مستقبل طالب وطالبة مرهون في مادة تسمى الاحياء !

[X901]

السلام عليكم ورحمة الله وبركاته ...

عالم عجيبه غريبه !

تعشق اللعب في نفسية الطالب .. مره في تيست بانك مره لا .. مره في اجتماع مره لا .. وفي النهاية يقفلوها علينا ويقولوا مافي >ـ<

تسألهم ليش ؟ .. يقولولك نحن نجي نتعب ونشرح ونوقف ساعه على ارجلنا ..

وتلاقي طلاب دائما يغيبوا ويجوا قبل الاختبارات ياخدوا التيست بانك ويجيبوا a+

يعتبر ذا ظلم للدكتور .. وينتج منه طلاب لم يحصوا على درجتهم المستحقه من تعبهم إلخ ...

لعن ابو الشيطان ..

حسستوني انكم حتحطوا ٣٠ سؤال وحتجيبوا هذه ٣٠ سؤال بالنص بلا زيادة او نقصان !

تراكم تعطونا ٢٠٠ سؤال .. وتجيبوا بس ٣٠

فين الظلم الي تتكلموا عنه ؟

غير كذا بعيدا عن هذا وذاك ...

اذا مره تبغوا تكرفونا .. واننا بنسبالكم نبغى الشي جاهز ..

عدلوا السنه التحضريه ..

ايش الي ادرس مواد مالي اي علاقه بها في التخصص اللي ابغاه

وتخلوها مرهونه بنسيتي ومستقبلي في دخول القسم الي ابغاه ؟

المفروض تكون سنه تحضريه تدرس فيها المواد الي تحتاجها في التخصصك ..

ومن المعدل الموزون من القدرات والثانوية والتحصيلي هو الي يحدد دخولك للقسم ذا

ووقتها اكرف ام ابو الطلاب زي ما تحب .. ما دام انه على الاقل يدرس الشيء الي يميل له ..

بعيدا عن هذا وذاك ..

المدير قال في المؤتمر لما واحد متخرج من السنه التحضريه

ويقله انه المفروض تشيلوا التيست بانك إلخ ..

قله المدير .. التيست بانك جاي من ايش ؟ جاي من المنهج ..

فمعنى كلامه انه عادي يكون فيه ومافيها اي داعي اننا نشيله

يجي دكتورنا يقولوا هذا قرار من الجامعة انه يتم ايقاف التيست بانك نهائيا ..

رحنا قلناله الي قاله المدير ..

غير كلامه وقال قله انه هيئة التدريس مادة الاحياء قرروا هذا الشي بالنسبه للحياة !

ايش تفهموا من كلامه ؟

مدري ليش قاعد يكذب ويقول كلام من كيسه ..

وربي مالها اي داعي يكون مستقبلنا على مادة .. وكان مافي الا هذه المادة ..

وغير هذا وذاك ..

اذا مافي تيست بانك من الاساس .. ليش قاعدين تلعبوا في نفسياتنا ..

كونتوا قلتوا من بداية السنه ..

ورحتونا .. وخليتونا نتقبل الامر الواقع ..

مو تجلسوا تلعبوا فينا وقبل الاختبارات باقل من اسبوع تقولوا انه قرار نهائي ومافي تيست بانك !

رفعوووا ضغطي قسم بالله ><

والاجمل من ذالك

رئيس قسم الاحياء في الموقع ..

منزل ١٢٠ سؤال وقايل انه فقط

نماذج !! ..

وكاتب فوق "إنطلاقا من مبدأ الكلية في تسهيل الإختبارات للطلبة والطالبات"اي تسهيل الي قاعد تتكلم عنه ؟؟

فهموني ايش يبغوا من حياتهم ؟

[M!SS Lara]

الله يعين ..
وايش نقول غير حسبي الله ونعم الوكيل :(

[clood]

يا اخوي ليه بكره ما نتجمع في مكان على الساعه 9 او 8 او 10 ياليت بكره عشان نروحلو


ياخي نسوي مستحيل امكن يرضى


وش رايكم

[X901]

أنا بكرا عندي فل تايم .. ما عندي الي بريك الصلاه ..

فياريت تتجمعوا وترحوا دفعه وحده ..

[sultanooh]

بصراحة دفعتكم حظها سيء

انتوا تدرون ان السنة الماضية حتى مع التيست بانك كان فيه نسبة رسوب مي قليلة

وكمان التست بانك ترى مذاكرته مو سهلة صحيح مريحة لكن احيان يكون 54 صفحة

يعني المادة مع التست بنك ماكانت سهلة فكيف بدون تست بانك ؟

لكن تفائلوا بالخير تجدوه يمكن لمن يشوفوا ان كثير جايبين صفر من 30 في الدوري الاول يروحوا يرجعوا التست بنك

[روح ابوها]

يعني بالله ننتظر الين مانشوف 0 من 30 الله لايكتبها احنا نبي معدلات وانا ماراح اذاكر الاالاسئلة اللي منزلها والتست بانك القديمم غير كذه اليوم الدكتوره قالت حينزل جديد بدون ذكر اسم الدكتوره

[X901]

المشاركة الأصلية كتبت بواسطة sultanooh بصراحة دفعتكم حظها سيء انتوا تدرون ان السنة الماضية حتى مع التيست بانك كان فيه نسبة رسوب مي قليلة وكمان التست بانك ترى مذاكرته مو سهلة صحيح مريحة لكن احيان يكون 54 صفحة يعني المادة مع التست بنك ماكانت سهلة فكيف بدون تست بانك ؟ لكن تفائلوا بالخير تجدوه يمكن لمن يشوفوا ان كثير جايبين صفر من 30 في الدوري الاول يروحوا يرجعوا التست بنك

تذاكر من ٥٤ صفحه .. عباره عن اسئله مع اجوبتها .. وتضمن انها تجيلك بالنص في الاختبار ..

أفضل بعشرات الالاف من المرات .. انك تذاكر من ٣٠٠ شريحه ..

ما تعرف كيف تجي الاسئلة منها ..

صح ولالا ؟؟

.. والله دفعتي اسوا دفعه في الحياة .. كل شيء جربوه فينا >ـ<

[clood]

اخواني اخواتي انا هبقت في راسي بنزل جده الحين وش اسوي بنزل من مكة على جده هبقه جات

بشتري التست بانك من مكتبه بس وين الاقيه الشقري ولا 2000

[بلسم الخير]

اهىء اهىء

" ربأإأإأإهـ توفيقك.....

[روح ابوها]

اقول سيبوكم من الدكاتره وابداؤو ذاكروا التست باانك نصيحه ممن اختكم