ظلم .. اجحاف .. قهر .. التصحيح .. الترصيد .. الدكاترة

[ضحايا الصمت]

المشاركة الأصلية كتبت بواسطة rubi حتى انا كذا مرة يقولولي الاستاذة الفلانية كويسة واروحلها وتخسف الدرجة >< >< >< ><

طيب مو في ناس الا والا تفتي

صح خطأ المهم تفتي



ومصدرهم دائماً وكالة ..... يقولون




واتحمل مايجيك

[تونيا]

والله ياضحا الصمت دكتور البحث هذا (تحفه) وظلمه فكاهه من فكاهات الدهر ..


ظلم .. اجحاف .. قهر..


كيف لو كان من ناس إنت مو عارف مين ؟؟؟؟؟؟!!!!!!



ماتعرف من مين تاخذ حقك



تفكر تستسلم ,, لأنك بتكون على قول الدكتور نسمه ,في ماليه دوليه( تشتري سمك في مويه)

وتطارد السراب ..

ولكن يصعب عليك حالك ,, وما يطاوعك غرورك تخليهم يشمتوا فيك ..

آه ,, من بعض بنو البشر..

أعطاهم الله العقل ,, فأساءوا كالمجانين ..


ما أقول غير (ربنا أفرغ علينا صبراً)



طيب ياجماعه إحنا كدا صرنا البؤساء..



لازم حل للظلم الي تفشى بين الناس..


ومادري مين عليه الدور يظلم ,, ومين الي راح ينظلم .. والباقي ,, سيظل فقط ,, متفرجين ..




لاااااااااااازم حل..


أليس فيكم رجلٌ رشيد ؟؟؟!!!

[ضحايا الصمت]

المشاركة الأصلية كتبت بواسطة تونيا والله ياضحا الصمت دكتور البحث هذا (تحفه) وظلمه فكاهه من فكاهات الدهر .. ظلم .. اجحاف .. قهر.. كيف لو كان من ناس إنت مو عارف مين ؟؟؟؟؟؟!!!!!! ماتعرف من مين تاخذ حقك تفكر تستسلم ,, لأنك بتكون على قول الدكتور نسمه ,في ماليه دوليه( تشتري سمك في مويه) وتطارد السراب .. ولكن يصعب عليك حالك ,, وما يطاوعك غرورك تخليهم يشمتوا فيك .. آه ,, من بعض بنو البشر.. أعطاهم الله العقل ,, فأساءوا كالمجانين .. ما أقول غير (ربنا أفرغ علينا صبراً) طيب ياجماعه إحنا كدا صرنا البؤساء.. لازم حل للظلم الي تفشى بين الناس.. ومادري مين عليه الدور يظلم ,, ومين الي راح ينظلم .. والباقي ,, سيظل فقط ,, متفرجين .. لاااااااااااازم حل.. أليس فيكم رجلٌ رشيد ؟؟؟!!!

المقترحات كثيرة .... ولكن الحل بيد ادارة الجامعه

[ضحايا الصمت]

ومن أمن العقوووبة أساء الأدب

[تونيا]

يا ضحا يا الصمت


الحل بيدنا إحنا



أنا اليوم كنت في الجامعه وكلمت مديرة الانتساب د. إقبال الصالح عن موضوع الظلم ,وقالت ماحد معصوم من الخطأ وقالت مسموح لكل طالب وطالبه انهم يطالبوا بحقهم

ومن حقهم انهم يشوفوا ورقة الاسئله والاجابه والدكتور/ه أو الاستاذ /ه مطالبين كمان يوضحولهم أخطاءهم ويبينوها لهم

ويردوا على كل استفساراتهم , وقالت أنا كمان أعطي مواد , وأطبق هذا النظام مع طالباتي

قالت هذا النظام ماكان موجود زمان , لكن اليوم صار متاح للجميع ,, وقالت انتي جربتي وعارفه , قلت ايوه بس أنا في المره الأولى عانيت ومو بهذي السهوله رجع حقي , وكمان مع الدكتور ... ما قدرت أسوي الي قلتي عليه , قالت في هذي الحاله يرجع للإداره , والإداره ما تقصر, وهذي انتي جربتيها وما عانيتي وبسهوله بعدها رجع حقك ..
قلت يعني افهم منك انه لو الطالب /ه لقي رفض من الدكتور /ه أو الاستاذ /ه يرجع للإداره

قالت طبعا والاداره اجراءاتها سريعه والنتيجه مضمونه


خرجت أقول ,, شكله احنا الظالمين (لأنفسنا ) , لأننا سكتنا وما طالبنا بحقوقنا , او حتى لما طالبنا من أول عقبه استسلمنا


يظل الموضوع , مشكله كبيره , لكن هذي المشكله طالما انها تخصنا لازم احنا نستخدم كل الحلول عشان نحلها

وطالما زي ما انت قلت والدكتوره اقبال أكدت انه الحل بيد الإداره , لازم نعرف كمان انه الاداره ما راح تجلس تدور علينا عشان تردلنا حقوقنا , لازم احنا نسعى ونجتهد ونروح ونجي ألين نجيب كل حقوقنا ..

(وأن ليس للإنسان إلا ماسعى , وأن سعيه سوف يُرى )

[rubi]

صح كلامك ياتونيا

سكوتنا جزء كبير فالمشكلة وظلم لانفسنا

ولازم نفتح فمنا عليهم من اليوم ورايح

[تونيا]

هههههههههههههههههههههههههههههههههههههه


الله يخليكي ياروبي خذيني معاكي لما تشتكي ابغى اشوفك وانتي تفتحي فمك من اليوم ورايح , واشوفك لأول وآخر مره , لأني راح أجلس مفجوعه من طول حياتي



امزح لا تصدقي


لكن الأكيد ياروبي انك اشجع وحده (ما يجيبها إلا نسوانها )


ووعد مني لما تروحي أنا أول وحده اروح معاكِ , وإذا ما رجعتك منصوره , لك الي تبغيه ( الله يستر ما يصير العكس )


شكلي شحنتكم ,,

الي بعده

[ضحايا الصمت]

المشاركة الأصلية كتبت بواسطة تونيا يا ضحا يا الصمت الحل بيدنا إحنا أنا اليوم كنت في الجامعه وكلمت مديرة الانتساب د. إقبال الصالح عن موضوع الظلم ,وقالت ماحد معصوم من الخطأ وقالت مسموح لكل طالب وطالبه انهم يطالبوا بحقهم ومن حقهم انهم يشوفوا ورقة الاسئله والاجابه والدكتور/ه أو الاستاذ /ه مطالبين كمان يوضحولهم أخطاءهم ويبينوها لهم ويردوا على كل استفساراتهم , وقالت أنا كمان أعطي مواد , وأطبق هذا النظام مع طالباتي قالت هذا النظام ماكان موجود زمان , لكن اليوم صار متاح للجميع ,, وقالت انتي جربتي وعارفه , قلت ايوه بس أنا في المره الأولى عانيت ومو بهذي السهوله رجع حقي , وكمان مع الدكتور ... ما قدرت أسوي الي قلتي عليه , قالت في هذي الحاله يرجع للإداره , والإداره ما تقصر, وهذي انتي جربتيها وما عانيتي وبسهوله بعدها رجع حقك .. قلت يعني افهم منك انه لو الطالب /ه لقي رفض من الدكتور /ه أو الاستاذ /ه يرجع للإداره قالت طبعا والاداره اجراءاتها سريعه والنتيجه مضمونه خرجت أقول ,, شكله احنا الظالمين (لأنفسنا ) , لأننا سكتنا وما طالبنا بحقوقنا , او حتى لما طالبنا من أول عقبه استسلمنا يظل الموضوع , مشكله كبيره , لكن هذي المشكله طالما انها تخصنا لازم احنا نستخدم كل الحلول عشان نحلها وطالما زي ما انت قلت والدكتوره اقبال أكدت انه الحل بيد الإداره , لازم نعرف كمان انه الاداره ما راح تجلس تدور علينا عشان تردلنا حقوقنا , لازم احنا نسعى ونجتهد ونروح ونجي ألين نجيب كل حقوقنا .. (وأن ليس للإنسان إلا ماسعى , وأن سعيه سوف يُرى )

كلامك صحيح 10000000%




بس الأهم ان الواحد يكون متأكد أنه على حق .... يعني مو يقعد يلون في ورقة الاجابه صح وخطأ وبعدين يقول ان حليت كويس !!!!


طيب راجعت ؟!! طيب انت عارف انه في فقرات فيها لف ودوران ؟؟!!





يعني زي الترم هـــذا مثلاً .... طلعو الاخوان والاخوات من اختبار ادارة اعمال دولية باللغة الانقليزية ومن ضمنهم الاخت تونيا ... وناس تقول الاسئلة طبق الاصل وناس تقول قريبة منها وناس تقول ماجاب منها الا شويا !!!!!

والي صار انه كان نفس الاختبار ولكن كل واحد فهم السؤال بطريقته وجاوب عليه بطريقته ففي ناس فهمت صح وفي ناس لأ





لانه في ناس تفهم السؤال صح وتجاوب صح >>> وتعتقد بانها حتحصل درجة ممتازة .... وتحصل عليها

وناس تفهم السؤال خطأ وتجاوب خطأ >>> وتعتقد بانها حتحصل درجة ممتازة .... وتتفآجأه بغيرها (( وياكثرهم ))

وناس تفهم السؤال صح وتجاوب اجابه خأطئة >>> بعد الاعتبار حيعرف انه ماجاوب صح .... وماراح يتفآجأة بالنتيجة السيئة






لكن ارجع واكرر انا لو كنت صاحب حق في يوم من الايام وحسيت بمرارة الظلم مستحيــــل اسكت وباطالب ....

لكن زي فيلم الدكتور حق البحث !!! هذا ايش تسوي معاه ؟؟؟ ماراح تطلع بحق ولا بباطل ... لانه من البداية يقولي (( خلي بالك محدش بياخد عندي اكتر من 90 )) يعني اغسل يدك منه ... ولو بتروح تطلب وتراجع بيقولك هذه تقييمة لبحثك .. ماهي ورقة وتتصحح ...





خلاصة الهــــرج .... لحد يعشم نفسه باني حليت وحليت وفي الاخير لما يراجع يكتشف انه مو داري فين ربنا حاطه .. اما الي متأكد لايسكت

والشي الثاني .... انا اكره مشروع التظلمات والمناحات الي يصير ... الخطأ وارد لكن مانت مظلوم في كل المواد ولا في نصها ولا احد يتعمد يظلمك ... ((كبر عقلك))

[ضحايا الصمت]

وبعدين انا اتذكر واحد من الشباب الله يذكره بالخير


كان معروف عند الاغلبية في المنتدى وكان اسمه (أبو علي) وترك المنتدى بسبب........

المهم الرجل مجتهد بطريقة غريبه -ماشاء الله عليه- وكان ينقل كل حرف ينقال في الدورات التأهيلية وكان حريص جداً على الشباب ويسوي اجتماعات ومتفاعل للغاية


الرجل هذا اخذ في مادة القانون التجاري f في عام 2007 تقريباً ...

وكلمني قال انا صعقت ...

انا حليت كويس ...

انا اقوى واحد في الاختبار >>> ايش عنده فزاع

قلت اسمع ... اترك الكلام الفاضي عندك وحده من الاثنين ... يا تروح تراجع وتاخذ حقك ولا اووووووووس لاتزعجني وتزعج نفسك

قال يعني اروح ... قلت وانا معاك ... احجزلي معاك وانا بانزل معاك لجدة ... قال لا خلاص انا باروح



الي صار راح الادمي وكله ثقه (يحقله) ولقوه بترحيب وحفاوة وطلعو ورقته ...

اول شي راجع هوا والدكتور ورقة الاسئلة .... وطلعت اجاباته كلها تقريباً صج !!!!


ابتسم الادمي ابتسامه النصر ....

ولما مسكو ورقة الاجابة ( ورقة التظليل ) وادخلوها على الجهاز طلع f برضو !!!

راجعو ورقة الاجابة ووجدو انه نسي فقرة في اول الورقة ماضللها وضلل الي بعدها محلها او شي من هذا القبيل

وبالتالي الاجابات الي تتبعها كلللللللللها غلط ...

يعني الادمي رسب بسبب التظليل مو بسبب عدم تمكنه من المادة



يقول طلعت وانا مبسوط انها غلطتي ... غلطتي أنا واني انا الي ظلمت نفسي ماحد ظلمني






أسف على الاطاله .... دمتم بود

[تونيا]

يا الله يا أبو علي , انت صابتك عين ,, وكمان مبسوط !!! لو انا أنتقل للمصحه العقليه من هول الصدمه


يا ليت كان أحد ظلمه , كان اتعدلت الدرجه ونجح ..

حكايه جسدت الظلم من النفس ,, وهذي كمان جسدت الآيه (وما أصابك من سيئة فمن نفسك) الله يعوضه غيرها بالخير في الدنيا والآخره


وكمان انت يا ضحايا الصمت كلامك كله صواب x صواب



وماعندي رد إلا اني اثني عليه