ابي معلووومات عن الشرفيه ضروري اليوم

[غيوده]

السلام عليكم ورحمة الله وبركاته

انا اليوم رحت اداوم وقالولي في الشرفيه وانا اول مره اروحها ومادخلتها
فرجعت البيت والحين ابى منكم معلووومات كافيه عن الكليه

كيف المبنى وجديد ولا
وكيف راح تضيعي في!! ولا كل شي واضح
واحنا بس في السنه التحضيريه علمي !!!
والي عنده اي معلومه يضيفها وكيف بداتوا دراسه خاصة خطه ب


سوري كثرت اسئله بس ابى الحق ادااوم ويعطيكم العااافيه

[جبرتني لدربك]

الكليه جددوها احنا كنا فيه قبل سنه وحولونا الفيصليه

وكانو بس مجددين قسمين والحين يقولوا كلها جديده احمدي ربك ما دخلتيها مع دفعتنا تكرهي عمرك من المباني ااقديمه والقرف

اما الحين في المباني مكيفات مركزيه والفصول شكلها حلو اما احنا كنا كراسي المعامل حقت المدراس

ولا لا تخافي ما راح تضيعي لان الكليه صغيره بس 3مباني دراسيه

ومبنين حق الشوون الطالبات والعماده

اتمنى اكون افدتك

[ήεмσ]

و عليكم السلام و رحمة الله و بركاته
المبنى مو مرة جديد يعني مهترئ قليلا p=
المباني تقريبا 6 و فيه مكتبة في مبنى 5
من حيث الضياع احسو يضيع يعني لازم تسالي احد المشرفات و هي تقلك فين تروحي
و كل البنات اللي هناك علمي
مممم المحاضرات أخدت الين دحين احياء و كيميا و احصاء و اتوقع بكرة يبدأو الانجلش

تقريبا هادي كل المعلومات اللي عندي , و لو عرفت شي تاني أرجع أقلك ^_^

[MARAM KIM]

وعليكم السلام

امممم كيف اقولها هو مظهر الكليه ممن برا قديم بس جوا المباني جديده والقاعات بارده جدا

من جهة الضياع دي هادي احسها ترجع للواحد يعني انا من اول يوم وحفظت فين المباني اللي فيها محاضراتي

هوا اصلا ما ح تروحي الا مبنيين يا 3 يا 6 وازا تبغي مكتبة الخورزام تلاقيها في مبنى 5 ومبنى 2 ادراة وشؤون وموظفات وكدا

بس للآمانه توقعتها مبنى واحد خخخخخخ

بس فيها مساحه لا بأس بها

وبس اللي فيها تحضيري علمي :)

وانا خظة أ بس درست اليوم انجلش ورياضيات

وكان مهارات حاسب بس اتلغى عشان معامل الحاسب مو مجهزه وحتى رحت مبنى 2 الدور الثاني سألتهم المشرفات وقالو صح

ونقطة أخيرة لآ تسمعي للكلام البنات زي مثلا ازا قالو ما فيه انجلش اليوم وزي كدا روحي بنفسك أسألي

والله يعينا ويوفقنا كلنا

[hanano]

مرحبا طيب الكتب انا ماداومت خير شر ومن بكرة حداوم اشتري كتب والا كيف ؟؟؟
انا خطة ب

[غيوده]

يعطيكم العاافيه ياارب وبالتووووفيق

بس انا شايله هم لما اخل وين اروووح

hanano انا كمان زيك بكرا اول يوم اداوم
واشتري الكتب خميس وجمعه الاغلب بيسووي كذا

[hanano]

ياللة اللة يوفق الجميع
وغيودة انا ماداومت وعادي عندي مدري لية مااحس اني متحمسة للدراسة بس اللة يوفقنا ياااااااااااااارب

[BlackX]

الشؤن تقول نبدا الدراسه الفعليه والحقيقه يوم السبت .. بس الجامعه زحمممه جوا ..

بالنسبه للانجليزي بدانا دراسه ..

بالنسبه للمباني ماتضيع ابداً اصلا مره المساحه تعتبر ضئيله مقارنه بالجامعه الرئيسيه ..

اممم يمكن مبنى 6 يبغالو شويه لانو كدا مدسوس مو زي باقي المباني .. عموماً كلو سهاااله ان شاء الله

[غيوده]

يالله ان شاءالله اول ماداوومي تتحمسي بس حاولي اداومي بكرا وامييين يارب


blackx يعطيكي العافيه وان شاءالله ربي يسهلها