أملي الأخير اليوم وأنا على وشك السقوط

[OnLine]

السلام عليكم ورحمة الله وبركاته


أستنجد فيكم أخواني وأخواتي
مستواي الحالي سيء جداً وإحتمال اطلع من الجامعة
لا شيء ضامن لي النجاح بأي مادة خصوصاً الكمياء اللي درجاتي فيها الآن اقل من ٢٠ !! يعني حتى جبت الفل مارك بالفاينل فمستحيل انجح .. ولا البونص معروف ومضمون !!!

أملي الوحيد البونص اتمنى على الأقل على أدني درجة ممكن يساعدني البونص فيها
المشكلة حالتي النفسية سيئة بعدة أسباب اهمها الدراسية ... وعجزت ألاقي شي بسيط ممكن يساعدني بالاختبار

حتى القاعات جايبين سبعمية مراقب يخوفون الجن ... اعطونا فرصة طيب !!

والله مجالي اللي ابي ادخله ما له اي علاقة بالمواد اللي ادرسها ( احياء -كيمياء - احصاء )
ابي انجح فيها بس
وبعدين أحياء وكيمياء : كريهة وريحتها فايحة
الاحصاء عسل ودكاترها عسل الله يوفقهم


ساعدوني ارجوكم لو بكلمة ...

[sultanooh]

ممكن اواسيك وممكن ادعيلك بأن الله يوفقك

لكن أساعدك هذي مانقدر

كل طالب يقود سفينة اذا غرق الله يعينه وكويس ان الجامعة حاطه صيفي علشان اللي يغرق

يصلح سفينته في الصيفي

[SAWIV]

ذاكرت وسويت الي عليك ؟ وطامح انك تجيب الفل مارك ؟ ,, لو اجابتك نعم

باذن الله تجيب الفل مارك وصدقني بمشيئة الله بيكون في بونس لان نسبة الرسوب عالية وبالتوفيق يا رب لك ولنا .

[OnLine]

مشكورين جميعاً

[AboSharaf]

ابشر بالخير ياخوي ان شاء الله درجتي مثلك وفي الكيمياء
الدكتور قلي جيب 27 يدفوك >>> صراحةً مدري هو صادق ولا لا
المهم انا بأحاول اجيب اكثر باذن الله ... الله يوفقك يااخوي

[طيوف المملكة]

اولا لن يصيبنا إلا ما كتبه اله لنا
يعني لو جلسنا الى السنة الجاية وحنا نذاكر محا نجيب إلا الدرجه الي ربي كاتبها
سواء كانت معفنه ولا حلوه ... يعني من اول ما كنت في بطن أمك درجاتك هذي مكتوبه
لكن .. إلي عليييييك إنك تشد حييييييييلك اكثر ولا تنسى اهم اهم اهم شيء (( مراقبة الله ))
والله ما بفيدك اي شيء غير ربي
انا جاتني حاله من اليأس مثلك الان
ولكن فوضت امري لله .......
وخلها في بالك ذي الكلمتين ( ربي ما بيضيع تعب احد ) وتذكر انك تقدر تجيب درجات احسن منها الترم الجاي ان شاء الله بس شد حيلك وخل عندك عزم وهمه
والله ولي التوفيق

[احلم بي الانتظام]

اخوي خلي املك في الله كبيييير
اقسم بالله العظيم جاتني حاله زي حالتك العام مع مادة الاحصاء وبسبب ظروفي ماقدرت اوفر مدرسه ودخلت الاختبار على عمى وجلست ابكي وادعي الله انه يوفقني ويسهل عليا الاختبار وسويت شي ما اعرف اذا حرام او لأ جلست اقول في دعائي انه اذا ياربي وفقتني ونجحتني في الماده حتى لوجاتني فرصه للغش او اغشش ماهسويها اقسم برب البيت ان جبت فيه 82 متخيل 82!!!!!!!!!!!!! وانا ماتوقعت اجيب 5 في الورقه
ربك رحيييييم بعباده انت سوي الا عليك والباقي على ربك
لاسمح الله مامشيت في الماده (من اول محاوله )حط في بالك انه هاذا الشي مو اخر الدنيا ولا اكبر مصايبها ولاتنسا باقي المحاولات الا هتجيك في الصيفي او في السنه الجيه او اي وقت تحس انك مستعد انك تنزل الماده ذي في جدولك
ربي لايضيعلك تعب ولايحرمك فرحه تفارق وجهك
توكل على الله توكل على الله توكل على الله

[آجرآسٌ~]

سوي كل اللي تقدر عليه .. ثق بربك ..

ادعي وانت واثق ان ربي قادر على قلب الموازين ..

وخليها على ربك .. ما تدري ايش يسير .. ممكن تنجح لاسباب ربي ارادها ..

احسن لك .. ولا تستلم للصيفي بالسهوله هذي .. ولا تكون سلــبي ..

سوي اللي عليك وقتها ما بتندم على اللي فات .. ولا تنسى ترضى بقسمتك ونصيبك ..

وربك كريم .. بالتوفيق

[fatoom sweety]

توكل على الله وارضى بقضاء الله وقدره حتى انا في الكيمياء على الهاوية الاول 16 والثاني 19 يعني اذا ماجبت 25 في الفاينل اكيد راح ارسب اذا ما دفوني .ودايما اشكي همومك لربك لانه هو بارادته يقلب الحال لكن البشر ماراح يسوولك شي .توكل على الله وخليك قريب من الله في الرخاء عشان يكون قريب منك في الشدة.

[RHF]

><< تفضفض مع الشعب

انا جبت 19 في الاول و 19 في التاني

لازم اجيب 22 عشان انجح

طيب باسأل ايش اكتر درجة ممكن يدفوني فيها يعني لو جبت كم مسلن ؟

ونفس الشي الاحصاء اااه يا ربيييييييييييييييي