ملتــقى طلآب و طالبـــاآت جامعة راابغ ..~

[~..SoNa..~]

الســـلآم عليكم ورحمة الله وبركـــاآته ..

طبعـًا الموضوع وااضح ....ملتقى لطالبات وطلاب راابغ لتباادل كل شي فيه فاايده لنا ..
لانو المعرووف انو اسئلة اختبارات التحضيري مشتركه بين البنين والبنات بالنسبة لرابغ ..
واليوم الاربعااء (26\11) اختبرنا الاحصااء.. وبعد ما شوفت اسئلة الاختبار قلت مررا لا الحال ما ينفع كدا .. لازم يكون بيننا تبادل ..
يعني زي مثلا دكتورة الاحصااء في اشيااء حددتها لنا وقالت مهمه وحتجي في الاختبار وصح جاات ..وفي اشياء قالت مو مهمه وفي اشياء ما شرحتها وجاات <<يعني المفروض ما تقول مو مهمه ..هو بالنسبه لها مو مهم بس جا لانو بالنسبه لدكتور قسم الاولاد مهم و اكيد هوا اللي حط السؤاال ..
فالمقصود يعني احنا نقول لكم ايش اللي قالوا لنا عليه مهم ..وانتو تقولوا لنا ايش اللي مهم عندكم ..
وهيا قالت لنا لاتحفظو القوانين لانها حتكون مكتوبه عندكم في اخر صفحه في ورقة الاسئله ..وما لقيناها مكتووبه ..!! قالت امكن الدكتور محمد (دكتور قسم البنين ) نسي ..وقالت لنا القوانين وكتبناها ..
<<الموهيم دا الاحصااء خلاس رااح وجبنا العيد في الاختباار ..وان شا الله نتعاون ونعوض في الاختبارين التانيه ..




~..الكيميــــاء..~
بالنسبة لدكتورة الكيمياء مررا تماام ..وتشرح كل الامثلة وتحل معانا التماارين ..
وقالت انو هيا حتكتب 25 سؤال من اسئلة الاختباار و دكتور قسم البنين حيكتب 25 ..وكدا صاارت 50 سؤال ..ورئيس قسم الكيمياء اللي عند البنين حيختار 30 سؤال للاختبار من اصل 50 سؤال ..
وادتنا تيست بانك للكيمياء..قالت حيجي منو في الاختباار ..بس مو مررا نفس الشي ..طبعاً في اختلافات ..بس نفس فكرة السؤال والجواب..




~..الأحيـــاآء..~
دكتورة الاحياء قالت هيا حتكتب 50% من الاسئله ودكتور البنين حيكتب 50%.. ونفس الشي رئيس قسم الاحياء عند البنين هوا حيختار الـ30 سؤال من الاسئله المكتووبه..
وقالت لنا بس نذاكر من التيست بانك الاسئلة الاختيااري ..اما الاسئله المقاليه مو معانا..
وكمان ادتنا 6 بوربوينت قالت ذاكروها لانو في 20% من الاسئلة ما حيجي من التيست باانك حيجي من دي العروض ..<<يعني اللي تذاكر التيست بانك بارت 1+2 والـ6 عروض ..تضمن الفل ماارك ان شا الله .. ^_^



وبس ..كدا يكون خلصنا من دكتوراتنا .. و بقي دكاترتكم <<ترى الكلمه متعوب عليها ..

[امــيـــ القلوب ـــر]

مشكووورة يالغلا
بس لاانا مسسستغرب من طلاب
راابغ وش النووم ذا كله
يلا شدو حيلكم
لأوصييكم