يانااس انا علي ضغوطات :(

[طارق الحارثي]

..
..
..
..
السلام عليكم ورحمة الله وبركاته

ايه انا علي ضغوطات من ابوووي

ابوي يبغاني اكون اكبر دكتور في الممكلة

وكل مايجي عند اي احد من زملاؤهـ
يقول هذا الدكتور طارق ومن هالكلام

في بعضكم بيقول هذا تحميس وهذا يعطيني دفعه معنوية..!!

بالعكس هذا يخوفني
ويخليني اقلق اكثر واكثر

لان بين السنة التحضيرية وبين دخولي الطب
مساله حياة او موووت
انا مابالغ لكن هذي الحقيقة


اي واحد يدخل يعطيني دعوة من قلبه بالتوفيق



فضفضة لاغير

[السيف99]

اذا كانت رغبتك طب فارسم الهدف وعشق الاول والدبل واطلع

وان شاء الله تتوفق

بعدين نصيحه اذا ماكنت تبغى طب لا يجبرك ابوك عليه
وف انا جاتني بعثة الملك عبدالله والوالد يقول روح روح وانا قلت لا لاني ما ابغى طب


فاذا انت تحب الطب الله يوفقك وتوصل للي تتمناه يارب

[Abdulrahman alqahtani]

اذا انت رغبتك طب فهذا شي حلو ان ابوك يحمسك ..

بس المشكلة فيه ناس يعرفون انفسهم انهم يشوفون انفسهم في المواد الحسابية افضل من الحيويه والكيميائية ف يفضلون الهندسة عالطب ..

انا اقول شد حيلك واذا ما تبي الطب حاول تفهم ابوك بأي طريقة لانك بعدين اذا ما دخلت القسم اللي يبغاه هو راح ينصدم وياخذ فكرة عنك انك مو مجتهد ومانت قدها ( خلك شنب ^_*)

الله يوفقك اخوي ويحققلك مرادك ..

[Eng.SouL]

أنا أتمنى لو أبوي حمسني ولا قالي شي
كنت أروح عنده أول ما دخلت الثانوي أقوله وش تبيني أدخل في الجامعة؟
يقولي توك بدري على هالكلام،، ويوم صرت في ثالث ثانوي يقولي اختار اللي تبي
أقوله طيب عطني خيارات يقولي كل التخصصات زينه

أنا والله أكره الطب لو ما يبقى إلا هالتخصص في الجامعة ما أدخله،، بس لو أبوي يقولي أدخل طب والله لأدخله وأنا مبسوط
يمكنه ما يبي يحطني في مثل حالتك بضغوط ومادري وش


مرة في الثانوي عطيته شهادتي مكتوب النسبة 98% قالي زين مبروك،، بعدها بفترة سألته ما حسيتك فرحت يوم جبت 98% قالي توقعت منك أعلى من كذا،،، والله إني شديت حيلي وعذبت نفسي وفي الترم اللي بعده عطيته الشهادة مكتوب 100% >>>>>>>>> قولوا ما شاء الله
عاد قابلني إذا فيه إنسان يجيب أعلى منها قالي زين مبروك هههههههههههههههههههههه

عاد شد حيلك وصر أكبر دكتور في السعودية
وإذا مالك في الطب سو مثل ما قالوا الأخوان وكلم أبوك من بدري قبل ما تكون صدمة في الأخير ..
لأنك ما راح تبدع أبداً في مجال ما تحبه ~~~

والله يوفقنا وإياك،، وإلى الأمااام

[عموريAHLI]

الله يوفقك وتروح طب

[عاصم العاصم]

أولا : حياكم الله أخواننا معنا في الجامعة ...
ثانيا : أخي العزيز طارق ..
جميل أن يكون لك أب يحمسك ويضعك على مدفع النجاح
وايضا ترى والله المسألة سهلة ..
رتب وقتك ( ولا تتوسع في التعارف على الطلاب في السنة التحضيرية )
وايضا طبعا المذاكرة اليومية لابد منها .. افعل السبب وتوكل على الله .. فالقلق المستمر ينافي التوكل على الله
لو تلاحظ كل الناجحين كانوا في ضغوطات استطاعوا النجاح من خلالها ..

[عاصم العاصم]

أخي الفاضل Eng.SouL
صدقني ان شاء الله يجي يوم أبوك يفتخر فيك ..
شد حيلك وتوكل على الله ..

السنة الماضية كان أغلب الطلاب
يريدون ( طب و هندسة ) لو تسأل أي طالب يقول طب هندسة

نصيحة أخ : حاول أن تتكلم بالأفعال
حدد وقت للمذاكرة وتوكل على الله ...
نراك ان شاء الله معنا في الهندسة ...


# اللهم انك عفو تحب العفو فــاعف عنا #

[لنتوكورنيا3]

الله يوفق الجميع يارب وييسر كل أمووورنا في الدنيا واللاخره,,,,
تقبلو مروري,,

[هـمــhamsــس..]

كنت اتمنى ادخل طب والى الان الوالدة تقول لو انك دكتورة

وماانكر اني مابذلت جهد عشان اوصل لهالشي


واذا انت شايل هم السنة التحضيرية ترا هي سهلة لاتستصعب شي يصعب عليك هونها تهون
وتوكل على الله قبل كل شي
وغير كذا احسن الظن بالله والله عند حسن الظن

في شي كمان ماحسيت فيه وتاكدت الا بعد الاختبارات النهائيه : (( ان الله مايضيع تعب احد ))
كنت اقول اتعب ومافي نتيجة بس الجد ان المواد اللي تعبت فيها نجحت والمواد اللي كنت ضاربة امها نومه للاسف ومن دون فخر حملتها

وان شاء الله تفيدك تجاربنا

انا دخلت السنه التحضيرية وانا خايفة ومن الخوف بنفس الوقت مستسلمة

هي كل اللي يبي لها تركيز وشد حيل ومذاكره واذا انت من النوع اللي تركز المعلومة في راسك وقت المحاضرة وبعدها ان شاء الله تمشي فيها باأسهل من السهولة

وفي شي كمان انا قريت في رد عاصم العاصم شي حسيته من جد انه اثر علي اللي هو
( ولا تتوسع في التعارف على الطلاب في السنة التحضيرية )
ومن جد حط ببالك انك رايح عشان تدرس ولاتسوي مثل اغلب حركات الطلاب اللي هي انك تطنش المحاضرة مره مرتين < ماكنت اسويها خخخخخخخخخ > اتعب وحتلاقي نتيجة تعبك بإذن الله
الله يوفقك يارب وتصير دكتور مشهور

متآبعه لك ان شاء الله < صارت مثل ابوه خخخخخخخخخخخخ

بالتوفيق يارب والله يحقق رغبة ابوك فيك

[Hamsa }~]

الله يوفقك ان شاء الله ..

وربي يكتب لك مالك فيه خيــر ..