التسمية كيمو 110

[لوتي الطويرقي]

السلام عليكم ورحمة الله وبركاته انا التسمية مرا مجننتيني


لازم احفظ ولا كيف ؟! واذا لازم ابغا طريقة سهلة لحفظها لان الاختبار السبت

يعني زي دا السوال كيف اسميه

1. 1. What is the correct formula of potassium sulfate?
   2. 
      KSO4K2SO4KSO2K(SO4)2
2. 

[طموحها طب]

جيت ع الجررح ,,,, حتى موو عارفه ولا فاهمتها اللي اعرف انو الايونات السالبه نضيف لها مقطع ide

يعني مثل اووكسجين نكتبوو .. oxide


اللي ابغى افهموو متى نضيف مقطع ous وومقطع ic

ان شالله ااحد يفيدنااا ... بالتووفيق

[يعجبني غروري]

ياليت احد يفيدنا
لاني ضايعه فيها زيكم
..........
دعواتكم

[خوووخة]

السلام عليكم ورحمة الله وبركاته

راح اعطيكم مافي جعبتي وان شاءالله تستفيدو :)

[خوووخة]

اول شي نجي لـ Ionic compound
في المركب الأيوني لازم يكون اللي عاليسار ميتال
واليمين nonl

واحنا نعرف انه الميتال هي العناصر اللي في المجموعة الاولى والتانية والتالتة + transition element + NH4


التسميات للمجموعة الاولى والتانية والتالتة + NH4

(راح نكتب العنصرين بدون اي تكافؤات يعني مافي رقم لاتيني زي mono - dia )


مثلاً

NaCl

sodium chloride

K2O

potassium oxide










يتبع ,,, :)

[خوووخة]

Ionic compound


transition element

( لازم نكتب التكافؤ للtransition element اللي عاليسار
برموز الارقام اللاتينية زي (mono(I) - di(II) )

مثلاً


Fe2O3

هدا مركب لمن نرجعه للأصل عشان نعرف التكافؤات

حيكون الحديد Fe تكافؤه 3
والاوكسجين O تكافؤه 2


بعدين نكتب التسمية

Iron(III) Oxide



يتبع ,,,

[خوووخة]

لمن نجي لـلـ

molecule compound



العنصر اللي عاليسار راح يكون nonmettal


ونكتب تكافؤات العناصر زي ماهي مكتوبة بدون ما نرجعها لأصلها


راح يكون بدي الصيغة

name (nontmettal element ) name (the other element +ide)


مثلاً

CO

mono carbon mono oxide



N2O4

di nitogen tetra oxide





في تلااتة ملآحظآت للجزء دا :

1- اذا كان العنصر الاول فقط اللي عاليسار عدد ذراته 1 فلا داعي لذكر كلمة mono
2- نحذف واحد حرف من O في حالة mono oxide وتصير monoxide من الoxide فقط
3- نحذف ال A من الحروف اللاتينية مع الoxide فقط زي tetra oxide تسير tetroxide

[لوتي الطويرقي]

يعني المجماميع 1 و2 و3 نون ميتل والباقي ميتل ؟! ولا كيف

وفالك الفل مارك

[خوووخة]

المشاركة الأصلية كتبت بواسطة لوتي الطويرقي السلام عليكم ورحمة الله وبركاته انا التسمية مرا مجننتيني لازم احفظ ولا كيف ؟! واذا لازم ابغا طريقة سهلة لحفظها لان الاختبار السبت يعني زي دا السوال كيف اسميه What is the correct formula of potassium sulfate? KSO4K2SO4KSO2K(SO4)2

لمن نجي للسؤال دا
اول شي نشوف اذا كان العنصر اللي عاليسار ميتال او لا

والبوتاسيوم ميتال عرفناه من الجدول الدوري
sulfate نن ميتال

على كدا هو Ionic compound

تكافؤ البوتاسيوم واحد
والsulfate اتنين
SO4 هدي صيغته من الجدول اللي في الكتاب اللي قالو لازم نحفظه ...!


فنبدل التكافؤات ويكون زي كدا الحل

K2SO4





ان شاء الله تلآقو الفآيدة

ان اصبت فمن الله وان اخطأت فمن نفسي

لا تنسو اختكم من خالص دعواتكم :)

[خوووخة]

المشاركة الأصلية كتبت بواسطة لوتي الطويرقي يعني المجماميع 1 و2 و3 نون ميتل والباقي ميتل ؟! ولا كيف وفالك الفل مارك

المجاميع 1 -2 -3 ميتال غير ال B لأنه شبه فلز lloide

وغير الH كمان

والعناصر الانتقالية اللي في الوسط وتحت برضو ميتال transition element








مجاميع 5-6-7 نن ميتال مع ال H

غير أشباه الفلزات ...