مبادئ ادارة اعمال 101

[خفايا نفس]

السلام عليكم ورحمة الله وبركاته

اخواني ابي اعرف اذا احد عنده خبر عن المحذوف في مادة مبادى ادارة اعمال 101

bus101

لان الكتاب 560 صفحه

والاختبار يوم الثلاثاء

لو كان مو محذوف منه شيء عز الله اللي رحت فيها

تو اشتريت الكتاب

تكفووون اللي عنده خبر يفيدني

:(

[شموخ البدر]

والله انا زيك
بس اشتريت ملخص هاني عرب وقارنته بالكتاب ابد ملخص الكتاب تلخيص على كيفك
ذاكره وما يحتاج
بس هو وقف عند الفصل الثالث عشر( يعني الملخص من اول الكتاب الى نهاية الفصل الثاني عشر ) الله يعينك بعد ما تخلص الملخص ابدا ذاكر من الكتاب من بدايه الفصل الثالث عشر

وفالك التوفيق

[فهد الغمري]

ليه هو كم فصل هاني عرب ماهو كاتبه في الملخص

[شموخ البدر]

فهد هاني عرب ملخص الى نهاية الفصل الثاني عشر ووقف
انا قارنته مع الكتاب المطلوب وفعلا ملخصه تلخيص حلو
بس مثل ما قلتلك بعد ما تخلص المذكره او الملخص ,, روح للكتاب وابدا من الفصل الثالث عشر وكمل
فالك التوفيق يا الغالي واتمنى اسمع عنك وعن اخواني الطلاب والطالبات اخبار تسر ونجاح مستمر

[فهد الغمري]

اخوي شموخ البدر انا مايمديني اشتري الكتاب ولا عاد فيه وقت فإذا تكرمت تقول كم فصل ماهو موجود في ملخص هاني عرب بعد الفصل الثاني عشر.

[شموخ البدر]

الثالث عشر الى الثامن عشر
يعني سته فصول

[فهد الغمري]

محتويات المقرر الدراسي : طبيعة الإدارة وتطورها التاريخي ، ماهية الإدارة ، تطور الفكر الإداري .
وظائف الإدارة: ( التخطيط ، التنظيم، التوجيه والقيادة والاتصالات ، الرقابة ).
اتخاذ القرارات. وظائف المنظمة (التسويق، إدارة الإنتاج، إدارة الأفراد، الإدارة المالية).

وملخص هاني عرب ملم بجميع اللي في المقرر الدراسي، فما ادري عندكم راي ثاني اني اشتري الكتاب وهو 562 صفحه.

[شموخ البدر]

فهد انت اللي تشوفه ومناسب لك
انا معاي الكتاب وما ذاكرته لانه فلسفه كتاب ودكاتره
لما اخلص الملخص بابدا اقرا قراءه من الاخير

وانت اختار اللي تشوف فيه مصلحتك

اللي ما تطرق له هاني عرب هو
الفصل الثالث عشر : الثقافه التنظيميه واخلاقيات العمل
الفصل الرابع عشر : المدير ونظام الجودة الشاملة
الفصل الخامس عشر : ادارة المعلومات والتقنيه
الفصل السادس عشر : الهندره ( اللي عرفها الكتاب انها هي التفكير المبدئي والاساسي واعاده تصميم العمليات التجاريه بصفة جذرية )
الفصل السابع عشر : الاداره المستقبليه والرياده
الفصل الثامن عشر العولمة ومنظمة التجاره العالميه
انا اشوف انك تشتري الكتاب والمذكره وتذاكر من المذكره والكتاب اذا ما احتجته فهو ممتاز للمنفعه المستقبليه كثقافه لك بعدين او مرجع لك

واتمنى لك دوام التوفيق

[فهد الغمري]

لكن اخوي الله يجزاك كل خير لتفاعلك معي. الفصول اللي انت قلتها ماهي موجودة في المقرر فما ادري ايش رايك.

[خفايا نفس]

مشكوووورين اخواني على تفاعلكم والرد

بس بصراحه من مواقع تجربه خلال خمس اختبارات الاسبوع الماضي

كل الاسئله تجي من بين سطور الكتاب

يعني احس الملخصات ما تنفع تذاكرها وانت تبي 100%

لكن الشكوى لله بحاول اقراء الكتاب كله

والله لا يسامحهم اذا كتاب اكثر من 560 صفحه ما حذفوا منه اي شيء

لو طلاب انتظام تقول ممكن لان الدكتور يشرح وتعرف المهم منه

لكن طلاب انتساب ودوام وقرف

وكل يوم يطلعوا بكلام جديد بخصوص اعتماد الشهاده من عدمه

وفوق هذا كله انواع التعقيد

حسبي الله عليهم ونعم الوكيل