عنصرية الكليات الصحية .. حقيقة أم أني أتوهم

[ساحر البسمة]

انا ما اشوف فيها حاجة من المفترض يتعامل معامل السعودي في كل شي وممكن يكون مولود هنا << واموا وجدتوا وجدت جدتوا
طيب ايش اافرق بينه وبين اللي ابوه سعودي وامه اجنبيه
كلهم نفس الشي

[AM00NA]

المشاركة الأصلية كتبت بواسطة ساحر البسمة طيب ايش اافرق بينه وبين اللي ابوه سعودي وامه اجنبيه كلهم نفس الشي

الفرق يااخي انو اللي ( ابوه سعودي وامه اجنبيه ) هاذا سعودي الجنسية ..!
واللي ( ابوه مثلاً مصري وامه سعوديه ) هاذا مصري الجنسية ..!

[نبض الابتسامة]

^^^

نظام الدولة ( مو الجامعة بس) ما يفررق بينهم

ابوه سعودي خلاص هو سعودي

امه سعودية = يعااامل معاملة السعودي

بالتوفيق

[GnrlKhalid]

دفعة 8 طب فيها أجانب من أمهات سعوديات ......

[besho2009]

^
+1

[Иiтяσgεи✿]

انا شوفت بعض ردود الأعضاء
وبصراحة ما استغربت

لأنو العتب ع الـــــــدولـــة
اللي لحد الآن ما اقرت قرار اعطاء الجنسية لابن السعودية من غير سعودي

ومجلس الشورى ياهمي... اللي مية مرة يجتمعوا ع الفااااااضي يعني يعني يبغوا يطلعوا بقرار وفي النهاية في المشمش

كل الدول المتقدمة ... المتقدمة بمرااااااااحل عن السعودية ...تعطي الجنسية بمجرد الولادة هناك
وماشفنا انو أثر ع الدولة بشي لا من ناحية التطور ولا من اي ناحية ثانية

بعض الدول هيا تعطي الجنسيات لبعض الأشخاص الناجحين المتميزين عشان يطوروها فوق ماهيا متطوووورة اصلا

واحنا بس فالحين ندي الجنسيات لمطربين وناس فاسدة اخلااقيااااا !!!!!

فين الضرر لما ندي الجنسية لواحد متميز زي الطالب هذا ماشا الله اللي راح يزيد من تقدم دولتنا ؟؟؟

انا حاسة انو شطحت مررررة بس من جد لما نشوف قرارات سيئة ومجحفة نضطر نتكلم مع انو ... لا حياة لمن تنادي

الله يوفقك ويحققلك يا اخ احمد ويكتبلك النجاح يااااااااارب

[shosh10]

مأساآآآآآآآآآآآآه من جد ..طيب مو الطالب او ااطالبه اذا درسو حيفيدوا البلد وهادا اهممم شي ..
ومن البدايه سمعت انو اللي من ام سعوديه يعامل كالمواطن ..بس للاسف موكل الكليات متاحه له!!

[rival soul]

في شي مستغربو يعني شايفين الادمي اجنبي ومو معتبرينو سعودي ومايخلوه يدرس طب لانه اجنبي !!!! وفي النهاية اغلب الدكاتره عندنا في المستشفيات والمستوصفات في السعودية دكاتره اجااااااااانب وممريضين وممرضات اجااااااااااااااانب واخصائييين اشعة وصيدلانين اجااااااااااااااااااانب فعجبا لهم لا يقبلونه

[shosh10]

Иiтяσgεи✿ كلاااااااااااااااممك عالجرررررررررح ..درر ماشاء الله ..

[rival soul]

بل وسحقا لهم يااخ العرب ههههههههههههه دخلت جو المهم انت راسل العمادة والله يعينك هما يالله يالله يقبلو السعوديين وقليل اتوقع الطب 160 والباقي واسطات لما يقبلو اجانب كدا مافي واسطات واولاد الدكاترة مساكين نفسهم يدخلو طب هههههه والله يعينك ويسرلك إن شاء الله يقبلوك بس وتفرح يارب