الفيزيا والعيد اليوم "اخوان"

[OnLine]

المشاركة الأصلية كتبت بواسطة aez1412 الاختبار كان متوسط بعض الفقرات تميل للصعوبة شي طبيعي ومنطقي مو كل واحد لازم يجيب ثلاثين رغم انو لو يجيبوه سهل برضو الطلاب حيخبصوا ويقولو صعب ومدمر ومدري ايش من الحجج والكلام الفاضي حق الطلاب عمرهم ما يعترفو انو التقصير منهم يرمو فشلهم وخيابتهم على غيرهم

الفشل والخيبة انك تجيب دكاتره بمستوى أقل من السيء وأسئلة إختبار صعبة

مو كلنا نبغى فيزياء ومو كلنا بندخل هندسة ، الإختبار تحصيل حاصل

وكيف التقصير منا ؟ ما اخذنا مدرس خصوصي مثلاً ولا ما اشترينا الملخصات ؟
هذي أشياء مو شغلتنا ، المناهج من الجامعة ومفروض تدرسه بأفضل شكل ، مو تجيب دكتور يا دوب ينطق وتربط مستبقلك بمادة ما راح تدرسها بعد كدا !

[aez1412]

أولا بالنسبة ل trz انا ما امسك الكتاب 24 ساعة وعارف نفسي مقصر ولا تظن اني باجيب ثلاثين مثلا بعدين الي يمسك الكتاب 24 ساعة حمار "حمار من وجهة نظرك" فالنعم بيه بيفيد البلد وبيرفعها نوعا ما لانو في امثالك الجهلة الي بينزلونا لاسفل السافلين ومنهم بيستغلو عبقريتهم وشطارتهم في الغلط زي الدكاترة الي بتشتكي منهم وما يعرفو يحطو اختبار ومو كلهم بعضهم وفي كل الحالات الحمير الي في رايك في خير او شر احسن منك وبعدين بدل ماتسب في غيرك روح خليك رجال وكلم الدكتور الي سوا فيك كدا بالرغم انو حمار وانت ادمي لكن شوف بعلمه ايش سوا فيك الحمار يا ادمي

[aez1412]

بالنسبة للاخ سملق انا اعتدر لو غلط عليك واتمنى تسامحني وتعدرني وترى انا معاك يعني في الهوى سوى ومتضايق زيك وامكن اكتر كمان لكن لازم نعرف انو اللوم مو كلو على الدكاترة لازم نحسن مستوانا وزي ماهم صعبوه اكيد في مننا تقصير ورغم انك استهزأت لكن حصل خير واتمنى انك ما تاخد على خاطرك والله يوفقك ويووفقنا جميعا

[aez1412]

بالنسبة للاخ online اتفق معاك في انو مستوى كثير من الدكاترة سيء بل رديء ومنهم من مستواه عالي جدا بحيث انو ما يناسب عقلية الطالب و لكن في دكاترة ممتازين الزهراني وليد السيد وامكن 2 كمان والبقية لك الله بعدين انت ما تبا تدخل هندسة غيرك يبا تجي تبدع انت في الكيميا مثلا مثلا يجي غيرك يقول مو كلنا نبا ندخل طب بعدين انت محد ضحك عليك هدا نظام السنة التحضيرية مو تحصيل حاصل اكاد اجزم انك عارف الانظمة والقوانين وسياسة السنة التحضيرية ومحد ضربك عندك الجامعات مملية البلد اختار نظام الجامعة الي يعجبك وخشها بعدين مسالة التقصير من عدمها مالها علاقة بالخصوصي او الملخصات شي راجع لك تجيب خصوصي ولا لا وانا مالي كل من اخد خصوصي يعني ادى الي عليه كلام يضحك في ناس بتجيب 5 ولا عمرها اخدت خصوصي ايش معناتو الكلام دا احسن منك هم في ايش مخاويين مثلا لا زيك زيهم وانا اتفق معاك في تقصير من الجامعة في الدكاترة الي حاطينهم لكن بدل ما نهرج ونقول كلام كتير مالو داعي روحو من بداية السنة وكلموهم قولولهم من حقنا تحطولنا دكاترة زي ناس زي ماعليك واجبات لك حقوق وترى المادة مو بديك الصعوبة شد حيلك حتنجح وبيزودوا درجات ماراح يضيع مستقبلك في مادة ؟؟؟؟؟

[noonz]

هدّوا شويا جالسين تتضاربوا على شي مايسوى

أتوقع ماله داعي إنه نقول الفشلة والخايبين
إذا الواحد ماشاء الله ربي أنعم عليه بالذكاء يقول الحمدلله وما يستنقص غيره
وياريت يعني نرتقي بالألفاظ شوية :")
وموفقين جميعا ^_^

[قادم]

aez1412>> هذا وامثاله من الاشخاص اللي مايقدرون اش اللي حاصل جايين يتفلسفون
وشفناهم كثيرين انا سميتهم بلطجية السنة التحضيرية مو ناقصنا الا هم

[aez1412]

يا اخ قادم ياريت تفهم وتقرا زي الناس كلامي واضح للاعمى وانا معاكم في مركب واحد والي قبلك يتهمني بتنقيص غيري انتو قريتو كلام تاني ولا ايش بعدين ياريت تحترم نفسك لانو امثالك هم الي حيرجعونا ويحدفونا اكتر محنا راجعين يا فاشل

[قادم]

المشاركة الأصلية كتبت بواسطة aez1412 يا اخ قادم ياريت تفهم وتقرا زي الناس كلامي واضح للاعمى وانا معاكم في مركب واحد والي قبلك يتهمني بتنقيص غيري انتو قريتو كلام تاني ولا ايش بعدين ياريت تحترم نفسك لانو امثالك هم الي حيرجعونا ويحدفونا اكتر محنا راجعين يا فاشل

صباح الخير يا عرب


مابقول ششي غير كلام اختنا نونز
"هدّوا شويا جالسين تتضاربوا على شي مايسوى

أتوقع ماله داعي إنه نقول الفشلة والخايبين
إذا الواحد ماشاء الله ربي أنعم عليه بالذكاء يقول الحمدلله وما يستنقص غيره
وياريت يعني نرتقي بالألفاظ شوية :")
وموفقين جميعا ^_^"

[ALVES]

الاختبار مرررره صعب والله اظن انو اختبار الماجستير اسهل من كذا والاسئله فيها اخطاء في كل النماذج في السؤال اول شي يتكلم عن سياره بعدين يتكلم عن صندوق كيف كذا

[مسكوت]

شباب
اذا الكل جاب العيد في الاختبار يعني هذا الاختبار مو مصيبه ولا شيء
افترض لو انت نقصة عشره بسبب الاسئلة التعجيزيه وكمان درجتين من الاسئلة السهله
ويجيك واحد ثاني ينقص ف الاسئلة التعجيزيه 10 درجات وكمان 1 من الاسئلة السهله
يعني 10 ثابته والاسئلة السهله هيه اللي تفرق بينكم
وحتكون المنافسه ماتتغير لو جات كلاها سهله ولا كلهاا صعبه

وان شاء الله فيه زياده في درجاتت