ياليت تساعدوني في جدولي

[يارب توفيقك والنجاح]

ا لسلام عليكم ورحمة الله وبركاته

وكل عام وانتم بخير

اخواني واخواتي انا مستوى ثالث وتوني مسدد ونزل جدولي اربع مواد:

* لغه عربيه1....>>>> هذي حاملها من الترم اللي طاف.

* لغه انجليزي2 ....>>>> هذي حاملها من الترم اللي طاف.

* ثقافه إسلامية2.....>>>>جديده علي.

* مبادئ الإداره العامة...>>>> جديده علي.

علما بان معدلي 2.56.

هل اترك الجددول مثل ماهو؟ او اضيف مواد؟ او احذف مواد منها واضيف مواد؟

واذا ابحذف واضيف وش هي المواد اللي احذفها واضيفها.

ياليت احد خلص من جدوله او عنده خبره يفيدني لاني ابي ارفع المعدل او احافظ عليه على الاقل.

ياليت وياليت تفيدوني باسرع وقت ممكن.

واسال الله الحي القيوم رب العرش العظيم التوفيق لكم جميعا.

[بندر بن صلال]

المشاركة الأصلية كتبت بواسطة يارب توفيقك والنجاح ا لسلام عليكم ورحمة الله وبركاته وكل عام وانتم بخير اخواني واخواتي انا مستوى ثالث وتوني مسدد ونزل جدولي اربع مواد: * لغه عربيه1....>>>> هذي حاملها من الترم اللي طاف. * لغه انجليزي2 ....>>>> هذي حاملها من الترم اللي طاف. * ثقافه إسلامية2.....>>>>جديده علي. * مبادئ الإداره العامة...>>>> جديده علي. علما بان معدلي 2.56. هل اترك الجددول مثل ماهو؟ او اضيف مواد؟ او احذف مواد منها واضيف مواد؟ واذا ابحذف واضيف وش هي المواد اللي احذفها واضيفها. ياليت احد خلص من جدوله او عنده خبره يفيدني لاني ابي ارفع المعدل او احافظ عليه على الاقل. ياليت وياليت تفيدوني باسرع وقت ممكن. واسال الله الحي القيوم رب العرش العظيم التوفيق لكم جميعا.

مرحبا اخوي

اولا :انت في حاجة لرفع المعدل .
ثانيا : الانجليزي احذفه لأخر ترم
ثالثا: انت على الخطة القديمة لا تفكر فيها نهائي خليك على الخطة الجديدة طبعا ما حدثوها عندك بالأودس تابع كلامي وان شاء الله تمشي الامور .
هذا جدول المستوى الثالث الخطة الجديدة عشان يكون عندك فكرة .
الفكر الفلسفي في ضوء الاسلام
الشباب وقيم المواطنة
مدخل إلى علم الاجتماع
مناهج البحث الاجتماعي
الثقافة الاسلامية 2
التحرير الكتابي ( اللغة العربية ) 201

-------------------------------
من وجة نظري والرأي الأول والأخير لك .
ضيف الجدول التالي :
الفكر الفلسفي في ضوء الاسلام
الشباب وقيم المواطنة
مدخل إلى علم الاجتماع
الثقافة الاسلامية 2
التحرير الكتابي ( اللغة العربية ) 1 إلي حاملها معك الترم إلي طاف

بهذا يصبح عندك عدد الساعات 14
اذا شايف عدد المواد كثير احذف الثقافة الاسلامية 2 ليش تحذفها المادة ساعتين لا تنفع ولا تضر .
اذا شايف اللغة العربية 1 صعبة عليك ومنت جايب فيها درجة حلوة احذفها لأنها ثلاث ساعات ممكن تأثر على المعدل . وبالنسبة لي المادة جدا سهلة يبيلها تركيز .
ملاحظة مهمة جدا : ( اذا قررت على جدول ) سوي معاملة اللكترونية عن طريق الأودس وارسل اسم المواد واطلب يضيفونها اكرر ارسل اسماء المواد كلها لا تنسى .
ملاحظة : اذا تبي ترفع المعدل بأذن الله ( ابتعد عن الملخصات ذاكر من الكتاب ) .

ولي رجعه للموضوع اذا تبي اي استفسار

تحياتي ,,,

[يارب توفيقك والنجاح]

أشكرك اخوي والله يوفقك

انا ابنزل المواد اللي قلتها لي وابحذف الانجليزي واللغه العربيه لكن المشكله اني دخلت على ايقونة الحذف والاضافه ولقيت قائمة المواد المتاحه مافيها :

الفكر الفلسفي في ضوء الاسلام.
والشباب وقيم المواطنه
وجيت ابضيف مناهج البحث الاجتماعي ومدخل الى علم الاجتماع يقولي كلهم الشعب مكتمله والمشكله الاكبر اني حذفت الانجليزي وصار عندي 8 ساعات فقط.
والمشكله الاعظم ان ايقونة ارسال معامله الكترونيه استغربت انه مايدخلني عليها.

والحل انا هالحين في وضع حرررررج وش السواة هالحين وشلون ارسلهم بالمواد اللي قلتلي عنها اني ابي ادرسها هالترم ومافيه طريقه وانا خارج جده مااقدر اجي ظروف العمل تجبرني.

تكفوووون اللي عنده حل يقولي خصوصا اني مااجي النت الى قليل جدا .
المواد اللي ابي انزلها:
الفكر الفلسفي في ضوء الاسلام.
الشباب وقيم المواطنه.
مدخل الى علم الاجتماع.
ثقافه اسلاميه 2
مناهج البحث الاجتماعي.

واذا يعني مايسمح ادرسها وش تنصحووووني بمواد غير هذي.

تكفووووووون ردو علي باسرع وقت لاني لخبطني هالجدول ابي اسويه وارتااااااااااح.

[بندر بن صلال]

اتصل على الرقم 026952498 واطلب من الموظف ينزل لك المواد

هذا الرقم عن طريق اخونا / راعي الدله ,,,, هو اتصل عليهم ونزل موادة

بالتوفيق

[abo-yazad]

شكراً النرجسي...

أخي صاحب الموضوع لو ما قدرت تضيف موادكـ أرسلي رقمكـ الجامعي ورقمكـ السري بالخاص لجل أضيفهم لكـ/موفق

[يارب توفيقك والنجاح]

انا ارسلت معامله الكترونيه عن طريق عمادة القبول والتسجيل مهوب عن طريق الاودس....وطلبت فيها ينزلولي المواد اللي ابيها وابنتظر واشوف وش يصير.
واذا مانزلوها ما أستغني عنك يانواف القصيم وتسلم يالغالي وعسى الله يوفقك ويسعدك.

[يارب توفيقك والنجاح]

الله يوفقك يالنرجسي ويسعدك

وشكرا اخوي على تفاعلك معي انت ونواف القصيم اسال الله لكم التوفيق والسعاده

انا ابتصل على الرقم اللي اعطيتني اياه يوم السبت اذا ماردو على المعامله الالكترونيه.

مشكورين اخواني الف الف الف شكر

[abo-yazad]

إذا بتضيف مواد عن طريق نظام المعاملات الألكترونيه أختر كليه الآداب الحاله الرئيسيه والحاله الفرعيه طلب واستفسار

أنت بمعاملتكـ هذه أخطأت ووجهتا لعمادة القبول والتسجيل

حاول فيهم السبت عن طريق الاتصال ولو ما قدرت جرب بنظام المعاملات/موفق

[يارب توفيقك والنجاح]

اخوي نواف القصيم الله يسعدك ويوفقك

انا دخلت عن طريق عمادة القبول والتسجيل ولقيت نظام المعاملات الالكترونيه وسويت معامله طلب بتنزيل المواد اللي ذكرتها انا فوق وكل اللي قلته سويته وارسلت لهم وعطوني رقم معامله ولي يومين اشيك عن طريق الاودس تبعي ماصار شيء عليها ولا حتى دراسه على الاقل اقول عطوني وجه.
الله يعين ويسهل شايل هم هالجدول وخايف انتظر ومايكون عندي الا 8 ساعات واتورط ويروح علي هالترم.
بس ابتظر الى يوم السبت واتصل عليهم وان شاء يفيدوني ويتساعدون معي.
عسى ربي يسهلها

اشكركم على تفاعلكم الله يسعدكم