ابي اتخصص علم اجتماع

[محمدالرياض]

السلام عليكم


انا الحين السنة التحضيريه المستوى الثاني

وابي اتخصص علم اجتماع وش رايكم في التخصص

هل تنصحوني فيه ؟؟؟

وهل له مستقبل ؟؟؟

مع العلم اني متخرج من الثانوية العامه / علمي

يعني ما اعرف شي في علم الاجتماع

بس احبه


وهل فيه صعوبه او سهل ؟؟

وماهي المواد الي موجوده في التخصص ، يعنى هل فيها لغة انجليزي ، رياضيات .... الخ

[عذبة آلروح]

هلا اخووي

حياك بقسمنا

بما انك انت حاب القسم راح تمشي فيه

المواد حلوة ومن حياتنا بس لابد من المذاكرة

نعم فيه احصاء اجتماعي وانجليزي ونصوص اجتماعية بالانجليزي

وفيه مواضيع مثبته بالقسم تفيدك اكثر عن المفردات والمواد اللي بالقسم

مووفق اخوي ^_^

[طموح جامعيه]

المشاركة الأصلية كتبت بواسطة محمدالرياض السلام عليكم انا الحين السنة التحضيريه المستوى الثاني وابي اتخصص علم اجتماع وش رايكم في التخصص هل تنصحوني فيه ؟؟؟ التخصص عمره ماكان واقف على تنصحوني فيه اهم شي ميولك وفناعتك وحبك لهذا القسم وهل له مستقبل ؟؟؟ كل رزق لبني آدم ربي مقدره وعلى قد اجتهادك وتعبك ربي راح يرزقك ومايمنع ان علم الاجتماع مجالاته واسعه وحلوه ومتنوعه وتفيد المجتمع مع العلم اني متخرج من الثانوية العامه / علمي يعني ما اعرف شي في علم الاجتماع بس احبه وهل فيه صعوبه او سهل ؟؟ مافي شي اسمه سهل او صعب كل شي موقف على مدى استيعابك ومذاكرتك وطبيعي الدراسه يكون فيها صعوبات بالثقه والاجتهاد نتجاوزها وماهي المواد الي موجوده في التخصص ، يعنى هل فيها لغة انجليزي ، رياضيات .... مواد القسم فيها احصاء اجتماعي وماده سهله جدا وفيه نصوص اجتاعيه باللغه الانجليزيه فيها عربي مستوى 2 وثقافه 4 مستويات وفيها كم ماده ممتعه ناخذها من قسم علم النفس وباقي المواد تتعلق بعلم الاجتماع ومثل باقي الاقسام يلزمك تاخذ 6 ساعات مواد حره من اقسام ثانيه الخ

واهلن بك في قسمنا مقدما

[محمدالرياض]

ياهلا وغلا فيكم

ويشرفيني تواجدي بينكم



مازال التفكير حول التخصص

[جوريه حربيه]

بما انكـ علمي ليه ماتجرب اقتصاد واداره ,, زي مثلاً اداره اعمال ,, او محاسبه او قانون لان هالاقسام جدا مناسبه للعلمي ,,
والاستخار اولاً واخير فكل شيء ,, وبالتوفيق يـَََارب

[محمدالرياض]

والله ياجوريه

انا ما احب المواد الي فيها شي اسمه رياضيات


بس هل تتوقعي راح يقبلوني اصلا

كم يطلبون معدل


مثل القانـون

[~ غـــلاي انت ~]

وعليكم السلام ورحمه الله وبركاتو
هــــلا وغـــلا اخوي محمد وحياك الله بقسم علم الاجتماع

اخوي محمد علم اجتماع حلو وفي مواد حلوه وسهله وفي مواد دسمه شوي بس على حسب مذاكره الشخص.....
وعندنا مواد انجليزيه مثل نصوص الاجتماعيه.. وبعد الاحصاء على مااظن انه رياضيات لاني الى الان مااخذتها هالماده...

اخوي محمد بما انك علمي ليش ماتدخل اداره اعمال...حاسب لهم مستقبل اكثر من علم الاجتماع
اللي خلاك تمشي بالرياضيات في الثانويه يخليك تمشي بالجامعه

ونصيحه من اختك قبل كل شي صلي صلاه الاستخاره وادعي
والله يوفقك ويسهل امورك ويسرها لك..