعه وزي ما قلت لاخوني واخوتي اللي هم مثل حالتي نكمل إن شاء الله ونشوف حالنا قبل الاختبارات النهائيه ونسآل اهل الاستشاره اذا نكمل او ننسحب والله يكتب اللي فيه الخير ,,,وشدوااا الحيل ,وانا رجعت اكمل مذاكره الاحياء لعل وعسى ان يكون لنا خيره ترا باقي لنا امل ,

[M!SS Lara]

العضو حلاوة ليمون ، طول الوقت الي فات كنت أحسبك بنت ^^" معليش ..

وبالنسبة لسؤال صاحب الموضوع

فعالية شهادة القدرات والتحصيلي ( سنتين ) ..

واذا بدك تسحب فأعمل اخلاء طرف ، ولتعرف اكتر ، فروح عمادة القبول والتسجيل حيعطوك ورق وتختمه من عدة اماكن زي البنك و المكتبة وكده

وبالتوفيق لك

[Иiтяσgεи✿]

المشاركة الأصلية كتبت بواسطة la5er التحصيلي مدته سنه او سنتين لكن آنا ابغى اتأكد بالزبط هل هي سنه ام سنتين ؟ اما القدرات 3 سنين

أدخل ع موقع قياس .. وشوف اللوائح
وكما ارسل ايميل لهم وهما يردوا عليك ان شاء الله ...
كذا أضمن لك ... انا اللي فاكرتو .. انو قدرات 3 وتحصيلي 2
بس انت اتأكد
الله يكتبلك الخيرة يارب

[sara0sa]

انا من رايي انكم تشدوا حيلكم وماتلعبوون وخلووا ايمانكم بربكم قوي ...

الله يوفقكم ويوفق الجميع بس جد شدووووووا على حالكم قد ماتقدرون .. السنه هذي اكثر سنه الواحد يتعب فيها بعدين ربي يسهلها ان شاء الله

[Dr. Amira]

المشاركة الأصلية كتبت بواسطة la5er ذا الشى طمني إن شاء الله , وانا بعد كلام المكاوي ما استسلمت يقول باقي امل خصوصا انو هذي السنه راح تكون اكبر نسبه رسوب مرت على الجامعه وزي ما قلت لاخوني واخوتي اللي هم مثل حالتي نكمل إن شاء الله ونشوف حالنا قبل الاختبارات النهائيه ونسآل اهل الاستشاره اذا نكمل او ننسحب والله يكتب اللي فيه الخير ,,,وشدوااا الحيل ,وانا رجعت اكمل مذاكره الاحياء لعل وعسى ان يكون لنا خيره ترا باقي لنا امل ,

من جد
الله يكتبلنا الي فيه الخير يارب
ياااااارب ننقبل طب حتى لو اخر مقعد ياارب انا رااضية

[معارج]

أقولك من تجربتي


انا سحبت العام ورجعت دحين وبنفس درجاتي حقت القدرات والتحصيلي .

شي واحد لازم تكون ضامن انو درجاتك حلوة وبتضمن ترجع يعني ماتكون انقبلت على الحفة دي السنة في اخر يومين او شي زي كدا

عشان لاقدر الله لو ارتفعت الدرجات تضمن مكانك . وغالبا ماتطلع كتير بفواصل

المهم لا تضيع عمرك وتكمل , اسحب وارجع السنة الجاية بقوة جديدة وبنشاط وطموح اقوى

لانو من تجربة انا دحين شايفة نفسي احسن بمراحل من العام والعام زي ماتقول كانت دقة خلتني اصحى وانتبه لنفسي

على رأي المثل كل دقة بتعليمه .

بس لو تكمل للترم الجاي لبعد الدوري الاول على الاقل وتسحب عشان تكون اخدت فكرة عن الخطتين

بس انتبه ترا في موعد بعده اذا سحبت ماتقدر ترجع تقدم , وعلى ما افتكر الموعد يكون بعد الدوري الثاني حق الترم الجاي
الي هوا يصادف رجب ممكن .


على العموم انا اشجعك على انو تسحب وترجع تشد حيلك لانه مو مشكلة سنة واحده تروح اهم شي توصل حلمك ولو لاقدر الله ماوصلته اقلها تكون حاولت وسعيت

وفي الاخيير على رأي المثل اللي مكتوب على الجبين لابد تشوفه العين .!