كلية العلوم الطبية التطبيقية - قسم العلاج الطبيعي

[weddah]

المشاركة الأصلية كتبت بواسطة the hill موضوع رااائع صرااحه بس حبيت اسأل السكرب لازم تلتزمو فيه وهل في ساعه بريك من 12-1 >> يعني محد يعطي فيها محاضرات ابدا ^^ ايش المواد اللي تدرسوها نبذه عنها ؟؟ نوعيه الاختبارات من متعدد والا كتابه ؟؟ انا سمعت انو اغلب الكيات الصحيه يذاكرو من شيتات >> ما عجبتني الفكره صراحه يعني احنا كذا حتكون دراستنا محدوده واسسفه ع كثرة الاسئله :)

السكرب يختلف من قسم لقسم
احنا العلاج مثلا لااازم تكوني لابسته اذا عندك معمل ما تدخلي من غيره
وايام الاختبارات ممكن لازم
بس عموما ما يلبسوه كل يوم مو اجباري يعني

12-1 اكيد بريك حق كل الناس عشان الصلاة كمان مو بكيفهم

طبيعة المواد اذا قصدك قسم العلاج الطبيعي
اول سنة ناخذ أساسيات العلاج الطبيعي والطرق اللي نستخدمها في العلاج سواء تمارين او بالأجهزة الكهربائية أو مائية وغيرها واكيد المواد العامة زي التشريح وعلم وظائف الأعضاء وكذا

بعد كذا في سنة ثالث ورابع كل ترم ندرس تخصص من تخصصات العلاج الطبيعي يعني ترم عظام وترم قلب وصدر والاعصاب والاطفال والنساء والولادة تتقسم على الأترام بتفرعاتها
يعني ترم العظام ناخذ فيه الاطراف الصناعية واصابات الملاعب وكل شي له علاقة فيه
وننزل أيام المستشفى نطبق اللي اخذناه على المرضى الحقيقيين

المواد العامة تكون الأسئلة اختيارات
لكن مواد التخصص يكون فيها كتابة

اغلب المواد ايوه يكون عندنا شيتات ندرس ونذاكر منها ماعرف السبب بس فيه مواد لها كتب

وعادي يا عسل خذي راحتك في الاسئلة واصلا اسئلتك حلوه ومفيدة

[دلــوعـة أمـهـا]

المشاركة الأصلية كتبت بواسطة so0o0o0my اول شي احب اشكر الانسة ود على موضوعها المميز صراحة اللي يسااعدكم تعرفو الكلية لانو كتير منكم مايعرف شي عن هاذي الكلية الجديده اللي اصلا بدوونها الطبيب مايقدر يسووي شي وعلى فكرة وظاايفها اكثر من الطب البشري بالنسبة لسؤاالك عن المختبر المواد فيها نفس مواد الطب البشري هيماتولوجي براسايتولوجي كلينيكال كمستري اميونولوجي وغيرها يعتبر قسم المختبر اكثر قسم يدرس هاذي المواد اللي تتعلق اكثر شي في دااخل الجسم يعني ماعندنا تركيز على الاشياء الي الخارج زي العظام العضلات وكدا طيب بالنسبة لسؤالك عن الكيمياء والاحياء لا مو نفس الثانوي الي تقولي ضغط وذرة بس في سنة ثانية حيكون في ماده اسمها ام تي سكيلز يكون فيها حسابات اكثر شي وتخفيف لانك تحتاجيها في المختبر الكيمياء بصفه عامة عبارة عن كيمياء سريرية وحيوية يعني مو ذرة وكدا الكيمياء عندنا عن الي في الجسم مواد صوديوم بوتاسيوم هرمونات غدد يعني يهتم بأرتفاع وانخفاض هاذي الاشياء يؤدي الى ايش وايش الاعراض وكذا نفس الطب البشري بالضبط الا الفرق هما يدرسوو العلاج لهذا الشي واحنا ندرس تحليل الشي هاذاا وكيف نكشف انو منخفض ومرتفع او طبيعي عن طريق سواائل الجسسم الاحياء طبعا عندنا زي تدرسي ماده الطفييليات بس حيكون تفصيل وايش الامراض الي تسويها الديدان في الجسم وكدا يعني كلو من ناحية طبيه مو زي الثانوي من ناحية تعريفيه لا عندنا كلو من ناحية انو كيف تأثر على الانسان وهل يمكن علاجها وكيف تشخيصها كل التخصصات فيها احياء لانها كلها طبيه بس اتوقع اقرب شي المختبرات بعدها العلاج والتمريض وبعدها الاشعة موادنا انا اقولك هيا وانتي روحي اقري عنها وحكتبها لكي بالعربي علم المهارات الطبية ،علم الاجهزة الطبية ،علم المناعة ،علم امراض الدم ،علم الطفييليات التشخيصي ،علم الانسجة ،علم الاحياء الدقيقة ( بكتريا وفيرووسات ) ، علم الاحياء الجزئييئة (dna) علم الكيمياء الحيوية ،علم وظائف الاعضاء،علم التشريح ،علم تحليل البوول وسواائل الجسم ،علم بنك الدم ،علم الكيمياء السريرية وبالتوفيق ومن ناحية انك تقولي عالعلاج يقرب من الجسم وكدا ماباللك بالعميليات الجراحية اللي اخس والعن وبعدين اي شي فيه مساعده انسانية هاذا فيه اجر يعني انتي اتحملي اي شي عشان تأجري في عملك والاقسام الطبيه من اشرف الاعمال لانها تساعد الناس ( ومن احياها فكأنما احيا الناس جميعا ) صدق الله العظيم اتمنى اكون افدتك الله يوفقك ويختارلك الي لكي فيه خير دمتي

جزاك الله خير أخوي وماقصرت وربي يجعلو في موازين حسناتك *-^
طبعا أسئلتي ماراح تخلص المهم راح نطبق بالمستشفى من 2 سنة ولامتى ؟
وهل أقدر أصير معيده وكيف ؟ وشكرا..

[نواة خير]

طيب معليشـــ

بخصوص اللي عندهم صيفي نقول راحت عليهم ولا في أمل

[اللؤلؤه الورديه]

جزاكي الله ووفقي
لكل خييييييييير


ممكن سؤال طيب لما نتخرج خلاص
فيه درجه ثانيه!!
يعني ماجستير أو دكتوراه؟؟

أو فقط باكلريوس


موفقه بإذن الله
^^

[miss jodi]

جزاكـ الله خيــــر ع الموضوع المفيـــد ,,,

بس عندي سؤؤؤال غريب نوعا ما ههههههههه

لما دخلنا كليتكم عشان اختبار مهارات الاتصال كان الكتروني وعندكم
ماشفت ولا بنت من حقونكم غير كم وحده من بعييييييييييد

السؤال يكمن هل انتو كذا قليلين وهادئين ولا كيف ؟؟!! ههههههههههه
لأني بصراحة حسيت باكتئاب أول مادخلت

[miss you]

الحين نسبتهم الخاصة 75 ؟؟؟

[غيمة فرح 2011]

هلا وغلا اختي ود عندي سؤااااااال مرررة مهم الحين ابغى اعرف يصير ادخل كليتكم حتى لو كنت غير سعودية وجبت نسبه عاليه؟؟ انا تعبت كل مرررة اسمع كلام من النات اللي تقول ايوة وكتير دخلو واللي تقول لا اتمنى اخد منك الخبر اليقين وجزيتي الجنة ^^

[sarona11]

عندي سؤال إذا سمحتي ؟

أنا أدرس دحين سنة تحضيرية في جامعة عزوز ونفسي أدرس علاج طبيعي أو تغذية إكلينيكية ماأدري يقبلوني ولا لا لاني غير سعودية(يمنية)؟؟؟؟؟؟؟؟

[a7la-banota]

شوكرا ياعسل
انا ابغى داا التخصص بس ابغى اعرف دحيين لما اتخرج شهادتي بكالريوس ولا دبلووم؟؟
واقدر اكمل فيه ماجستيرر ولالا؟؟

[Dr.Shaikhah]

جزآك الله الف خير

افدتينا والله
الله يكتب لنا الخير كلنا يارب