للأهمية القصوى...فقط

[ااااه يا جامعة الملك سعود]

السلام عليكم ورحمة الله وبركاتة...
ألى جميع طلاب وطالبات خطة أ و ب هناك كان العديد من الأخطاء التي شاهدنها في ترم دراسي مضى ولله الحمد-بخيره وشره- سواء من نظام الجامعة أو من أعضاء هيئة التدريس ...
وأذا ما تحدث الطلاب والطالبات -بشكل رسمي-سوف نرى نفس الأخطاء الترم القادم-بأذن الله-مما سوف تؤثر سلبا على مستوانا الدرااااسي -عاجلا أو أجلا- ومن هذه الموضوع أريد كل واحدا منا أن يعطينا ما هي المشاكل التي واجهها في هذا الترم الدراسي ويعطيني الحل لها أيضا...
أرجع أكرر وأقول المسؤوليين في الجامعة لا يعلمون شئيا عن الذي يحدث لطلاب ولطالبات في السنة التحضيرية من مشاكل وصعاب لان الطلاب يتحدثون بمشاكلهم فيما بينهم أو بينهم وبين دكاترهم الذين ليس لديهم أي شي يعملونه غير أعطاء المحاضرة فقط ... ومعروف أن الدكتور في الجامعة ليس من مهامه الرسمية أيصال مشاكل الطلاب للمسؤولين في الجامعة ...
ولا نسى أن بعض الدكاتره لا يهمه الطالب أهم شي عنده يعطي مادته العلميه ويمشي فقط...
أتمنى من الكل يشاركنا ويعطينا مشاكله وحلوله لهذه المشاكل التي أتمنى أن لا نراها الترم القادم-بأذن الله-...

[أبو الهندسة]

السلام عليكم
ليه متنفرزين الموضوع جميل ولازم مانسكت وانا سأطرح معاناتي مع :
1- دكاترة الإنجليزي لأنهم درسوني الإنجليزي بالجامعة باللهجة الأوردو والله ما استفدت حاجة من المنهج.

[.SuperGirl]

ايوة الموضوع حلو
لا تخبصوه
بلا مشاكل

اما انا فاشتكي من الدكاترة
الذين يلقون محاضراتهم بلغتنا العربية فتخلو المحاضرة من الشرح الانجليزي الذي يسهل علينا الدراسة من الكتب
وهذا يأثر بدرجه بالغه على مستوانا في اللغة وفي تلك المادة ايضا
فعندما نعتاد علي سماع المصطلحات الانجليزي والشرح الانجليزي
يسهل الكلام والقرأة والحفظ والاستيعاب

فارجو من الدكاترة تحسين لغتهم واستخدامها بشكل اكبر!


بمعني اخر
آخد محاضرة كاملة مافيها الا كلمتين تلاتة انجليزي والباقي كولو عربي
امسك الكتب ومافيلو ولا كلمه عربي
واروح فيها

[ro0onee_roon]

بصراااااااااااااااااااحة موضوعك مرررة خطييييييييييييييييير وفكرة مرررررررررررررررررة ررووووووووعة
الصراحة أكثر المشاكل كانت الترم الاول الترم الثاني ان شالله مايكون زيو

أكثر مشكلللللللللللة كانت في اختبار الكيمياء
احنااا درسنا شبااتر كثييير اخر شي الاسئلة ركزوووووو على باب واحد وكان من الاختبار الاول وما اعطو الشباتر الثانية حقها يعني فرضا انا ماذاكرت هذا الباب ولا التعاريف نكرف فيها اخر شي ولا شي

يعني لااازم ينوعو عشان قدرااات الناس تختلف ناس تحفظ ناس تفهم




وقت الصلااة دايما يكون وقت محاااظرات

لازم يخلو شي اسموو واجبات او بحوووث مو كل الدرجات على الورق

هاذا اللي جا في بالي ويسلمو على الموضوع

[N!cE G!rL]

المشاركة الأصلية كتبت بواسطة ro0onee_roon بصراااااااااااااااااااحة موضوعك مرررة خطييييييييييييييييير وفكرة مرررررررررررررررررة ررووووووووعة الصراحة أكثر المشاكل كانت الترم الاول الترم الثاني ان شالله مايكون زيو أكثر مشكلللللللللللة كانت في اختبار الكيمياء احنااا درسنا شبااتر كثييير اخر شي الاسئلة ركزوووووو على باب واحد وكان من الاختبار الاول وما اعطو الشباتر الثانية حقها يعني فرضا انا ماذاكرت هذا الباب ولا التعاريف نكرف فيها اخر شي ولا شي يعني لااازم ينوعو عشان قدرااات الناس تختلف ناس تحفظ ناس تفهم

كفيتي ووفيتي ف كلامك عن الكيمياء انا ف الختبار مر كنت معصبة من الحركة دي
يعني كتاب قد ايش كبرو مركزين على جزئية وحدة << مررة مو عدل

[طقوس ..~]

الوقـــــــــــــــــــــــــــت فى الاختبارات


لانه منتهى الظلم انى اذاكر واتعب

وبالاخير مااقدر احل اللى ذاكرته عشان الوقت مايكفى

[نقطه]

والله كثر الله خيرك أخوي ..
أنا بأتكلم عن المشاكل إلي واجهتني ( أنا ) في المواد من جميع النواحي ..
أول شي الإنقليزي :
ماواجهتني أي مشكله ..
بس لو ينتبهوا لقضية لبس بعض المدرسات ..
لأني والله أحس إني في .. ( بار ) معليش ع الكلمة بس والله شي يقهر ..
بعدين الإحصاء :
ماعندي شي عنو ..
الكيمياء :
ياليت يخففوا المنهج ويدرسوا قضية كمية المنهج إلي بيدَّرس في الوقت المتاح للدراسه ..
وطبعاً لازم يكون ختامها مسك بالأحياء :
بس يركزوا شوية ويستهدوا بالله ويشوفوا كمية المنهج إلي بندرسه ويقللوا من كمية الماده ..
وأحس لو يشيلوا حكاية البنك يكون أحسن ..
لأنوا أحسه بصراااحه مسخره علمية ..
،
وفي كل المواد ليتهم يطولوا من وقت الإختبارات .!!
بس هذا إلي عندي ..
ولو في شي تاني أبشر أحطه هنا ..

[جامعيه ولكن..!]

بصرااااااااااحه انا أأيد في حكاية لبس بعض الاستاذات ... يعني والله مررررره عيب ..
والاحصاء والاحياء الجزء اللي درسنااااااه مرررررررره كتييييييييير .. ما صارت اش هوا دا ..!
والزمن المحدد للاختبار مرررررره ما يكفي يعني حتى لو كنا مذاكرين وعارفين الاجابه ما يمدينا نحل .. من جد والله حراااااااام .. يعني بالقوه ما يبغونا نجيب معدلااااااات ...
والضغط في المحاضرات والله ربي ما يرضى يعني بالله عليكم لما يكون عندنا محاضرات من الساعه 8 الى الساعه 2 متى نفطر ...؟!! والا الاهم من كدا متى نصلي ...؟؟!!!
يعني اللي محاضرتها تنتهي الساعه 2 الا عشره واستاذتها مفتريه تطلعها 2 وخمس دقايق وباصها يمشي 2 وهي في العلوم وباصها شماليه >>لا تقولوا ممنوع الباصات توقف عند الشماليه لاني وربي انا كذا ...
يعني يا دوبك تلحق عالباص .. لا وبعد تكون شمال جده ...وابعد شوي .. وتوصل البيت 3ونص يعني قد انو العصر اذن يعني بالله تصليها ظهر وعصر .....وربي حرااااااااااام ..لاززززززم يخافوا ربهم فينا ..
معليش طولتها عليكم ... بس كان لازم احكيلكم المعاناه اللي عشتها هالترم ..
واسفه على الاطاااااااااااااله .......

[مايلي]

السلام عليكم
انا عني كله طيب ماعدا اشياء معينه في الاختبار النهائي
1- الوقت مره مايكفي للحل
2- بنك الاسئله وخرابيطه لانها مره طريقه فاشله
3-والمراقبات وكلامهم الكثير
4-الاسئله المكونه من اربعين سؤال وهذا غلط لان الغلط بدرجه يعني احنا مو ملائكه عشان نقدر نحله كله كامل
لازم الغلط

وشكرا على الموضوع واتمنى يوصل للمسؤلين

[بهاء]

اولا: اشكرك على بادرتك الحلوه بتوصيل اصواتنا لمن لم يهمه الامر في زجنا فيها
وهذا ليس بغريب عنك
ثأنيا :
انا من جهتي مشكلتي في هذه السنه لا تختلف عن البقيه
بنك الاسئله في الاحياء افقد المادة جماله وجعل من هدفنا في الجامعة جمع الدرجات من غير اي فائده تذكر (صم للخيارات فقط )
طبعا هذا بسبب مشكله اكبر وهي كبر المنهج بشكل كبير جدا جدا جدا لا اعلم هل انا طلاب جامعة يعني زيادة الوحدات التخزينيه في دماغنا ربما يجب علينا الاجتهاد اكثر لكن لتطاع اطلب المستطاع
مشكله اخري : زمن الاختبارات من المفترض ان يراعوا ان المواد التي ندرسها تحتاج الي تفكير وحل يأخذ وقت لكل سؤال بغض النظر عن لغتنا الانجليزيه التي قد لا تساعدنا على فهم المطلوب من السؤال الي بعد الاستعانه بصديق ... اقصد الدكتورة والحمدلله ان هذا مسموح
هذا مالدي للان لان متعة الاجازة انستني ضيم الجامعة
اسأل الله التوفيق لي ولكم
أختك
بهاء