إستشارة في الجدول

[mr.ammar]

السلام عليكم
يا شباب أبغى الفزعة في ترتيب الجدول


معدلي 3.42 أبغى ارفعه الترم هذا مع العلم إني المستوى الرابع
ايش الحل و بأيش تنصحوني

[mr.ammar]

لرفع

[لـولـو]

عندك محاسبه واستثمار وبحوث عمليات واقتصاد كلي << هذي كلها مواد عمليه ونصيحه لا تنزلهم مع بعض

المحاسبه متطلب لمحاسبه 2 فنزلها
وشوف ماده من باقي المواد ذي اسأل عن الدكاتره واسلوبهم ومين الافضل في التعامل مع الطلاب ونزل وحده منهم
انا في هالمواد اشوفها من السهل الى الاصعب ( بحوث عمليات ، اقتصاد كلي ، استثمار ، محاسبه )
واكيد ذا مو رأي كل الطلاب اللي يهمك في الموضوع اسأل عن الدكاتره قبل تضيف المواد ..

مبادىء الاداره ماده نظريه وكلامها كثير وبصراحه ماحبيتها بس متطلب لمواد ثانيه فخذها هالترم

ادارة الجوده اتمنى يفيدوك فيها الطلاب ماعندي اي خلفيه عنها ومو موجوده في خطتي ..

عموما حاول ماتضغط نفسك خذ مادتين عملي و4 نظري .. اذا تحب النظري واذا لا حاول ماتاخذ اكثر من 3 مواد عمليه في الترم ...

وبالتوفيق ان شاء الله :)

[التومي]

مثل ماقالت الاخت الاربع مواد كلها فهم ومسآئل

انا من ناحيتي اشوفها صعب تنزلهم مع بعض مو لانهم صعبات بس علشان تقدر تفهم المواد اكثر وتاخذ فيهم درجات احسن احسن لك ماتنزلهم مع بعض

الغريبه ان بحوث العمليات انا ماخذيتها الا بالمستوى السادس : )

عموما بقولك فكره عن مواد

اول شي المحاسبه << المااده فهم وشغله جديده عليك تقريبآ يعني ماتوقع درستها بالمدرسه من قبل

بس الماده مو صعبه للي يحب المواد اللي تحتاج لفهم.. طريقتها تقريبآ مسأله وحده تشمل لك اغلب المنهج

عن نفسي الماده حلوه بس تحتاج وقت علشان تستوعبها جيدآآ


...

مبادي الاداره ماده حفظ بس برضو شوي طويله


....


بحوث العمليات زي كلام المحاسبه تقريبا كل فصل مسأله وحده عليه

بس تبغى فهم وتقريبأ اسهل من المحاسبه

انا اخذت فيها 93

......

ادارة الجوده عند الدكتور ناصر الجميع يثني علي الماده والدكتور

بالنسبه لي ماخذتها وافكر اخذها المستوى الجاي اللي هو الاخير : )

.....

استثمار

الماده مسائل وقوانين تبغى منك حفظ قوانين تقدر تقول كثيره شوي بس مو صعبه الماده لذيك الدرجه

......

الاقتصاد الكلي ماده والله ناسيها بالضبط لكن اخذت فيها 84




عموما انصحك اخوي بالتالي

لاتنزل المواد الاربعه كلها اكتفي بـ 2 واذا كنت شاطر وتغى تبدا تذاكر من بدري حيل شهرين يعني كذا نزل 3 واهم شي اللي لها متطلبآت

ثانيا شووف الدكااتره واسأل عنهم وكيف اختباراتهم

فيه دكاتره يخلي المااده الصعـبه اسهل من الماده السهله وفيه دكااتره العكس



والله يوفقك يارب