اختبار الادارة الاستراتيجية 331 المبنة 125 الدور العلوي عدد الطلاب أكثر من 500

[kaled150]

بصراحه انا طلعت من الامتحان وانا اقول حسبي الله ونعم الوكيل على من حط الاسئلة لانه حقود وبرضو واللي مادخل راسي الى الحين رسمة البقرة الحلوب والكلب الاجرب ماعاد صارت ماده هذي بنقلب رعيان بقر وغنم
المهم الله يخارجنا من هذي الجامعه وهذولي الدكاتره

[feras351]

هذي عينه منها يا عطا الله

وزي ماقلت انت الله يستر من جدعات ميسي وشكل خوينا مسكنا خط الخفجي

[B N D R]

المشاركة الأصلية كتبت بواسطة دافور الشمال وربي مثل حالتك المهم يقول لي حضرت الدكتورة التاهيليه قلت له لا قال هذي مشكلتك :)

المصيبه ان الدوره التأهيليه هي الي نكبتنا ..
الحين يقولون المهم الفصل السادس والسابع والثامن الي هي تتكلم عن الاستراتيجيات ،
وأصلاً بديهياُ انها اهم الفصول والمواضيع لانها هي بالاساس الهدف من تعلمنا هالماده "الاداره الاستراتيجيه"
أصلاً اسمها دال عليها ، وبرضوا هالابواب الي ذكرت فيها مواطن اسئله بالهبل .. تعاريف ومزايا وعيوب وووو ..
وتأتينا الاسئله بالاخير ومافيها الا 4 أو 5 من 80 سؤال تقريباً - عشان ما اظلم أحد -

يعني أنا الي مجنني بصراحه هو براعة اللي قدر يستخرج اكثر من 15 سؤال من نقطه صغيره اسمها "مصفوفة ماكنزي" ..
ما أروح ولا أجي إلا القى أبو الشباب "ماكنزي" مشخص وطاق القلاب وماسك السبحه وتاكي في ذا السؤال ماعنده من الشيطان طاري ..
ولا تهون "محصلة الأعمال" .. انلحس مخي وأنا اجمع معلومات عنها من ذا الاسئله لعل وعسى استطيع أن أكشف الستار عن هويتها ولا وش قصتها ولا ووش الموضوووع

الزبده :

- كمية الاسئله مبالغ فيها .. 80 سؤال ! -
وربي اني مابغيت اقلب الصفحه يوم وصلت سؤال 49 كان بآخر الصفحه (نموذج أ) قلت مابقى الا سؤال واحد وش رايك تتبرع به دفعة بلى ..
شوي فتحت الورقه وماباقي الا ربع ساعه الا وأنا اشوف 30 سؤال بالانتظار والمشكله لسى ما ضللت الاجابات .. معاناااااااااه مع دقات القلب عجزت ألحقهن ..

- توزيع الاسئله على الفصول مجحف وغير عادل أبداً -
المشكله انهن واجد يعني كان يقدر يلم بالمنهج وبالتالي بتقل كمية الاسئله الغامضه المنقوشه من بين الأسطر وسيضطر أن يأتي بالاسئله من النقاط الواضحه والكبيره في المواضيع الأخرى ..


أخيراً ..

ياليتني ذاكرت من الكتاب ! لكن المره الجايه ان شالله ..

<< يذكرني برئيس المهاجمين في برنامج الحصن كل مره يقول المره الجايه بنفوز ... وكله هزائئئم هههههههههههه ..

[ابو ديم]

؟؟؟
90 % نفسها

حسافه مادرينا عنها

[طلعت الشهري]

!!!!!
سبحان الله
حرصنا على جميع النماذج السابقة ولا
كُتب لنا النموذج أعلاه
إن كان الحل صح
عزالله إن الوضع
مؤسف ويرثاه
على قولة بن جدلان

[B N D R]

معقوووووووله !!!!





واله ماني مصدق ...

مو 90 % إلا هي الاسئله بس غير التأريخ وسوا طباعه ...


انصدمت .. ليتني ما شفتهن !! على الأقل كنت مرتااح وما اعرف اجاباتي ..
الحين وربي كني اطالع نموذج (أ) قدام عيني .. الفضائح طلعت واللي مايشتري يتفرج ..

يارب عديها على خير ..

كل مره برضوا اقول خلاص بهتم باسئلة الاعوام الماضيه .. وكل مره أطنش ..
مو مقتنع إن فيه كسل عند هالجامعه لدرجة انهم يتعاجزون حتى يغيرون تاريخ السنه !!!..
اللهم زد وبارك ..

[نايف الجعيد]

اتمنى للجميع التوفيق والنجاح

والله يخالف علينا في اختبار الادارة الاستراتيجية

هذه الاسئلة اللي وضعها اخوي ابو عبدالرحمن نفس اللي جاتني في الاختبار

[fna]

انتم تقولون نموذج قديم !!

طيب اجل ماغيروا المنهج والكتااااااااااااااااااااااااااااااااب ؟؟؟

شلوووون يجيب لنا اسئلة قديمه؟؟

[b7r_a]

حسبي الله ونعم الوكيل لاملخص ولا كتاب فايد والله من اللخبطه

[kaled150]

وين كانت هالاسئلة نفس اختبار اليوم