الموضوع أكبر بكثير من العنصرية ... !! نظرة شاملة

[مخلص لله]

شوفو انا صاحبي وحبيبي من ام سعودية الولد وربي لو شفتو تقول سعودي كل شي فيه سعودي لهجتو وكلامو واسلوبو و عيشتو وكللللللللللللل شي لاكن الهم انو ماعندو بطاقة تثبت انو سعودي وصراحة كل طرف كلامهم صحيح

في طرف يقول : ياخي انحا نبغى نوظف سعوديين خلاااص ابلشوونا الاجانب في كل مستشفى ومركز صحي

والطرف الأخر يقول : ياخي انا وش ذنبي ماادخل طب عشان ابوي اجنبي

وتبو الزبد صحيح انو الزواج قسمة ونصيب ودا شي مكتوب من قبل ماتنخلق الخلايق لاكن لو جينا فكرنا فيها مزبوووط
حن لاقي انو الام هيا الي غلطاااانة صراااحة يعني بالله ماهي عارفة المرمطة الي حيتمرمط فيها ولدها او بنتها عشان ياخد الجنسية وماا اخدت في بالها تفرقة بعض الناس ل الاجنبي عن السعودي >> شوفو قلت (( بعض الناس ))

وبالنسبة للي يقول السعودية بلد عنصرية ؟؟؟!!!!
اقلو حبيبي لو (لو تفتح عمل الشيطان ) كان الوضع عكسي يعني امك اجنبية وابوك سعودي وكنت تدرس في البلد الي تنتميلها امك هل راح يعااملوك انت ( بحكم انك سعودي ) زي اهل البلد
لاتقعد تقول لافرق بين عجمي ولا عربي الا بالتقوى
وعلى فكرة السعودية اقل دول العالم اذا ماقلت انها الوحيدة الي ماتفرق بينك وبين ااجنبي بشي اكل زينا زيك شارب زينا زيك وربي سرت احس انو حقوقكم اكتر من حقوقنا من كتر الامان الي انت عايش فيه فاحمد ربك وسيب عنك الكلام الي مالو داعي
واتمنى محد يزعل من كلامي والله ييسر الامور وتنحل الامور

[Иiтяσgεи✿]

أخ مستر كي ,,

أنت فعلا مثال يحتذى به في الأخلاق.. والسمو في التعامل .. لك مني خالص التقدير

لكن تظل نقطة الاختلاف قائمة بيننا

لقناعتي الشخصية القوية باستحقاق الطالب من الام السعودية بالدخول لمثل هذه لتخصصات

يعني منطقيا لما نشوف طالب من ام سعودية مجتهد ومحقق النسب المطلوبة ..
و مقدم ع طلب الجنسية من سنييييييين
و ما راح لبلده ولا يعرفها حتى

هل نتوقع لما يتخرج راح يترك المملكة _بلده_ ويروح لبلد أبوه؟؟!!
بالعكس ح يخيله يحارب عشان يستحصل ع الجنسية

يعني الكلام اللي انتو خايفين منه من ناحية هدر لموارد الدولة كلو مالو اساس من الصحة ..
واذا ح يعمل زحمة ويضايق ابن البلد ع الوظايف ف احب اقولك زي ما ذكرت سابقا نسبتهم قليييلة جدا .. وماعندي شك انو شخص بفكرك واطلاعك عندو علم بهذا الشي

واتوقع انو رد الدكتور المشاط على أحد افراد هذه الفئة -المظلومة - خير دليل على صحة كلامي

اتفق معاك ومع الاخوة بأنو التقصير الأكبر.. واللي نتجت عنو تبعات كثيرة ادت الى هذا "الانفصام " في المجمع.. تتحمله الدولة .. لأنو فعلا في تراخي في حسم الموضوع

-----------------------------
حبيت اقولك انو أنا عندي تحفظات كثيرة ع جملتك ..
" الموضوع كما أسلفت يطووول جدا ويتعقد خصوصا لمن يقارن بيننا وبين دول غربية وينسى بأن النظام التعليمي بأكمله

فر تلك الدول متغير تماما عنا ومن الحماقة أن تسقطه على واقعنا ..."

---
نهايةً ,, ليا الشرف اخي انو اتناقش مع فكر راقي زي حضرتك

[Иiтяσgεи✿]

المشاركة الأصلية كتبت بواسطة مخلص لله وتبو الزبد صحيح انو الزواج قسمة ونصيب ودا شي مكتوب من قبل ماتنخلق الخلايق لاكن لو جينا فكرنا فيها مزبوووط حن لاقي انو الام هيا الي غلطاااانة صراااحة يعني بالله ماهي عارفة المرمطة الي حيتمرمط فيها ولدها او بنتها عشان ياخد الجنسية وماا اخدت في بالها تفرقة بعض الناس ل الاجنبي عن السعودي >> شوفو قلت (( بعض الناس ))

أنا اختلف وبشدة معاك يا اخي الكريم


لو نجي للواقع ,, ممكن وحدة عمرها كبير فاتها القطار زي مايقولو.. أو حتى تكون مهنتها غير مرغوبة من قبل مجتمعنا _ اعتقد انو الكل فاهم عليا هنا_

ما اتقدملها غير الاجنبي.. ترفض؟؟
يعني اهون عليك لو تروح في طريق الخطأ بدل ما تنستر ؟؟؟ كل انسان ربنا خلقو باحتياجات
تبغى ولد يسندها بعد ماتكبر .. يكونوا حولينها بدل الوحدة
وفي النهاية كل شي مقدر ومكتوب .. نصيبها وماراح تقدر تغيره !!


نلف وندور ونرجع نقول الدولة تحتمل نصيب الأسد من جميع التبعات لهذا الموضوع

أخي لوفكرت فيها من كل النواحي ماقلت كلمتك هذه


بقية كلامك اتفق معاك في كل نقطة اخي العزيز

[Dina-s-b]

اقلو حبيبي لو (لو تفتح عمل الشيطان ) كان الوضع عكسي يعني امك اجنبية وابوك سعودي وكنت تدرس في البلد الي تنتميلها امك هل راح يعااملوك انت ( بحكم انك سعودي ) زي اهل البلد لاتقعد تقول لافرق بين عجمي ولا عربي الا بالتقوى

راح يكون التعامل مختلف عن التعامل هنا فالسعودية..بس صدقني نفس تعامل اولاد البلد الاجنبي...
معلومة..السعودية ودول الخليج هيا الدول الوحيدة اللي الاجنبي مايقدر يمتلك بيت او عمل خاص..بابا كان يدرس برا وبيتو ملكو ولين دحين البيت حقنا =)وهيا مو بلدنا اصلا..!!
دول الخليج الوحيدة اللي فيها نظام الكفالة..انو لازم عندكم كفيل عشان تسكن فالبلد..!! كانو ولي امرك..مابتكلم عن انو صح او خطأ بس انو انت لمن تكون فبلد غير بلدك ماتحتاج يالسعودي كفيل = اتعاملت كانك من اولاد البلد
وان كان على الدراسة فهادي ميزة فالسعودية انو هيا فيها الدراسة مجانية لكن دول العالم كلها الدراسة فيها بفلوس..عندك فلوس تدرس لو حتى انت يهودي =) يعني برا مافي تفرقة بين السعودي والاجنبي وان كانت السعودية افضل وانا ماكنت ابغى ادخل فالنقاش لانو مالو داعي الموضوع بكبرو حاستو سخيف بس حبيت ارد على ردك وقت ماتقول السعودية والسعودية :s

[GnrlKhalid]

أنا إلي ماني فاهمه هو ليش كانوا يقبلوا طلاب من أب أجنبي و بعد ما بدأ نظام السنة التحضيرية بطلوا ؟؟؟؟؟ مدري ... شي مو منطقي . بعدين إلي أمه سعودية أنا شخصيا أعتبره سعودي , ثقافته و تقاليده و عاداته و فكره يطابق فكرنا تماما و مولود هنا كمان ... أصلا أنا أعرف ناس أجانب من أمهات سعوديات في كلية الطب أتحدى أي واحد إنه يقدر يميز إنه أجنبي , أنا نفسي انصدمت لما عرفت إنه بعض من الشباب كان أجنبي , مستحيل تعرف من التعامل و العشرة , زيه زي أي سعودي , مافي فرق ....
تقبل مروري أخي الكريم .

[Ahmad-k-92]

ياخي انا جاي من الرياض علشان ها السبب ورحت للعمادة وقالو جيب النسبة وتدخل وشديت حيلي اخرتها برااااااااااااااااااااااااااااااااااااااااااااااا الحمد لله على كل حال دخلت هندسة بس مو لو اني بسعود احسن عند اهلي ولله حرام أمل وطموح منذ الصغر وسنة كانت شدة اعصاب بالنسبة ليا من التفكيرك والتخصص
يااخي انا معاك بس عطيني سبب واحد انهم مو موضحين الموضوع من بداية السنة ؟؟؟

والسلام عليكم

[Ahmad-k-92]

المشاركة الأصلية كتبت بواسطة Иiтяσgεи✿ أنا اختلف وبشدة معاك يا اخي الكريم لو نجي للواقع ,, ممكن وحدة عمرها كبير فاتها القطار زي مايقولو.. أو حتى تكون مهنتها غير مرغوبة من قبل مجتمعنا _ اعتقد انو الكل فاهم عليا هنا_ ما اتقدملها غير الاجنبي.. ترفض؟؟ يعني اهون عليك لو تروح في طريق الخطأ بدل ما تنستر ؟؟؟ كل انسان ربنا خلقو باحتياجات تبغى ولد يسندها بعد ماتكبر .. يكونوا حولينها بدل الوحدة وفي النهاية كل شي مقدر ومكتوب .. نصيبها وماراح تقدر تغيره !! نلف وندور ونرجع نقول الدولة تحتمل نصيب الأسد من جميع التبعات لهذا الموضوع أخي لوفكرت فيها من كل النواحي ماقلت كلمتك هذه بقية كلامك اتفق معاك في كل نقطة اخي العزيز

اخوي الكريم اتمنى توسع مخيلتك اكثر من كذا
الزواج قسمة ونصيب بس لو ترجع للنظام ما يحق لسعودية تتزوج اجنبي اله بشرط تكون فية قرابة وموافقة من الداخلية ,, يعني نادر تلاقي سعودية متزوجة اجنبي مهو قريب وهذا الحال معي ومع اهلي :)

[Ahmad-k-92]

المشاركة الأصلية كتبت بواسطة mas-663 لا اخي احمد ما يتوظف زيه زي السعودي (( طبقاً لنظام الاحوال المدنية )) فخلنا نبعد عن هذي الاشياء لانها مو تخصصنا لكن بما اني اعرف البلد اللي ساكــن فيه واعرف انظمتة برد ... صحيح انه مو موضوعي زي ما هو موضوعكـ وبما ان اخي عبدالرحمن طرح الموضوع وجعلة موضع للنقاش ما المانع ؟!؟ والا لقلت لكـ انت ايضا ملقوف لتدخلكـ في شؤون آخرين مالكـ فيها... مبروك عليكـ الجنسيه وحسافه عليك لغتك.. موفق

ههههههههههههههههههههههههههه استمر اجل يتوضف زي سعودي

ياخي خليها على الله النظام شي والي يسير شى اخر يا اخووووووي العزيز

[fatoom sweety]

والله لو انفتح موضوع زي كذا ماراح نخلص لين السنة الجاية حتى لو جبنا وزير الداخلية ووزير التعليم العالي ومدير الجوازات وشكرا لصاحب الموضوع على التوضيح انه السعودية ليست عنصرية مثل ماكنت اسمعها من لسان الاجانب .

[iTTi-18]

الأطباء الأجانب اكثر كفاءة من السعوديين!!
اكيد في اطباء اكفاء سعوديين..بس الأغلب الأشطر الأجانب..
حتى معظم الناس يرتاحوا مع الدكتور الأجنبي اكثر من السعودي..
وكمان اكثر جدية في العمل..
وكمان ع الممرضات..
مع الأسف نشوف تصرفات مخجلة من الممرضات السعوديات -__-"..
اكيد مو الكل انا مااعمم..
وبعدين ليش انتوا زعلانين؟؟ومسوين فيها..
مو عندنا اصناف سعوديين ثلاث ارباعهم مهجنين..
يجيك واحد كأنو اندنوسي ولا مصري ولا اي جنسية تتخيلها ..
ولا بعدين زعلانين ع الأجانب؟؟!!!!!!!!!
..........
شكرا لصاحب الموضوع ولرقيو في طرح افكارو..