تعليم التخلف !تكريس الارهاب !صناعه عربيه بامتياز

[عَـبْدالعَزِيز الهَاشِمي ™]

المشاركة الأصلية كتبت بواسطة صوت الفجر اخ هاي كلاس مرة انجلدت بمسطرة تبع اهل سوريا بعد في مادة الرياضيات في سنة رابعة وكرهت الماده واستاذتها ولحد الان لو اشوفها ما اسلم عليها الناس مو مثل بعض ...

طيب ممكن تقولين لي ليه إنجلدتي ؟

[عَـبْدالعَزِيز الهَاشِمي ™]

للاسف تربيــــــــة ياليت يتم تأهيل المدرسين الاكفاء اولأ ثم يتم تسليم ابناءنا لهم ...

يعني أبنائنا ملآئكة ؟

أتفق معك من ناحية تأهيل المعلمين

لكن أيظا يجب تأهيل أبنائنا قبل تسليمهم للمعلم ! , وتعليمهم وجوب إحترام المعلم والعلم !


المعلم ليس [ سوبر ماآن ] يستطيع أن يفعل كل شيء

يربي ويعلم ويشرح ويضحك مع الطلآب و و و إلخ ! !

[عَـبْدالعَزِيز الهَاشِمي ™]

المشاركة الأصلية كتبت بواسطة علي العسيري عموما يجب ان تختفي مثل هالحالات نهائيا ..

علي !


تحب أجيب لك مقآآآطع


طلآب يضربون مدرسين ؟

ولا أجيب لك مقاطع طلآب يرقصون والمدرس يشرح ؟

[بيو كيميائية ^_^]

أنا ضـربتنـي وحـدة يومـ كنت في أول إبتدائي عطتنـي كـف عشان ماما قالت لي كتبي الإجابة الصحيحة في الورقة جنب الخطأ عشان مرة ثانية ماتغلطين

وكـان توهـمـ شايليـن الخـيط من راسي إنسانة عديمـة إحساس مريضـة نفسيًا الله لايسامحـها

كانت تعطينـا مـاث بس كانت تضربنـا وتسبنـا وألفـاظها وصخة جدًا عشانـهـا غير عنـا :(

وهذهـِ المرة الوحيدة اللي إنضربت فيهـا

بس كنت أشوف البنات ينضربـون قدامـي مـمـا ولد عندي عقدة أخـاف المـدرسـات لين دحيـن إذا جيت أتكلمـ مع الدكتورة ياللا تسمـع وش أقول

قليل اللي أتكلمـ معاهمـ براحـة بدون خـوف

حتى لمـا رحـت متوسط ماكنت أشتهي المعلمات كنت أشوفهمـ ناس أشرار وماأتكلمـ معاهـمـ

بس بعدين جات لنا معلمة جغرافيا وحست إني فيني شيء

وكانت تحاول تتكلمـ معي وأنا ماأعطيها وجه وهي تنكت وأنا الوحيدة اللي ماأضحكـ

مرة سألتني ليش ماتضحكين قلت لها مافيه شيء يضحكـ

وكنت تحاول فيني ومافيه فايدة بعدين يوم جات وقالت زهرورة مثل البركان الهادئ ساكته وهادئة طول الوقت لكن لما تعصب خلاص

ولو تجي مدرسة غيري تفكرهـا كسلانة عشانها هادئة بس هي جدًا شاطرة

جلست إبتسمـت إبتسامة بس كنت داخلي مقهورة شلون تقول يفكروني كسلانة عشاني هادئة

خلصنـا أول وماقدرت علي

رحت ثاني ومن تشوفني تبتسمـ لي والمشكلة أنا ابتسم لها مع إني ماأطيقها

ولما توقف علي في الإختبارات تكلمـني وتمزح معي وأنا ماأعطيها وجه

رحت ثالث وجات قالت إنها بتعلمني أنا فرحت مو عشانها بس كانت بتدرسنا وحدة ألفاظها وصخة وأنا ماأستحمل

وبعدين في ثالث حبيتها وهي عندي من البست

وأيضًا مدرسة الإنجليزي يوم كنت في ثالث كنت ماأطيقها أول الترمـ

حتى مرة سألتني وش فيكـِ

قلت لها ماأبغاكِ اللي علمتني في ثاني أحسن منكـ أنتِ ماتعجبيني ههه

هي قامـت تتطالع فيني مستغربة وصارت بعدين تحاول تتقرب مني وبعدين حبيتها وصارت من البست

حتى يوم جات وقالت باروح قلت لها لا تروحي وجلست أبكي قالت مو أنتِ قلتي ماتبيني قلت ايه من زمان ماكنت أعرفكِ بس الحين لالا



يعني لاحد يفكـر أسلوب الضرب والسب والصراخ أسلوب كويس القليل اللي مايمشون إلا بالعصا

بس الأكثريه تمشي بالأسلوب الحلو والكلمة الطيبة

وبعدين حرامـ الضرب

والضرب الجائز ضرب التأديب ويكون خفيف مو مثل هذول شوي ويذبحـون الواحد

آسفة طولت بس بجد شيء يقهـر وينرفـز

[ستأتي أيامي]

مساء النور ,,
الحمد لله بخير وعافية ,،
والله حالة تحزن حرام ,,
الولد السعودي كسر خاطري والله ..
سلك !!
أحد يضرب بسلك !!
ولا المدرس المصري ، ماكينة ضرب مايوقف , .
ولباكستاني ضرب الفصل كلو وبالشبشب الله يعزكم !!
والسورية بإيش تضرب عساها البلى وعارفه إنها تتصور ولا همها !

لما كنت ثانية ابتدائي انضربت بالمسطرة الخشب في اليدين عشان ما كتبت سطر وسبت سطر يعني سبب ما يحوج ضرب .
والله ما أطيق الأبله ولا أطيق وجهها .

ليش مايشتكوا الأطفال لأهاليهم ؟؟ !!!
فين حقوق الإنسان عنهم ؟؟!

حسبي الله عليهم ,
الله يسلط عليهم من يذلهم كذا ، ماصارت تربية ؟

التربية عمرها ماكانت ضرب × ضرب ,,
وليش احنا ما نتطور ، وليش احنا شعب متخلف ,, !!
المدرسين يبغالهم من يدرسهم ..

حرقت دمي ياعلي ,

حسبي الله عليهم ,

[عَـبْدالعَزِيز الهَاشِمي ™]

المشاركة الأصلية كتبت بواسطة ستأتي أيامي لما كنت ثانية ابتدائي انضربت بالمسطرة الخشب في اليدين عشان ما كتبت سطر وسبت سطر يعني سبب ما يحوج ضرب . ,

وبعد ما إنضربتي ...

هل إستمريتي بطريقتك الخاطئة في الكتابة ؟

ولا عرفتي إنها خطأ , ؟

[ مع إني متأكد قبل تضربك المعلمة قالتلكم اكتبو سطر وسيبو سطر ]


محد يضرب من الباب للطاقة

[صوت الفجر]

المشاركة الأصلية كتبت بواسطة high class man طيب ممكن تقولين لي ليه إنجلدتي ؟

جدول 7 فية كم فقرة ماكنت حافظتهاَ~َ ماكنت حافظة لظروف خارجة عن ارادتي بالرغم إني في وقتها حافظة باقي الجدول....

بس الضرب كان قوي لدرجة اوقات لما اتذكرها ادعي عليها بدون ارادةَ~َ~

[ستأتي أيامي]

المشاركة الأصلية كتبت بواسطة high class man المعلم ليس [ سوبر ماآن ] يستطيع أن يفعل كل شيء يربي ويعلم ويشرح ويضحك مع الطلآب و و و إلخ ! !

والراتب آخر الشهر يعرف ياخذو بدون ما يحللو ؟!
هو مدرس ، هو اشتغل برضاه ، دامت مو قد المسؤولية ليش يقبل بالوظيفة ؟

[صوت الفجر]

المشاركة الأصلية كتبت بواسطة high class man [/center] علي ! تحب أجيب لك مقآآآطع طلآب يضربون مدرسين ؟ ولا أجيب لك مقاطع طلآب يرقصون والمدرس يشرح ؟

لا تروح بعيد ... يوم كنت ثاني ثانوي فية طالبة باولى ثانوي تخاصمت مع وكيلة المدرسة

ضربتها الوكيلة على كتفها بالمسطرة شالت البنت المسطرة وضربت الوكيله على كتفها

العين بالعين والسن بالسن والبادي اظلم

ماعمري نسيت هالموقف لانه كان قدام يمكن 100 طالبة

[ستأتي أيامي]

المشاركة الأصلية كتبت بواسطة high class man وبعد ما إنضربتي ... هل إستمريتي بطريقتك الخاطئة في الكتابة ؟ ولا عرفتي إنها خطأ , ؟ [ مع إني متأكد قبل تضربك المعلمة قالتلكم اكتبو سطر وسيبو سطر ] محد يضرب من الباب للطاقة

أنا ما أنكر إنها قالت أكتبو سطر وسيبو سطر ، لكن نسيت والله نسيت
ومن أول مره على طول ضرب !!
طيب نبهي ولو اتكررت الغلطة أضربي ضرب خفيف
مو محوج مسطرة خشب وفي اليدين