بعد سنة من العناء ..استبعدت لانتهاء عدد المقاعد المتاحة للرغبة!

[3lo0osh]

السلام عليكم ورحمة الله وبركاته

اللهم لك الحمد حتى ترضى .. ولك الحمد اذا رضيت .. ولك الحمد بعد الرضى ..

بدخل في الموضوع على طوول ..
انا طالب في السنة التحضيرية ..وتوي مخلص ولله الحمد ..

كان وما زال حلمي اني ادخل طب .. وتفاجأت لممما نزل نتايج فرز السنة التحضيرية !
تم تسكيني (تقنية مختبرات) رغبتي السابعة !!
والرغبات الاخرى اللي انقبلت فيها ..استبعدت لانتهاء عدد المقاعد المتاحة للرغبة! وكان من ضمنها طب وجراحة !
*
يـا شباب وش تنصحووون ؟

[دكتور100٪]

يارجال احمد ربك انا اتمنى لو اني تسكنت تقنية مختبرات بس ترى يمديك تحول طب بعد ماتكمل سنة في تخصصك


جيب معدل عالي وحول والشي الثاني ترى كلية العلوم الطبية كلية ممتازة ومستقبلها بإذن الله مضمون ودراستها حلوه

انت جرب السنة هذي واذا عجبك التخصص كمل واذا ماعجبك حول .

[نور العسل]

نفس ما قال اللي رد قبلي وكمان والله العظيم كثير زيك من الدفعات السابقة لما درسوا ما رضيوا يغيروا للطب لان المختبرات عجبهم وفي عضو هناك اسمة غروب او قصة غروب عجبه القسم ورفض يحول للطب وتقنية المختبرات مستقبلها جدا ممتاز ربي يوفقك

[AM00NA]

^^

كلآم الدكتور صحيح 100% ^_^
وآلله الكليه ممتـآزه وتعتبر من الكليات الحديثة احنا سآبع دفعه
ومستقبلها الوظيفي افضـل من غيـرها إن شاءالله,,
ودراستها ممتعه وخفيفه ..
عدد سنوات الدرسه 3 سنوات تخصص + سنه امتياز ..
صحيح مو رغبتك لكن يمكن انها خير لك من الطب ..
انت ادرس سنه و اذا ماعجبك الوضع
تقدر تحول بكل سهووله لكلية الطب ( كلام احد طلاب سنة الامتياز) ..
وبآالتوفيق ي رب ,,

[clood]

معليش اخوي حبيت اسئلك

وربي يوفقك

ما ااقدر اجاوبك لاني اول سنه لي في جامعه لسه راح ادرس تحضيري

بس بعرف

كم قفل الطب والجراحه اخر واحد كم دخل

[نور العسل]

^^
النسب تتغير من سنة للثانية يعني لا تعتمدوا على نسبة الدفعه السابقة وربي يوفقكم جميعا

[عزتي أجمل صفاتي]

طيب اخوي موزونك اصلا يدخلك الطب ولا لا ؟؟
اذا والله يدخلك لاتسكت عن حقك

[طارق الحارثي]

اخوي الخيرة فيما اختاره الله

انا كمان انقبلت في كلية العلوم الطبية التطبيقية
ودامك ماشاء الله جبت النسبة الي تدخلك طب وجراحة
تقدر تجيب في اول سنة في العلوم الطبية فوق 4.5 وتحول بسهولة للطب
هذا اذا ما عجبتك الكلية وقعدت فيها
كثير طلاب قالولي انك راح تحب الدراااسة في كلية العلوم الطبية التطبيقة ... الدارسة فيها ممتعة

[عزتي أجمل صفاتي]

^
اذا محقق الشروط كاملة ليه يسكت ؟؟!!
يطبع نتيجة الفرز ويروح العماده ويقارنو بين نسبته وآخر نسبه انقبلت
كثير ناس سوو زي كذا وماكانت رغباتهم الاولى فمابالك باللي رغبته الاولى ومحقق الشروط !!

[طارق الحارثي]

^^
ياحبيبي مافي اماكن في الكلية
فين يحطووووه ؟!؟!؟