ضروووووري

[no0o0ny]

السلام عليكم ورحمة الله وبركاته

أنا طالبة في قسم الهندسة الكهربائية والحاسبات - تخصص control system & robotics

وقبل ما احد يقووول كيف بنت .. التخصص دا موجود في كلية عفت ودي تالت سنة ليا

الموهم

مطلوب مني تدريب في الصيف ولازم اشوف شركات من دحين

فإذا ممكن تفيدوني بأسماء شركات كويسة في اي منطقة في المملكة بس بالأخص جدة


مشكوورين مقدما ^_^

[حلمي بروفيسور]

بصراحة ماعندي اي فكرة بس ممكن تسالي عن ارامكو السعودية

[no0o0ny]

مشكوووور اخويا وانا طبعن اول شي راح اقدم عليه ارامكوو ودا شي اكييييد ان شااء الله :)

بس ابغى اماكن تانية عشان يكون عندي كذا خيار ازا ما انقبلت هنا انقبل هناك وزي كدا


شوكرن

[no0o0ny]

ايييش دا مافي احد يساعد ؟؟ :(

ما اتوقعتها منكم :(

[* تركي *]

الحقيقة ، أنآ الي أعرفه إِن أرآمكو تَقريباً الوحيده ، الي فيهآ مهندسآت ..

وَ بعدين المفروض ، الكلية نفسهآ ، تعرض عليكم قآئِمة بـِ أهم الشركآت التي تُقدم التدريب الصيفي ..

/

مُوفقة

[no0o0ny]

الكلية تبعنا الله يخلييها ليينا عاملة فيها فاتحة قسم وموو عارفين ايش يعملو بعدها

لاننا اول دفعة فعندنا مشكلة انو تلات ارباع الشركات ماتقبل بنات كمهندسات

وزي ماقلت ارامكو الوحيدة اللي تقبل بس المشكلة ارامكو برضوو مو اكيد القبول فيها وان شااء الله انقبل لانها افضل مكان للتدريب الصيفي

وانا عن نفسي بدل ما اضيع وقتي واستني الكلية قاعدة ادور عليها بنفسي عشان ما اتورط بعديين

فاللي عندو اسماء شركاات بس يعطيني هيا وانا اشووفلي حل

مو لازم شركات تقبل مهندسات ولا لا لانو اساسا مافي ولاشركة تقبل فلازم الواحد يحاول ع الاقل يكلمهم :)

مشكور اخويا ع ردك

والله يوفق الجميع

[* تركي *]

مـُــمكن سؤآل

/


بـِ النسبة لـِ تخصصك ( control system & robotics ) .. يهتم بـِ أي مَجـآل تَحديداً ، ؟

لـِ أني أعتقد انه قَريب نوعاً مآ من الاتصآلآت وَ الإِلكترونيآت ..

\

مُـوفقة

[no0o0ny]

الاتصالات والالكترونيكس تخصصات لوحدها

اما تخصصي يهتم اكتر بالتحكم في الاجهزة وتصميم الروبوت

والأغلب في الروبوت

الصراحة انا عندي خلفية عنو من الدكتورة بس لانو لسا ما اخدت فيلو غير كورس واحد بس

والكورس دا مشترك بين كل التخصصات

بس بالنسبة للتدريب الصيفي دي المرة الموهم انو يكون في الهندسة لانو كتخصص لسا بدري عليا اخد تدريب في تخصصي

اتمنى اكون عرفت ارد ع سؤالك :)

[* تركي *]

امممممممممم

ايه تَقريباً مُقـآرب لـِ الإِلكترونيآت نَوعـاً مآ .. لان كلآ التخصصين يشتركوآ فِي " أجهزة التحكم عموماً

تخصص حلو وَ شيق ، لكن مآ أعتقد له فرص وَ ظيفيه وآسعه ، يَعني رآح تكون طَبيعة العمل بَعدين ، بَعيده جداً عن تصميم الروبوت بحكم الشركآت الي عندنآ ، ..، قد تعملين مَثلاً على أجهزة التحكم وَ الإِرسآل ..، امممممم مدري أعتقد /

[كابتن مهندس]

والله سامحينى اختي انا ما اقدر افيدك
لاني لسع ما طبقت
واتوقع تخصصكي جديد وحلو
واول ما عرفت انك بنت انفجعت قلت عندنا في الجامعه زميلات وما ندري افاااا
وبعدين فريت المكتوب فهمت
شوفي مهندسات مااعرف الا في ارامكو لو تروحيلهوم وبالتحديد فرع شرق الخط السريع عند بريمان او فرع المساعديه طريق المدينه
واسئلي في الخطوط السعوديه لاني شايفهم موظفين بنات في فرع حراء
والله يوفقكي