اقدر اضيف مادة بحث وتدريب بعد ان قفلت الشعب ؟

[ابوعبداللهom]

سلام عليكم
يالربع عندي مادة بحث وتدريب bus492 وكنت كل يوم اشيك على اودس
لجل اضيف لي دكتور طيب ومع الاسف يادوب فتح الموقع ونزلت اسماء الدكاترة وتقفلت الشعب
قبل انزلها بجدولي وش السواة ...؟ علما ان هذا هو الترم الاخير لي
مع تمنياتي لكم بالتوفيق

[ملاك بن هاشم]

انا مو قادره اضيف ماده البحث والتدريب مافي شعب

خليها على الله

[ابوعبداللهom]

المشاركة الأصلية كتبت بواسطة ملاك بن هاشم انا مو قادره اضيف ماده البحث والتدريب مافي شعب خليها على الله

ونعم بالله
بس ياخي ظلم والله اتاخر ترم وكل هذا عشان فتحو الموقع الصباح ولما شيكت في المساء
تكون الشعب كلها قفلت المشكلة ان كل دكتور عندة بس 5 طلبة يعني يبي لي ابني خيمة بالجامعه لجل اتخرج .؟

[aziz8008]

اخي الكريم ابو عبدالله

دايما شيك على الاوديس الساعه 3 الظهر كل يوم تحصل اغلب الشعب تفتح

واذا ماحصلت شعبه مفتوحه ارسل معامله الكترونيه لانه على حسب عدد الطلاب يفتحون شعب وخاصه البحث والتدريب


بالتوفيق

[ابوعبداللهom]

المشاركة الأصلية كتبت بواسطة aziz8008 اخي الكريم ابو عبدالله دايما شيك على الاوديس الساعه 3 الظهر كل يوم تحصل اغلب الشعب تفتح واذا ماحصلت شعبه مفتوحه ارسل معامله الكترونيه لانه على حسب عدد الطلاب يفتحون شعب وخاصه البحث والتدريب بالتوفيق

الله يجزاك كل خير ودايم انت راعي فزعه وكلامك درر تسلم يالغالي وكيف تشوف الجدول بالتوقيع عدلته بعد نصيحتك

[Godiva]

فيه ثلاث شعب مفتوحه الحين لنفس الماده

وحده عند الدكتور خالد الشعيبي والثانيات ماحددوا اسامي الدكاتره فيها بس تقدر تسجل فيها

[ابوعبداللهom]

الله يجزاك خير بالله كيف الدكتور الشعيبي اسجل عندة ولا انتظر ؟؟؟
ابي ارفع معدلي

[Godiva]

والله يالغالي للاسف ما اقدر افيدك عنه.. ماقد درست عنده

[ابوعبداللهom]

المشاركة الأصلية كتبت بواسطة godiva والله يالغالي للاسف ما اقدر افيدك عنه.. ماقد درست عنده

يعطيك الف عافية اخوي ما قصرت قلت لي على فتح الشعب وكان هم وانزاح

وسجلت عند الدكتور الشعيبي والله يسهل كل امر ومن لدية معلومات عن الدكتور فاليتفضل مشكوراً

[التومي]

اخوي انا مثلك عندي هالمادة

ونزلتها عند واحد من الدكااتره ولكني لسى انتظر دكاتره كويسين

بصراحه الدكتور خالد سمعت انه مو كويس << والله ماظلمه هذا اللي سمعته من ناس بالمنتديات

بس انت انتظر فيه شعب بتفتح اكيد واسأل عن الدكاتره واختار واحد يمدحوونه لك الناس اللي جربتهم

عموما الحين فيه خالد الشعيبي وشعبتين بدون اسماء دكاتره اكيد بينزلون فيها دكاتره قريب انت خلك متابع : )

تحياتي والله يوفقنا جميعآ