سؤال الى طلاب ليفل 4

[Dr.almosta8bal]

السلام عليكــــم جميعا
ان شاء الله تكونوا مبسوطين مع نهاية الاختبارات
بس حابة استفسر منكم كيف اختباركم الانجلش 4 ؟ سهل ولا لا
واش الرايتنق الي جاكم ؟؟
اتمنى تفيدوونا
وجزاكم الله الف خيـــــــر

[ُزمرد]

أهلين يا قمر اكيد بتتكلمي عن دفعة السنة دي لانو لفل فور السنة اللي فاتت كان المنهج غير والكتاب غير

انا لفل فور واحنا لسا ما اختبرنا ولا اختبار !. اصلا كل اللي في لفل فور مابدأو يدرسو الا بعد اجازة الحج و أول اختبار لنا حيكون يوم السبت 25 ديسمبر ان شاء الله عشان هيك ما اقدر افيدك إلا بعد الاختبار ^^

موفقة يا قمر

[Dr.almosta8bal]

متشكرة يا قمر على ردك
انا اعرف انه دفعة العام منهجهم غير
ولكن سؤالي موجه للطلاب عشان هم اختبروا قبلنا فنفسي اعرف كيف كان اختبارهم

[ُزمرد]

عفوا حبيبتي

مافي احد اختبر يا عسل لانه اول مابدأت الدراسة عدد الطالبات اللي كانو لفل فور قليل عشان كدا ما اعطوهم شي خلوهم يبدأو مع طالبات لفل ثري بعد الحج ^^

وأول اختبار لـ لفل فور كله في هادا الترم راح يكون السبت .. بعد يومين يعني


امم يعني انتي تقصدي الاولاد ؟ ما اعرف ان شاء الله يفيدوكي

=)

[Dr.almosta8bal]

اش الحكــاية مافي اولاد ليفل 4 في الجامعة ولا شو ؟

[7sn]

السلام عليكم

الرايتنق كان سهل جاء عن:
1- وجهتك المفضلة للإجازة.
2- مميزات وسلبيات كبار السن واش الأفضل وانت مراهق ولا شاب.

زي كذا المواضيع وفي موضوع ثالث بس ماافتكر اش هو

بالنسبة للإختبار ماكان سهل صراحة

واصعب شيء كان ال Vocabulary

وبالتوفيق ان شاء

ولاتهتمي في كلامي وذاكري مزبوط امكن يجيكم سهل وتأخذي الفل ان شاء الله

[مـــلآك]

آآآبــ افيدوناا اش جاكم والقطعه كانت من الكتاب ولا لا......؟؟

[Dr.almosta8bal]

مشكور اخوي 7sn

[ُزمرد]

يؤؤ ماكان سهل !

:(

[7sn]

الإختبار كان فيه قطعتين

وحده من الكتاب
Ice Hotel
والثانية
جايبينها عن التحيه في العالم

ان شاء الله مااكون اتأخرت في الرد...