رحلتي مع الاودس و حكايتي مع التسويق الدولي

[ابو نهاد820]

هي بالاصل مادة اختيارية لكن خطا بالاودس مكتوب حره
والمادة الاختيارية هي التي تختارها من نفس كليتك بس من تخصص اخر

[سمر-]

المشاركة الأصلية كتبت بواسطة بدر_المطيري أولا الرجاء اربطو الأحزمة وخلوكم مستعدين للرحلة عشان اذا احوليتو والا حسيتو بدوخة لاتقولون مانبهتكم طبعا اليوم انا قررت اتجول واغير جو في الاودس أول شئ لما حطيت الرحال ودخلت الاودس قعدت اتأمل واتمعن في الجدول الدراسي والمواد اللي نزلت لي وهي كالاتي : أساسيات الاقتصاد الجزئي أساسيات الادارة المالية الثقافة الاسلامية (3) مبادىء التسويق ادارة العمليات طبعا من المواد أكيد عرفتو انها مواد المستوى الرابع بالله عليك صادق انت المهم أثناء التأمل والتمعن في الجدول لفت نظري في يمين الشاشة أيقونة لست دخلتها من قبل (لست دخلتها ياسلام ع الفصحى ) اللي هي التخصص الفوري للانتساب استعنت بالله وشديت الرحال واخترت الايقونة مع اني كل أبو دايم اشوفها ولافكرت ادخل لاني عارف ان التخصص بعد المستوى الرابع فلما دخلت ظهرت لي التخصصات وبصراحة أنا كنت مفكر أني اتخصص نظم معلومات بس لست وجدت التخصص حصلت التخصصات اللي انتم عارفينها ولاتقدرون تختارون غيرها :) بعد طول انتظار ( طول الانتظار طبعا ماتعدت 10 ثواني يمكن ) اخترت التسويق وفجأة من غير تنبيه وتحذير صارت هزة أرضية في الاودس وطلعت برا ( طبعا عادي متعودها دايما مع النظام يمون ماعليه ) لما رجعت مره ثانية حصلت التخصص عندي مكتوب التسويق ( وناسة صوووح ) بصراحة ارتحت الحين عرفت المسار اللي امشي وعليه عشان الواحد يشتغل ع نفسه شوي (مع نفسك حبيبي ) إلى حد الآن الأمور تمام والاجواء روعة في الاودس تحس أنك جالس ع الشاطئ والاجواء مشمسة إلى غائمة ( عشان الألوان الزرقاء الموجودة في الأودس والخلفية الصفراء عايش جوي ) قرررت اني اشد الرحال إلى ايقونة ثانية بما أن ايقونة التخصص ضبطت الامور معي اممممم وبعد تفكير عميق ( طبعا التفكير العميق لمحة بصر ) لاحظت ايقونة الحذف والاضافة قلت ليش ماادخل عليها احنا ناقصين اصابع عشان مانحذف ولا نضيف حجزت تذكرة ذهاب وعودة إلى الحذف والاضافة واقلعت اليها طبعا اول ماوصلت المطار حصلت التعليمات و..... فوافقت على المذكور هناك وبعد صراع وشد وجذب مع الاودس اطلع وادخل وادخل واطلع نازلين طالعين فجائية كذا اخترت مادة تسويق دولي mrk 321 واضفتها كيف شلون لاتسألوني مدري رجعت للجدول وحصلت الست هانم جالسة مع المواد المذكورة سابقا * خلاصة الرحلة : ايش الهرجة اخليها جالسة والا احذفها واذا خليتها مع المواد الثانية وش الطريقة معاها كيف راح تكون وقت الاختبارات وكيف اعرف وقتها ووين مكانها تبع اي عائلة هي لانها مو من عائلة رابغ شفت الخطة وماحصلتها بصراحة مع هذا كله انبسطت ان الساعات عندي زادت بس محتار ايش اسوي انتظر منكم الاقتراحات واتمنى انكم استمتعتو بالرحلة

هههههههههههع من جد اسلووب مررره خطير
ماعلينا ـأتوقعلك مستقبل كبير بالتسويق
المهم انصحك تمشي على الخطه الدراسيه حقتك وتختار المواد الاهم اللي تكون من متطلبات الموادحقت السمسترات الجايه .. وترى التسويق الدولي هو الشي اللي المفروض ناخده كماده حره ..للي اتخصصو تسويق طبعا ..لأنو حيفيدنا بتخصصنا .. مع العلم اني عجزت ومارضي ينظاف عندي

[بدر_المطيري]

المشاركة الأصلية كتبت بواسطة قطوه مكحله اكيد روووووووووعه (الروعه مشتقه من يروع) جامعتنا دااايما تروع المهم سردك للرحله مشوقه ورسمت علي ابتثامه ثاحره(ابتثامه ثاحره كذا ) موفق يارب

دوم الابتثامه ع محياك
بالتوفيق للجميع إن شاء الله

[بدر_المطيري]

المشاركة الأصلية كتبت بواسطة ابو نهاد820 هي بالاصل مادة اختيارية لكن خطا بالاودس مكتوب حره والمادة الاختيارية هي التي تختارها من نفس كليتك بس من تخصص اخر

شكرا لك ابو معاذ ماقصرت والله كفيت ووفيت بصراحة انا اخذت بنصيحتك واضفت مادة نظم معلومات موارد بشرية

[بدر_المطيري]

المشاركة الأصلية كتبت بواسطة سمر- هههههههههههع من جد اسلووب مررره خطير ماعلينا ـأتوقعلك مستقبل كبير بالتسويق المهم انصحك تمشي على الخطه الدراسيه حقتك وتختار المواد الاهم اللي تكون من متطلبات الموادحقت السمسترات الجايه .. وترى التسويق الدولي هو الشي اللي المفروض ناخده كماده حره ..للي اتخصصو تسويق طبعا ..لأنو حيفيدنا بتخصصنا .. مع العلم اني عجزت ومارضي ينظاف عندي

انا حاولت اختار المواد الاهم بس ماطلعت معي بالقائمة عشان كذا قلت لازم اضيف مادة خصوصا في النظام المسموح لي 18 ساعة لازم استغلها وانا كان نازل عندي 14ساعة
تعرفين المثل يقول ( اذا كان نازل عندك 14 ساعة ليش مافيه سوي زيادة مواد انتا بس فيه يبغى يلعب مافيه يبغى يدرس ايس كلام)