ممكن تساعدوني في جدولي بليز ^_^

[إح ـساس]

السلام عليكم ورحمة الله و بركاته ..

كيف الحااال ... ؟

أن شاء الله يا رب مستعدين و متحمسين للجامعه بعد الإج ـازه


ياريت لو تساعدوني في جدولي إيش رأيكم فيه ...؟

و مين أفضل الدكاترة لهالمواد ..

أبغى دكاترة سمحين


إدارة اعمال بالأنجليزي

اللغه العربية 2

ثقافة أسلامية 3

مالية شركات

أقتصاد كلي (لاااحد يقلي لمياء ششه )


و ياريت كمان تساعدوني

مادة أختيارية تكون سهله

و مادة حره


أبغى أرفع معدلي إللي كل ماله في >>>

أعطوني آرائكم ..

[إح ـساس]

مالية شركات مع نسمة

و إدارة اعمال بالأنجليزي حاخذها مع غادة

لغه عربيه و ثقافه أبددد ماعندي فكرا عن الدكاترة

و أقتصاد كلي برضو مش عارفه مع مين

[m!ss dana]

اقتصآد كلي مع هدى خيري

اخذت عربي 2 مع مريم حديدي

والترم هذآ حآخذ ثقافه 3.. بس مو مشكله مع اي احد سهله

ماليه مع نسممه مررره سهل..

والله يوفقك

[my hero]

ترى الثقافة ما يفرق تاخذيه مع مين لان اسالته موحدة من نفس الكلية يعني الاستاذة مو بيدها اي درجات دوري اول وثاني 30 درجو ونهائي 40 ,,,
اقتصاد كلي خذيه مع عبلة بخاري رووووعة لو شاطرة تضمني 90 معاها ...
ماليه مع نسمة تجنن ...
ادارة اعمال بالانجليزي مافي غير غادة ...
دعواتك ^____^

[نقاء]

ادارة اعمال انقلش .. غاده وشدي حيلك وذاكري اول باول وركزي معـاها واهم شي اهم شي اهم شي < شوفي قد ايش قلت اهم شي ههههههههههه لا تغيبي عند غاده حاولي ولا يوم /: لاتسئليني ليش بس بعدين راح تعرفي ..

مالية / نسمه طبعـاااا

اقتصاد كلي / ايمان علي اهتمي باسئلة المراجعة تجي نفسهـااااا غير انها خلوقه وطيبه

لغة عربية / ثريا عبدالسميع < صح شديدة شوي بالمحاضرة بس اسئلتها سهـله مرررره وتحب البنت اللي تركز معـاها وشطوره تقدسك بس عاد ماعرف لو تغيرت او لا

روحي سوي سيرش عنها في منتدى اللغه العربيه ../:

ثقافة 3 / انا اخذتها مع ايمان باسعد خلوقه وطيبه ..بس الثقافه مايحتاج تاخذيها مع مين كله واحد


ماده اختياريه .. ماليه دوليه لو انتي تمشي في الحساب بس الماده عموما اغلبها نظري خذيها مع نسمه


ربي يوفقك

[إح ـساس]

تسلمووو يا عسولااات ما قصرتوا ..

طيب متى راح يبدأ الحذف و الأضافه ..؟

[قمة الأنوثة]

الشي الوحيد اللي اقدر افيدك فيه الاقتصاد كلي خديها ايمان علي

شرحها اكثر من رائع والمراجعه هيا نفسها اللي بالاختبار

بس تراها دقيقه جدا بالتصحيح يعني حاولي تذاكري من المراجعه مرره تماام

الله يووفقك يآآقمرر

[إح ـساس]

يسلمووو يااارب يوفقني و أياكم و يعطيكم إللي في بالكم ..

خلاص ان شاء الله الأقتصاد الكلي مع إيمان علي ..

و بالنسبه للمواد السهله مستغربين أني أسأل لاني دخلت العربي مستوى أول مع دكتورة (ما أبغى أذكر أسمها)
و كانت صراحه كويسه في التعامل معانا بس آخر يوم عصبت
ولا راجعت لنا رغم انو كل الشعب راجعوا وراحوا :(

و حطتنا بموقف مرا مو حلو فأظريت أني أراجع في شعبه مع الله يجزاها بالخير فوزيه العتيبي و يرزقها الجنه يا رب راجعت لي رغم انا جايه متأخر و انتهى الدوام ...