دورات تفيد خريجين علم الاجتماع ..الي تعرف تفيدنا

[aso.vip]

السلام عليكم ..
كيف الحال ..
الف مبروك للخريجات .. وعقبال الجميع ..
بنات بعد التخرج لازم ننمي انفسنا بدورات .. حبيت يكون لنا تجمع .. اي وحده تسمع عن دوره تفيدنا .. تكتب هنا سواء كانت دورات مجانيه او لها رسوم ..
نفيد ونستفيد ...

لو لقينا تفاعل اتمنى التثبيت ..

[جوريه حربيه]

ياريت الي يعرف يفدنا ,,كلنا موبس الخريجات :)

[miss lulu]

للأسف أي دورة أخذتيها قبل التخرج لا تحتسب في وزارة الخدمة المدنية

حابة تطوري نفسك فيها حلو بس كمبيوتر انصح بعد التخرج تدفعي مبلغ وقدره في النهاية بتقدمي على الخدمة المدنية ماراح يرضوا بيها

فعشان هيك بالنسبة لدورة الكمبيوتر أفضل بعد التخرج

وأحياناً دورات كمبيوتر مجانية بتعملها الجامعة مثلاً spss لطلبة المستوى السابع والثامن والخريجات

في دورات كتير بيسووها الجامعة مجانية للطالبات وللخريجات كمان

مستشفى الملك فهد دائماً بيعملوا دورات وأسعارها رمزية الشهادة بـ 50 ريال

وعندهم البرنامج العلمي الخامس لقسم الخدمة الاجتماعية الطبية بمستشفى الملك فهد لعام 1432 هـ

بدأو من 22 محرم وكانت عبارة عن 9 دورات لها تواريخ معينة

وحالياً هناك عدة دورات ما بدأ تاريخ انعقادها:

* استخدام أساليب ومهارات الإتصال لتنمية قدرات المتوطعين للعمل مع الجماعات 22 شوال
* تقييم عمليات ومراحل التدخل المهني لأخصائي العمل مع الجماعات في المجال الطبي 20 ذوالقعدة
* أسس التأهيل الإجتماعي للإعاقات. 26 ذو الحجة

وأحياناً ممكن يأجلوا دورة يعني يبلغوا لو دورة اتأجلت


في دورة أظن كانت مهارات الإخصائي الاجتماعي لمدة 3 أيام صحبتي أخذتها مع د/ سهام عزب بـ 1000 ريال

بس ما أعرف الى الآن بيعملوا دورات ولا لأ

وللأسف ماعندي خلفية إذا قسمنا العزيز بيعمل دورات لطالبات علم إجتماع والخدمة الإجتماعية


بجد أتمنى يعملوا لنا دورات تفيدنا في مجال تخصصنا وبأسعار رمزية

[حروف واثقه]

للرفع

[نقطة تحول]

طيب كيف نعرف عن الدورات هدي فين يعلنوا عنها

[جوريه حربيه]

المشاركة الأصلية كتبت بواسطة miss lulu للأسف أي دورة أخذتيها قبل التخرج لا تحتسب في وزارة الخدمة المدنية حابة تطوري نفسك فيها حلو بس كمبيوتر انصح بعد التخرج تدفعي مبلغ وقدره في النهاية بتقدمي على الخدمة المدنية ماراح يرضوا بيها فعشان هيك بالنسبة لدورة الكمبيوتر أفضل بعد التخرج وأحياناً دورات كمبيوتر مجانية بتعملها الجامعة مثلاً spss لطلبة المستوى السابع والثامن والخريجات في دورات كتير بيسووها الجامعة مجانية للطالبات وللخريجات كمان مستشفى الملك فهد دائماً بيعملوا دورات وأسعارها رمزية الشهادة بـ 50 ريال وعندهم البرنامج العلمي الخامس لقسم الخدمة الاجتماعية الطبية بمستشفى الملك فهد لعام 1432 هـ بدأو من 22 محرم وكانت عبارة عن 9 دورات لها تواريخ معينة وحالياً هناك عدة دورات ما بدأ تاريخ انعقادها: * استخدام أساليب ومهارات الإتصال لتنمية قدرات المتوطعين للعمل مع الجماعات 22 شوال * تقييم عمليات ومراحل التدخل المهني لأخصائي العمل مع الجماعات في المجال الطبي 20 ذوالقعدة * أسس التأهيل الإجتماعي للإعاقات. 26 ذو الحجة وأحياناً ممكن يأجلوا دورة يعني يبلغوا لو دورة اتأجلت في دورة أظن كانت مهارات الإخصائي الاجتماعي لمدة 3 أيام صحبتي أخذتها مع د/ سهام عزب بـ 1000 ريال بس ما أعرف الى الآن بيعملوا دورات ولا لأ وللأسف ماعندي خلفية إذا قسمنا العزيز بيعمل دورات لطالبات علم إجتماع والخدمة الإجتماعية بجد أتمنى يعملوا لنا دورات تفيدنا في مجال تخصصنا وبأسعار رمزية

الله يسعدكـ ويوفقكـ ويحقق لكـ كل امانيكـ ,, كفيتي ووفيت ,,
سوال بسيط يا قمر ,, الي فهمتوا ان الدورت دحين لو اخذتها ماتنفعني ,, واذا ابغى اخذها اخذها بعد ما اخلص البكالوريوس رايت ,, ولا فهمت خطأ ,,

[نقطة تحول]

كيف نعرف عنها وفين يتم الاعلان عنها ضروري الله يسعدكم وهل في موقع او رابط خاص للدورات هدي ياريت الي تعرف تحطوا لو تكرمتوا ياحلوين

[miss lulu]

المشاركة الأصلية كتبت بواسطة جوريه حربيه الله يسعدكـ ويوفقكـ ويحقق لكـ كل امانيكـ ,, كفيتي ووفيت ,, سوال بسيط يا قمر ,, الي فهمتوا ان الدورت دحين لو اخذتها ماتنفعني ,, واذا ابغى اخذها اخذها بعد ما اخلص البكالوريوس رايت ,, ولا فهمت خطأ ,,

يارب وإياك إن شاء الله

ياعسل فقط ماتفيدك عند التقديم لوزارة الخدمة المدنية لانهم ماراح يحسبوها لك عند المفاضلة عشان كدا أقول مثلاً تدفعي مبلغ وقدره وف النهاية ماراح تحسب لك

الا في حالة ما همك تقدمي في الخدمة المدنية وحابة تقوي سيرتك الذاتية وتطوري نفسك ولغتك ( اعقليها وتوكلي)

لكن هذا لا يمنع إنك تاخدي الدورات اللي بتقيمها الجامعة خاصة ان بعضها بدون رسوم (مجاناً) أو بأسعار رمزيةً وبيعطوك عليها شهادة

يعني تطوري نفسك

وأي وظيفة راح تقدمي عليها بعد التخرج ماراح يقولولك ليش أخذتيها وقت دراستك يعني ماعندهم هالتعقيد ^_^

ونصيحه مني لك قوي نفسك في الانجليزي طيب غصب أغلب الوظائف بتهتم بيها

[miss lulu]

المشاركة الأصلية كتبت بواسطة نقطة تحول طيب كيف نعرف عن الدورات هدي فين يعلنوا عنها

المشاركة الأصلية كتبت بواسطة نقطة تحول كيف نعرف عنها وفين يتم الاعلان عنها ضروري الله يسعدكم وهل في موقع او رابط خاص للدورات هدي ياريت الي تعرف تحطوا لو تكرمتوا ياحلوين

عزيزتي في أكتر من طريقة تعرفي عن هذه الدورات

إما إنك تروحي لشؤون الخريجات وعندهم جدول للدورات طوال الترم
أظنهم في مبنى 420 << أظن اسمه كدا
المهم دا المبنى آخر الدنيا مره بعيد قريب من بوابه شمالية تحسي نفسك انقطع اذا مشيتي كعابي

وكمان اعلانات الدورات تقريباً في كل مبنى في الجامعة بيحطوا وحتى أحياناً عند البوابات بس انا عن نفسي أحب أروح للشؤون وأشوف الاعلانات اللي معلقينها ومو في جهة وحده يعني خديلك لفة وانت هناك ^^

وكمان موقع الجامعة إختاري شطر الطالبات ع يدك اليمين > الدورات التدريبية للطالبات
http://community.kau.edu.sa/Default...._id=185&lng=AR


وبالنسبة لدورات مستشفى الملك فهد أنا إشتركت في منتديات مجلة العلوم الاجتماعية

http://www.swmsa.net/forum/forumdisplay.php?f=23


وياحليله المنتدى مايقصر بيرسل بين الفترة والتانية تذكير لموعد الدورة واذا اتأجلت


وكمان عندك ف نفس دا المنتدى ملتقى المنتظمين وملتقى العمادات > عمادة شؤون الطلاب بينزلوا أحياناً مواضيع للدورات الي تقام ف الجامعة
يعني شيكي عليها بين الفترة والتانية

[جوريه حربيه]

المشاركة الأصلية كتبت بواسطة miss lulu يارب وإياك إن شاء الله ياعسل فقط ماتفيدك عند التقديم لوزارة الخدمة المدنية لانهم ماراح يحسبوها لك عند المفاضلة عشان كدا أقول مثلاً تدفعي مبلغ وقدره وف النهاية ماراح تحسب لك الا في حالة ما همك تقدمي في الخدمة المدنية وحابة تقوي سيرتك الذاتية وتطوري نفسك ولغتك ( اعقليها وتوكلي) لكن هذا لا يمنع إنك تاخدي الدورات اللي بتقيمها الجامعة خاصة ان بعضها بدون رسوم (مجاناً) أو بأسعار رمزيةً وبيعطوك عليها شهادة يعني تطوري نفسك وأي وظيفة راح تقدمي عليها بعد التخرج ماراح يقولولك ليش أخذتيها وقت دراستك يعني ماعندهم هالتعقيد ^_^ ونصيحه مني لك قوي نفسك في الانجليزي طيب غصب أغلب الوظائف بتهتم بيها

يعطيكـ العافيه ,, من ناحية الانجليزي الحمد لله لغتي جيده انا كنت لغات اوربية وحولت علم اجتماع ,, لان ماكنت ابغى اتخرج بجيد ,, المعدل كل ترم ينخسف ,, طيب من فين اعرف الدورات المجانية الي تقدمها الجامعه ,, وسؤال كمان يا عسل انا اذكر لمااجتمعوا بينا فالجامعه بعد التحضيري قالوا لنا ,, مسؤلات خدمة المجتمع ان الشهاده المهمه هيا الي تكون باختباراجتياز ,,ولاا تعتبر مالها داعي ,, حابه اعرف هل الدورات الي تقدمها الجامعه المجانية باختبار اجتياز او لااا ,,,
وشكراً ,, والله يسهلكـ اموركـ ,, وين ماتكوني :)