انا ماني عارفه شيء ردوا علي .. الله يوفقكم

[بسمة]

السلام عليكم ورحمه الله وبركاته
لو سمحتم اخواني واخواتي ابي استفسر لبنت خالتي هي اول سنه لها في الجاامعه (سنة تحضيريه ) ودوبي قبلوها ولله الحمد في الجاامعه ..
بس دخلت الاودس مالقت ال جدول ايش تسوي تنتظررولا ايش ساااعدوني الله يخليكم
هي نظاام تعليم عن بعد ماني عارفه ولا شيء كيف المحاظرات ومتى مواعيدها

بليزز لا تتاخروا علي في الرد الله يوفقكم انا با انتظاركم

[خـا!لـد]

وعليكم السلام ورحمة الله وبركاته

الجدول ممكن يتأخر كم يوم، وممكن تتصلوا على الموظف وتستفسروا منه.
أهم شيء تخلص جميع خطوات التسجيل، وعن طريق الجدول اللي بينزل إن شاء الله تعرف موادك ومواعيدها وعدد الساعات ... الخ
تقدر تعرف الخطة عن طريق الاوديوس الخطة الدراسية
بعد ماتحصل على مواعيد المحاضرات من الجدول تدخل وقت المحاضرة على السنترا وتدخل اسم المستخدم وهو رقمها الجامعي وكلمة السر وهو رقم سجلها المدني بدون الواحد
هذا رابط السنترا
http://centra.kau.edu.sa
أما الواجبات والمنتديات والاختبارات القصيرة تكون عن طريق الايميس يوجد موضوع مثبت عن كل شيء عن موقع الايميس
وهذا رابطه
http://emes.kau.edu.sa

[اخرالعنقود]

نفس المشكله انا

بس يعطيك العافيه خالد بجد كنت مشتته
ربي ينور دربك يارب

[توتو77]

طيب اللي مااخذت بطاقة الجامعة الى الان وش تسوي انا راجعت الجامعة وقالولي الاسبوع الجاي والحل يعني

[خـا!لـد]

مو مهم البطاقة لو تأخرت أسبوع أو إثنين ، أهم شيء متابعة موقع الايميس لأن تنزل فيه الواجبات والاختبارات ولازم تنحل في فترة محدودة في يوم أو يومين ولو فاتتك مايمكن استرجاع الدرجات، وكمان تقدر تتابع المحاضرات عن طريق السنترا برقم الجامعي اللي وصلك على الجوال ورقم السجل المدني، البطاقة نحتاجها في الاختبارات فقط فلا تشغلكم كثير

[اخرالعنقود]

طيب ياخالد كييف نعرف الجدول نزل من اي مكان من الانظمه والانفس موقع السنترا

ليا اسبووع وانا مسدده ولانزلي شي :(

[توتو77]

طيب انا مسدد من يوم الاحد ولا ارسلو لي رساله للرقم الجامعي وترى انا اول ترم لي راح ابدا ولا ارسلو شي الله يعين بس

[خـا!لـد]

المشاركة الأصلية كتبت بواسطة اخرالعنقود طيب ياخالد كييف نعرف الجدول نزل من اي مكان من الانظمه والانفس موقع السنترا ليا اسبووع وانا مسدده ولانزلي شي :(

الجدول ينزل في موقع الأوديوس على الرابط التالي
www.kau.edu.sa/odus
في القائمة اليمين يوجد اختيار اسمه " الجدول الدراسي " بعد الضغط عليه
تفتح صفحة وفيها الجدول، طبعاً لو ماحصلتي الجدول يعني مانزل.
وهذا مثال

المشاركة الأصلية كتبت بواسطة توتو77 طيب انا مسدد من يوم الاحد ولا ارسلو لي رساله للرقم الجامعي وترى انا اول ترم لي راح ابدا ولا ارسلو شي الله يعين بس

ممكن تتأخر بسبب اللخبطة مثل ماحصل لنا بس إن شاء الله خير، أهم شيء لاتغيري الشريحة لان الرسالة بتجي عليها نفسها، وتابعي الجوال كل يوم.

[اخرالعنقود]

يعطييك العاافيه ياخالد
فتح معايا موقع الاوديوس لكن مانزل جدولي :(

[ميار الميار]

الله يكتب اجرك ياخالد ويكتب اجر البنوتات جميييييع ......لقيت الأسئله اللي كانت تدور برأسي وبردودها كمان بهالموضوع .
أنا نفس الحاله الحمد لله انقبلت وارسلوا لي الرقم الجامعي واموري تمام الجدول للحين مانزل والبطايق بدري عليها نفس ماقال خالد ..
،،لازم ببدايه كل جديد نتعب شوي وبعدها خلاص ،،
ولاخلا ولا عدم من هالمنتدى واعضاااءه المخلصين جد وربي لو لاالله ثم هالمنتدى واعضااءه ولا ماااكنت اعرف شئ حتى من قبل افكر اني اسجل بالجامعه وكل معلوماتي تقريبا منه
كمان انا استفدت كثيييييييييييير من الفلاشات ومقاطع الفديو التعليميه لكل نظام كمان الحقيبه التعليميه كلها تلاقونا بموقع الجامعه عماده التعليم عن بعد وبس حبيت اخبركم يمكن احد مو عارف وبالتوفيق للجميع وعذرا ع الاطاله